Jemesa 3:13 - Anatunya Buku Baepole Ole Testamene Pii Lapo dee Nuu Tesamene

¹³ Akali mende angi mona palenge kareya kande doko baa pau lao mona palenge ingyuo yulu keyange pira. Piramo dokome wambu dupwa baa mona palengelamo lao soo gisarami.

Jemesa 3:13 Mawu Ofanana

Samu 107:43

Wambu mona palenge dupwame dake doko mende lyamolao suu pyao karena. Dopa pyuo Kamongona kare kare soo mona retenge dokona suu pyapala mona kumuo maiyuo karena.

Samu 122:8

Nambana ree palupi puu minyingipi dupwana reke lao Jerusaleme dokona mona kyuu lao seramo pisipwape, leto.

Aisaya 60:6

Yuu Mitiane Epape dolapona piso mena kamele malu suku piro karo eparami. Dopa piraminyipa mena kamele lapo yuu Sipa dorena karo kana golope rendamu pingi bangepe minyuo eparami. Dokopa Kamongome yulu keyange pipyaŋa lao wambu dupwame waili pii doko larami.

Aisaya 61:1

Kamongo Mupwa Andake Wakasa dokome banya imambu doko namba keta palyuo simbwapya. Baame wambu pendewa dupwa waili pii keyange doko boo pyao lamaiyuo karape lao namba rombo palyapya. Mona yanyi pyapyamo karaminyi dupwa pyuo nyuo puu maisi karaminyi dupwa moko nyuo wambu isare rapyamo karaminyi dupwa mokwala pupi lapyasa epelyo.

Jeremaya 9:12

Nambame piso soo, Kamongo, akipamo yuu dokona wambu dupwa moko palyuo paa nana lao bulu bulu pyao ukiaki minyasi silyape? Akali api mende mona palikonda pingindeme renge dake soo nyerase? Api keta embame pii doko polo lamaipinyipa pao baame wakale dupwa lamairase? leyo.

Jeremaya 9:23

Kamongo dokome letamo. Mona palenge akali dupwame nakamana mona palyuo soo nyinginya renge doko lakanda nana. Panda akali porai dupwame nakamana porainya renge doko range lakanda nanako. Akali bange malu retenge dupwame nakamana bange dupwana lao range lakanda nanako.

Daniele 2:21

Baame neta pingipi apu pingipi yuu gii dupwa rapu pingi. Baame kiŋi dupwa rombo palyepala dee nyuo isa nembenge. Baame akali dupwa soo gisinginya rengepe dee singinya rengepe maingi.

Nambase 12:3

Mosese baa akali ama inyimungu karenge. Yuu muu peparaena baa yale mendali daa.

Matyu 11:29

Yulu pingi bulamakao soo gisingi dokome isa mamando puu pyanyi palyapala soo mendeme mana lamaiyuo maki pyuo soo penge dokona suu pyao nambapa wambu mende larapu namba pironuli pyuo mana nyuo isa mamando role pyao soo papimbanale. Namba range monarena koonono ingyuo elya kalo karenge dokona nakama mona seramopa kararami.

Matyu 21:5

Nakamana Kiŋi doko epapu nakama keta epelyamo lao, Yuu Sayone range wambu dupwa lamaiyalapape. Pau lao epo donge dokona petamo, dongena ikyane kumwambona dokona petamo, leya.

Matyu 5:5

Wambu pau lasi dupwa yuu muu dupwa nakamana sera dokona nakama rae maiyuo pelyaminyi.

Matyu 7:24

Wambu nambana pii dusipa warombo serami dupwa peparae akali mona palenge banya anda kana dokona ketae piya dopale ingyarami.

1 Korina 6:5

Nakama range elyame kumarami. Nakamana Elyambu Pingi dokona akali mona angi palenge mendeme mee kote kapa singi lao suu pilyu. Kurisene yango dolapo kote pii lalana ramo akali mona angi palenge dokona larambi ingilyamo.

2 Korina 10:1

Namba Poleme nakama piso sokondali pyuo leto. Namba nakama pipya karo dokopa pau lao anjiki pyuo karene lao letaminyi. Lapala namba nakama pipya kara napunu dokopa nakamana lao namba poraiyuo kaelene letaminyiko. Dokona Koraisana kondange rengepe anjiki pingi rengepe dolapona lao piso sokondali piruwale.

2 Korina 8:24

Nakama mona retelyaminyi dokona lasaka pyuo pipape. Dokopa nakamana yulu keyange doko namwame lakandaramano kandapala namwame kapa letaminyi lao kandarami.

Galasia 5:23

Dee range inyimungu suu pingi range kame pyuo minyuo pirami dopale ando epengeko. Yulu dusipana lowa mende see nalyamo.

Galasia 6:1

Yangonemoo nakama Imambunya yulu rolae pyuo karaminyi dupwame mendali koo pira ramo doko nyiso lao rolarami. Dopa pyuo lao dokopa anjiki pyuo lao rolarami. Nakama range opetae isa pasarami kando lao karalapape.

