Jemesa 4:10 - Anatunya Buku Baepole Ole Testamene Pii Lapo dee Nuu Tesamene

¹⁰ Range dokona koo nono ingyuo karalapape. Dopa pirami dokopa Anatumi nakama nyuo ketae pyambwara.

Jemesa 4:10 Mawu Ofanana

Jopo 5:11

Anatu baame wambu inyimungu karenge dupwa minyalyuo ee lao karenge dupwa rae mainyi pyambuo pingi.

Samu 27:6

Dopa piramopa nambame nambana yanda pimwai karo kako pilyaminyi dupwa nyuo anamasi minyapala yuwa lao mambo pyakaro. Dokona pii ketaepalyuo rae maiyuo tembole anda dokona bange pyao kiso maipala Kamongo baa kenane pyao lakandaro ingilyamo.

Ekesetase 10:3

Dopa lapeyamo dokopa Erone Mosesepa pao kiŋi doko kando dopa lamaiyambi. Ipuru wambunya Kamongo Anatu dokome lao, Yuu mange akipare dee nambana pii soo nyii nao kamba lao kararepe? Nambana wambu dupwame namba kingi minyalyuo lao lakandarami lao pena lakape.

Matyu 23:12

Mendeme namba range mupwa karo lao suu pyarami dupwa bulu bulu pyapala kuki ingyuo kararami. Mendeme namba range kuki karo lao suu pyarami dupwa anda nyimbuo mupwa ingyuo kararami.

Luku 1:52

Kiŋi kareyami dupwa pyao mee inginyi pyambwapala inyimungu petenge dupwa nyuo ketae pyambuya.

Luku 14:11

Dokonako ingyuo wambu range mupwa ingyuo karo larami dupwa peparae kuki ingyaramopa kararami. Mendeme range kuki ingyuo karo laramo doko mupwa ingyaramopa karara leya.

Luku 18:14

Dopa langilyu, akali doko Anatumi kando rolae leyamopa anda peya. Parisi akali doko rolae ingyuo paa nayamopa anda peya. Dokona lao akali peparae range ketae pyambuo kararami dupwa rengya kuki ingyara. Akali namba koo karo lao suu pyarami dupwa rengya ketae pyambwaramopa kararami, leya.

1 Pita 5:6

Anatunya kingi kape porai dokona isarena range kuki ingyuo karare dokona baa range suu pyaramo mange keyange dokopa emba minyalyuo nyera.

1 Samyuele 2:7

Kamongo baame akali lapo pendewa inginyi pyambwapala menge dupwa kamonganyi pyambungi. Baame lapo inyimungyu kuki ingyuo kararaminyipa menge dupwa andake ingyuo karena lao pingi.

1 Samyuele 2:9

Kamongome wambu banya yulu kare kare soo pyuo karenge dupwa kyawa minyingi. Dopa pilyamopape yulu koo pingi dupwa iminjingi dokona nyuo ope ape pokenge. Akali rangena poraindeme koo dupwa nyuo kalyuo anamengende daa.