Jasi 5:14 - Anatunya Buku Baepole Ole Testamene Pii Lapo dee Nuu Tesamene

¹⁴ Yuu Eporaime wambu dupwa nakamana yuu dokona piso akali Benjamenena rara wambu dupwana matarena epo yuu anda lama lama dokona epo sukusa pyaka siyami dokopa yanda singi isingi akali dupwa yuu Maki piso epeyami. Dee akali mupwa dupwa yuu Sepyulane dokona piso epo piyami.

Jasi 5:14 Mawu Ofanana

Jenesese 35:22

Isaraele baa yuu dokona paleyamo dokopa akali Urupeneme banya rakangena kamba enda Bilya lenge dokopa role pyao palimbi leyaminyi sepala Isaraele imbumi kumuya. Jekope baa wane akalisa ipisu lama mandeya.

Jenesese 35:23

Liyana wane mandeyamo dupwa wane mupwa doko Urupene. Dee lapo dupwana kingi Simione Lipae Juta Isaka dee Sepyulane.

Jenesese 35:24

Oresolona wane mandeyamo dolapo Josepe Benjamenepa.

Osia 5:8

Yanda pirama lao bikuli lenge dupwa yuu Gipiya dokona poo lalapape. Yuu Orama dokona randa epelyamo lao repe repe lamaipwape. Lamaipala yuu Betele dokona yuwa pisalapape. Benjamenena akali dupwa yanda dokona pupwa.

Jasi 4:10

Dokopa Bereke baame Sepyulane rarape dee Napatalai rarape peparae kyakale lao yuu Ketese dokona epena leya. Dokopa akali taosande akalisa (10,000) baame leyamuli pyuo epeyaminyipa enda Depora baa opetae role pyao peyami.

Jasi 4:14

Dokopa dee Depora baame akali Bereke lamaiyuo leya. Mee pao pilinyili pyuo pupi. Epapu yuu gii Kamongome Sisira baa pyao ralinyi nembalase lao yuu gii jilyamo. Jepala Kamongome emba dopa pii lao kata lasaka pyuo karamo, leya. Dokopa Bereke baa yuu kyau Tapo lenge doko yaki nyuo banya akali taosande akalisa (10,000) dupwa pipya lupyuo peyami.

Jasi 5:13

Dokopa enakana akali yaki nyii nange dupwa nakamana lita dupwa keta epeyami. Dokopa Kamongona wambu dupwa baa keta epo rapa rapa pipala yanda pela epeyami.