Galasia 6:4

Nakama rangena yulu dokona apa pyuo pilyusi lao range kando pyuo karalapape. Rolae ingyuo pelyamo lao kandapala doko keyange lao sepala baa rae maira. Akali mendena yulu koo doko kandapala yulu rolae suu pyapala range ketae nembo kara nalapape.

Epesasa 4:2

Nakama pau lao anjiki pyuo wambu yango kando waiya lao imbu singi nyii napala kenda jerami dupwa nyuo sakamyuo mona reto karalapa.

Pilipai 1:27

Koraisana waili pii keyange letamuli pyuo dokoko iki pyuo karalapape. Namba kandala eparonopape epa naronopape nakama mona mendaki palyuo suu pingi mendaki suu pyao waili pii doko kapa andena lao poraiyuo pirami doko langyaraminyi sero.

Kolosi 3:12

Nakama Anatu rangena rombo palyuo kaeyasi wambu karaminyi. Baame nakama mona retapala rangena lao rombo palyiya. Dokona lao nakama wambu yango kando sakapala anjiki pyuo karo range inyimungu kararami. Mee pau lao maka nao pyuo karalapape.

1 Timoti 4:12

Emba wanyane akali lapala wambu lapome emba pirinyi dupwa kando epekanda nasarami kando lao yulu auwo kandaramili dupwa iki yapo piri. Pii laope wambu yango mona retope Anatu kapa ingingi lao suu pyao karo emba kando laa naramili dupwana palyuo rolae pyuo karape.

1 Timoti 6:11

Emba Anatunya wambu dokome yulu koo doko waso karare. Yulu rolae dokonape Anatunya Imambunya yulu angipi kapa ingingi lao suu pingipi mona retenge rengepe Anatunya yulu yaki nyuo kaeya naope anjiki pyuope yulu dopale dupwa pyuo gii lao minyaro karare.

2 Timoti 2:25

Baa akali kamba lao karenge dupwa kando anjiki koo pyuo nakamana yulu kyai pilyaminyi dupwa lao rolakamirasa pira. Baame kamba lenge dupwa kando anjiki pyuo lara ramo dokopa Anatumi kata wapwakamiramopa nakama mona kapu kyuo pii angi doko serami ingyara.

Taitesa 3:2

Nakamame akali peparae kando mona seramopa yako lao anjiki pyuo karo mendali kando pii koo laa nana lao lamairi.

Ipuru 13:5

Kana mone mona nyisarono kando lao waso bange emba keta silyamo dusipa yakaŋa lao suu pyao karape. Anatumi lao dokopa, Emba yaki nyuo kaeya naro letamo.

Jemesa 1:21

Dokona lao yulu kwaengepe dee yulu koo waiya lao andelyamo dupwa nembo kaeyalapape. Anatu laramuli pyuo warombo soo pisipala, banya pii nakama lete nyeramo doko baame mona anda palyakayamo doko soo manjo nyelapapae.

Jemesa 2:18

Mendeme nambana pii doko sepala dokopa, Namba Anatu kapa ingingi lao suu pyao karo dee embame yulu pyuo wambu yango nyisingi lalyane larami ramo namba dopa pyuo isingi laro. Embame wambu yango nyisa nao mee Anatu kapa ingingi lao suu pyao karare ramo namba yulu pyuoko wambu yango nyisarono dokome namba Anatu kapa ingingi lao suu pyao karo doko panara.

Jemesa 3:1

Yangonemoo nakama wambu malu mee rapu pingi ingyuo paa napengele. Rapu pingi dupwa keta kote pii kama andakele ingyuo palira doko soo karaminyi.

Jemesa 3:17

Anatu keta suu pingi epelyamo doko keyange yapasi. Doko soo nyerami dupwame yango dupwa mona mendare palyapala mendali kando anjiki pyuo yako lao mendali sakao karo yulu keyange pyuo kararami. Yanengena suu pyao yapalya yapana pyuo mee kambunya ketae Kurisene ingili lao kara narami.

1 Pita 1:15

Yulu wambarae dupwa kaeyapala Anatu nakama sukusa ipupwape leyamo doko baa poo pyasi ingyuo karenge dokona suu pyao nakamana yulu dupwa poo pyasi ingyuo sinya lao pyuo karalapape.

1 Pita 2:12

Kurisene daa pipa karo dokopa emba dopalepe dapale lao kandarami doko suu pyao kandokondali pyuo wasinyi nembo piso karo piri. Dokopa Yesu kapu kyuo eparamo gii dokopa nakamana yulu keyange dupwa panaramopa kandarami Anatu kando lakandarami ingilyamo.

1 Pita 2:9

Nakama Anatunya wambu rara yapasi ingyapala rakange pongo poo pyasi ingyuo karaminyi. Iminjinginya peteyaminyipa Anatumi yangaenge dorena kee lao sukusa nyepala nakama Kiŋinya purisi akali inginyi pyambuyamosa banya yulu andake dupwa pano larami lyakande.

1 Pita 3:4

Anatumi epe soo kandara dupwa mona andarena kalya pisi sinya lao elya kalo anjiki pyuo piso karo pipape.