Ipuru 11:34 - Anatunya Buku Baepole Ole Testamene Pii Lapo dee Nuu Tesamene

³⁴ Nakama porayapala isare andake rao kareyamo dupwa kunjapala wua gelame pyalana pyuo epeyami dupwa anameyami. Wambo pau lao kareyami doko enakana kuli palyuo yandana ketae palipala yanda pimwai dupwa pyao anamo piyami.

Ipuru 11:34 Mawu Ofanana

1 Kiŋi 19:1

Kiŋi Ayapeme Ilainja baame yulu peparae pyuo mee bange kingi Bealo lenge anatu lao lakandenge poropeta dupwa peparae pyao kumakao piyamo dokona lao banya etenge Jesapele lenge doko lamaiya.

1 Kiŋi 19:3

Leyamo pii doko Ilainja soo pakapala baa range kyawa lete nyuo banya kendemande akali doko nyepala pakao yuu Biasipa yuu Juta singi dokona peya. Papala banya kendemande akali doko dokona karena lapala

2 Kiŋi 6:1

Yuu gii mendepa poropeta akali Ilaisamoo role yulu pyuo karenge dupwame baa kando mumu lao, Namwa yuu palimwa dake kamame kuki koo ingilyamo, leyami.

2 Kiŋi 6:32

Dopa lapala baame wai pii minyingi akali mende Ilaisa nyela pena leya. Yuu gii dokopa Ilaisa baa banya anda akali andapae lapo baa kandala epeyami dupwa pipya role peteyami. Wambo kiŋinya wai pii minyingi doko epapa nayamopa Ilaisame akali andapae dupwa lamaiyuo, Akali wambu pyao kumakaenge dokome mendali dae namba pyala pena lalamo lamo. Epapu baa dae repeta epeya kande doko kambu dowa doko upi lapala baa andakare epa nana lamailapape. Kiŋi baa enakana oo repeta epara, leya.

Jopo 42:10

Dokopa enakana Jopo banya puu minyingi rema dupwana lao ateŋa lakamyuo otapeyamopa Kamongome bange keyange ama malu retena lao maiyamosa bange isa peyamo dupwa dee wai kiso nyakamyuo dokopa mee lama kamame konda pyuowale maiya.

Jopo 5:20

Lopo singi dokopa emba nenge joo karenge. Yanda sipurelyamo dokopa emba pyaa nana lao kyawa minyuo karenge.

Samu 124:7

Nuli nenge akalinya yaka kone makanyi palyingi dokona yaka baa kuinya palipa nao wanjingi dopale ingyuo karamano. Kone makami doko petapyasa namwa kiiramo pasi karamano.

Ekesetase 18:4

Kiŋi Perao dokome pyao randa jii nana lapala nambana rakangena Anatu dokome namba nyiso kyawa minyiya. Lapala banya wane mende dokona kingi Eliase leya. (Kingi Eliase doko Anatumi namba nyisingi dopale lenge.)

Aisaya 43:2

Nakama ipwa rapu koko kyuwa dupwa yalo paraminyi dokopa namba range nakama role kararo. Nakamana randa dupwame nakama kapa nyuo anamasi minya nara. Isare rao kararamo dupwana sukusa parami dokopa nakama isare dokome kapa raa narami. Dee makande pingi andake dupwa nakama keta eparamo dokopa randa nyii narami.

Jeremaya 26:24

Dopa piyaminyipape namba Jeremayame akali Aikami Sapanena ikinyingi dokona matarena karo yulu piyu dokome wambu dupwame pyao kumakana lao mai nayami.

Luku 21:24

Nakama wua gela nenge dokona nyinyi piso pyaraminyipa, rara wakale wakale dupwame nakama puu maipala lanyuo parami. Dokopa wambu rara wakale dupwame Anatu kaena lara yuu gii doko ene epapa naramopa Jerusaleme doko nyuo kalyuo kararami.

1 Pita 4:12

Nambana puu minyingimoo. Randa wakale wakale nakama keta epelyamo dupwa nakama apiyakale lao mee makande pyuo ipyamosa pilyamo dokona mona nembo yamarangwa nalapape.

Jasi 15:8

Lapala Samasone baame Pilisitia akali dupwa pipya yanda pimwaiyapala akali ama malu baame pyao kumakaya. Enakana yuu Etame lenge dokona kananda mende karenge dokona pao palu karo piya.

1 Samyuele 18:11

Soleme dopa lao range suu pyao, Nambame Dapiti kakumi pyaronopa apya dokona pararo karenale, leya. Dopa lapala kakumi yuu lamasa lao piyamo doko Dapitimi mee wanjinyi nembeya.

1 Samyuele 19:10

Sole banya kaku dokome Dapiti anda apya kolapanalu arekyo pyalena piya. Dopa piyamopape Dapitimi kaku doko wanjiyasa anda apya dokona peteya. Dokopa Dapiti baa range kyawa lete nyuo makando wakale peya.

1 Samyuele 20:1

Sole baa yuu Nayote yuu Orama singi dokona epeyamo dokopa Dapiti baa kala Jonatane kareya dokona peya. Papala baame piso soo, Nambame aki koo mende pipusi? Nambame aki kopetame mende embena rakane kando pipunusa namba pyao kumakalana pilyase? leya.