Jenesese 4:4 - Anatunya Buku Baepole Ole Testamene Pii Lapo dee Nuu Tesamene

⁴ Epolo banya sipisipi ikyane mupwa mendepa sipisipi kapa rukisi lapopeminyuo epo kiso maiya. Dopa pyuo piyambinyisa Kamongome Epolo minyuo epeyamo dupwa rae maipala

Jenesese 4:4 Mawu Ofanana

Jenesese 15:17

Leyamopa neta anda pao iminjiyamopa ane pee epengendena isare yangenge dokona sukwa potemo epeyamopa kendapuli rao siyandena mendepa minju kunjasi dusipanapanga panga papiya.

Jenesese 4:3

Yuu mendepa Keneme eena nenge lapo nyepala Kamongo dokona loma soo kiso maiyamopa

1 Kiŋi 18:24

Dokopa mee bange kingi Bealo anatu lao lakandenge poropeta dupwame nakamana anatu doko kando ateŋa larami. Laraminyi dokopa namba Kamongo kando ateŋa laro. Dokopa mendeme isingi yano pyakalyoŋo lao isare jera doko baa Anatuŋu, leya. Dokopa wambu peparaeme isingi lao, Doko kapaŋa, leyami.

1 Kiŋi 18:38

Leyamo dokopa Kamongo dokome isare isa peyamosa mena pyao kiso maiyamo dokope rao isa dupwape rao kana dupwape rao pipala mee yuu nyisa wangu dupwana rapala ipwa suu nyuo awali lasinya siyamo dupwa sokwapala olo rali piya.

Ekesetase 13:12

Dokona lanyuo eparamo dokopa nakamana wane ane mupwasa dupwa peparae Kamongo keta maiyalapape. Dee dopako pyuo mena kali wambo manjisi dupwa peparae Kamongo banya ingyara.

Poropepe 3:9

Embena yuu dokona nenge mupwasa manjo nyerene dokome Anatunya kingi lakando kisi mairi.

Ipuru 11:4

Epolome Anatu kapa ingingi lao suu piyamo dokome banya mena kiso maiyamo doko Anatu yakaŋa lao nyiyamopa Kenena kiso maiyamo doko mee ingyuo peyapya. Epolome Anatu kapa ingingi lao suu piyamo renge doko minyuo Anatumi baa rolaeŋe leya. Epolo kumuo peyamopape banya pii lasi doko mee silyamo.

Ipuru 9:22

Lowame leyamuli pyuo ranjama dokome bange peparae wate pyuo poo pyao nyepa pingi. Dopako pyuo ranjama isa para ramo dokome koo dupwa nyuo kame sera ingyasi siya.

Orepalaisane 13:8

Dokopa isa enda akali dupwa nakamana kingi doko Anatumi yuu panda wasapa nayamo dokopa letena renge palenge buku dokona kingi pali nange dupwame mena bange koo dokona kingi lao kararami. Buku doko mena Sipisipi Ikyane wambu pyao kumakayami dokona ingyuo siya. Kale kata singi ramo soo pisipwape.

Jasi 6:21

Dokopa Kamongona aŋala dokome kingi pyasinju lapala banya pangali minyiyamo pinjingi dokome nenge dupwana warendeya. Warendeyamo dokopa isare kana dokona piso epapala menape boretepe dupwa reya. Dokopa aŋala doko baa pana naya.

1 Samyuele 15:22

Kamongo dokome angi anjuku keyange lao suu pilyase? Samyueleme leya. Warombo singi dokope panda bange kiso maingi doko rolaese? Warombo soo pingi doko mupwa. Mee mena sipisipi kiso maingi doko mupwa daa.