Jenesese 15:5 - Anatunya Buku Baepole Ole Testamene Pii Lapo dee Nuu Tesamene

⁵ Dopa lapala baa kamanda lanyuo papala lao, Emba yakena bui dupwa akipare lao makande pyuo yaka lao kandape. Dopale ingyuo emba keta para pyao pare, leya.

Jenesese 15:5 Mawu Ofanana

Jenesese 12:2

Dokopa embena rara doko andake ingyuo para. Emba keyange keta paliri laro dokopa embena kingi ketae paramo dokome embena kingi lapapu wambu dupwa elya pyuo karena larami.

Jenesese 13:16

Nambame embena para pyao manjirinyi dupwa yuunya sinjimu dopale inginyi pyambwakaro. Mendeme yuunya sinjimu dupwa yaka lao kandenge ramo dokome embena para pyaramo dupwa kapa yaka lao serami lyakande.

Jenesese 16:10

Kamongona aŋala dokome konda pyuo lamaiyuo lao, Nambame emba wambu wakasa wai kiso jeronopa mendemepe kando pakana palyuo yaka larami ingya nara.

Jenesese 17:2

Dokopa embapa kana minyuo laramba dokopa embame kapa pyuo nyere dupwa kaiya karara lyakande, leya.

Jenesese 22:17

nambame emba elyape keta pisaronopa embena rara andakyara. Embena rara wambu yakenabuipi ipwa pota kee kanape silyamo dopale ingyuo para. Dokona yanda pimwai dupwa nyuo anamasi minyuo kararami.

Jenesese 26:4

Nambame embena manjirinyi dupwa kamame wakasa inginya lao pirunupa yakena bui pilyamo dopaleingyaramopa nambame yuu dake nakama mairu. Mairunupa nakama keta rara peparae elyape keta piso parami.

Jenesese 28:14

Embena para pyarene dupwa yuunya sinjimu ingyaramo dokona piso raeyarenepa palyuo yuu muu peparaena dumurena dalyarena donorena dulurena pao piraminyipa nakama keta rara peparae elyape keta pisarami, leya.

Jenesese 32:13

Lapala kukwa Jekopeme banya mena karenge dokona yangonge Iso mee mairamo dupwa yapo nyiya.

1 Kiŋi 3:8

Dokona wambu embena rangena ingyarami lao rombo palyiinyi dupwa pipya namba dae role pyao karamano. Wambu ama kamame malu soo kaeyo mendemepe yaka lao sukusa kapa paa narami.

Niyamaya 9:23

Embame akali wai kisinyipa yakena bui karapyamo mendeme yaka laa nalyaminyi dopale inginyi pyambii. Nakamana rora ambasu dupwa yuu doko mairunupa palirami lao lalu lao leene dokona nakamame anamasi minyuo epo palena lee.

Ekesetase 32:13

Embena kendemande akali Aporakame Aisake Jekopemoo dusipana lao suu pyaro karape. Karo nakama kando embena pii lalu lao lao, Nakamana wane manjiraminyi dupwa kamame wakasa yakena bui dopale ingyuo ando kararami. Nakamana para pyaraminyi dupwame yuu mairu lalu lao leene doko nakamana ingyuo dokona palyuo karalu kararami leene doko suu pyaro karape, leya.

Orome 4:18

Dupwame mende pii nara lao suu piyami dokopa Aporakameme mende piraŋa lao suu pyao kaeya nao kareya. Dokome lapala baa rara malunya rakange ingyuo peya. Anatunya pii pyasi dokona lao dokopa, Embena para pyaramo dupwa malu ingyuo para lyakande leya.

Dutaronome 10:22

Nakamana rora ambasu dupwa yuu Isipi peyaminyi dokopa nakama akalisa yanda ipingi nyepo iki pao kareyami. Dopa piyaminyipape epapu nakamana Kamongo Anatu dokome wambu kamame wakasa wai nyiyasa yakena bui dopale ingyuo karaminyi.

Ipuru 11:12

Aporakame emo kaepala kumalana kimbu malyaro kareyamo baa akali mendaki doko keta wambu ama rara andake ingyuo yakena bui dee ipwa kota kee kanape ingyuo peeyara mendeme yaka lao kandarami ingya naya.

Josua 24:3

Yuu gii dokopa nakamana kauwange Aporakame ipwa Yuporisa wangu pakirename kareyamopa nambame nyuo lanyuo yuu Kenane peparae dokona sukusa mondo lao laminyuo peyo. Papala dokopa banya para pyasi ree palu andake inginyi pyambuyu.