Jasi 4:6 - Anatunya Buku Baepole Ole Testamene Pii Lapo dee Nuu Tesamene

⁶ Dokopa enda baame akali Bereke lenge doko epena lao wai nembeya. Bereke baa Apinome banya ikinyingi baa yuu Napatalai lenge taone andake Ketese lenge dokona kareya. Bereke epeyamopa baa lamaiyuo, Kamongo Isaraele wambunya Anatu dokome dopa pipi lao langipya. Dee embame Napatalai rarape Sepyulane rarape dolapona akali taosande akalisa (10,000) dupwa nyuo yuu kyau Tapo dokona lanyuo pare, langipya, leya.

Jasi 4:6 Mawu Ofanana

Samu 89:12

Yuu parali dolapo wasiinyi silyamo. Yuu Tapo Emonepa kyau dolapome embena lao rae maiyuo kenane pyakange.

Samu 89:13

Anemapwae. Emba ama porai renge wakasa palenge. Embena porai renge doko bange mendepa manda manjipa nalyamo.

Osia 5:1

Nakama purisi dupwa dake selapape. Isaraele wambu dupwa pii dake kale yukupala selapape. Nakama kiŋinya ree palu dupwa selapapeko. Nakamame kote dupwa rolae lapenge lyakande. Dokona nakama keta kote palira ingilyamoŋo kando karalapape. Yuu Misipa yuu kyau Tapo dolapona nakamame wambu nyuo koo keta palyalana anga pyuo kone makasi ingyaro silyaminyi.

APOSELENA YULU 13:47

Kamongo dokome namwa dopa pipwape lao langiyamo dokopa pii mende leya. Nakama Juu daa rara wakale dupwana lambe ingyuo kararami ingilyamo. Yuu muu peparaena wambunya lete penge kata doko lasaka pirami ingilyamo, leyaŋa leyambi Pole Banapasapame.

Ipuru 11:32

Namba ii palimwa epenge dokona dee mende aki laowape? Akali Gitione, Bereke, Samasone, Jepeta, Dapiti, Samyuele dee poropeta dupwapena yulu moko minyuo dee lao parono yuu kwuanyi sera saro kaelyoŋo.

Josua 1:9

Nambame emba kando, Mona kumapala porai ingyuo yulu dokona kandokondali pyuo karape lao mana langiyu kande. Dokona lao namba embena Kamongo Anatu emba anja panda parene dupwana role pyapeta paramba dokona paka nao mona nemba nao poraiyuo karape, lao Kamongome leya.

Jasi 4:10

Dokopa Bereke baame Sepyulane rarape dee Napatalai rarape peparae kyakale lao yuu Ketese dokona epena leya. Dokopa akali taosande akalisa (10,000) baame leyamuli pyuo epeyaminyipa enda Depora baa opetae role pyao peyami.

Jasi 5:1

Yuu gii dokopa enda Deporapa akali Bereke Apinomena ikinyingi dokopame kenane dake piyambi.

Jasi 6:35

Dee baame yuu Manasa andake dokona wangu paki pakipi laparaena pii wai nembo wambu dupwa kee lapala baa moko minyuo epena lena leya. Lapala baame dee akali Asana rarape Sepyulanena rarape dee Napatalaina rarape dupwa wai nembeyamosa nakama baa keta pakalana kimbu soo epeyami.

Jasi 8:18

Enakana Gitioneme Sipa Salemunapa piso soo, Nakambame yuu Tapo dokona akali pyao kumakayambi dupwa lenge kambu apyakalese? leya. Dokopa nakambame isingi lao, Akali dupwa embena lenge kambu nyingi. Dee peparae nakama kiŋinya ikinyingi yale, leyambi.

1 Samyuele 10:3

Dokopa dokona piso pao yuu Tapo dokona papala isa yapasi mende karenge dokona pao karo dokopa akali rema yuu Betele dokona mena pyao kiso Anatu maiyala panya eparaminyi kando nyere. Dokona mendeme mena meme ikyane rema kata laminyara. Mendeme nenge borete remako minyara. Dee mendeme nyuukwuanyi mendena ipwa waene simbuo manjira.

1 Samyuele 12:11

Dokopa Kamongome akali Gitionemoo Berekemoo Jepetamoo dee mende nambamoo pipya pupwa lao nembeya. Namwame nakamana nyisu petengena kingi raka lao nyiyamano dokopa nakama kapa manda rao palyuo kareyami.