Epesasa 5:4 - Anatunya Buku Baepole Ole Testamene Pii Lapo dee Nuu Tesamene

⁴ Mora pii koralepe kopyali piipi mee ketae giyalya giyana pyuope kapa laa napenge ingingi dupwana laa kaepala Anatu dokona sangyu lao karapengele ingilyamo.

Epesasa 5:4 Mawu Ofanana

Samu 33:1

Rolae pingi dupwa Kamongome mende pyakapya dokona lao pii ketae palyuo lao rae maiyuo karalapape. Banya pii warombo singi dupwa peparae nakama banya kingi lakandalapape.

Poropepe 15:2

Akali mona angi palenge dokome pii lenge dokopa singinya renge dokona au pyuo penge. Dee akali kopyali dupwame pii lenge doko sane peena ipwa rao bolo pyao popo kau kau lao penge dopale ingingi.

Daniele 6:10

Mawa pii doo pyao palyami leyaminyi doko Daniele sepala banya anda peya. Banya anda dokona ketae dulurename panda singi dokona windowa lapo Jerusaleme kanda kanda singi. Dokona baa yuu peparae pinginyili pyuo windowa lumbwapala wapambu pii pyaro piso yuu gii mendakinya yuu remasa lao Anatu ateŋa leya.

Make 7:22

mendena bange nyipuli lao suu pingipi yulu koo pingipi panga singi yulupi yuu yuu pyuo pundamu kumungipi kanda lyanolyano pingipi mata kando kyambo lengepe yanengena ando minyingipi moŋokyaŋe singipi,

Jone 6:23

Dee bote Taipitiasa range lapo epo Kamongo dokome ateŋa leyamopa borete nao peteyaminyi mare dokona repeta epo siyami.

Orome 1:28

Akali dupwame Anatu dokona lao suu pyaa nalyamisa Anatu baame nakamana suu pingi doko kwaena lao kaeya. Dokona lao nakama lao nakama yulu pii naramili dupwako pingi.

2 Korina 1:11

Dokonako palyuo nakamame ateŋa pyakao karapala namwa nyisinyi pyambulyaminyi. Anatumi ateŋa malu pilyaminyi doko isingi yano pyao namwa baame keyange renge palyuo nyisara. Nyisaramo dokopa wambu malu mee namwana yulu kando sangyu lao ateŋa larami.

2 Korina 9:15

Anatunya renge ama mupwa wakasa mende jiyamo dokona lao sangyu lamanale.

Epesasa 1:16

nambame ateŋa lao dokopa kaeya nao ange lao karo.

Epesasa 4:29

Pii koo dupwa nakamana kambunya neta nyii nao pii keyange yapo, pii keyange dupwa lao wambu yango nyisaraminyi dokopa serami dupwa elya pisi ingyuo parami.

Pilipai 4:6

Mona nembo kara nalapape. Nakama yano piramo kararami dokona nakamana ateŋa dokome Anatu piso selapape. Dopa pyuo baa piso soo dokopa mona kare kare sangyu lao pipape.

Kolosi 3:8

Imbwuangepe ingi pungipi nengepe kanda sikya sikyu lengepe ingi koo manjo laiya lengepe mokwalipi lengepe dupwa nembo kaeyalapape.

1 Tesalonaika 3:9

Pii doko sepala dakepa nakama keta Anatu kando sangyu letamano. Namwame Anatunya lenge kambunya karo nakamana yulu rae maipala sangyu letamanoko.

1 Tesalonaika 5:18

Yulu peparaena lao Anatu kando sangyu lamaiyalapape. Nakama Koraisa Yesupana arapu dokona lete karaminyi dokona Anatumi nakama yulu keyange dopakale pyuo karamili lao suu pilyamo.

Pilimone 1:8

Renge dokona lao namba Kurisene yangonge ingilyamo dokona dopa pyuo piri lao eŋa nembapala langiru ramo doko kapa ingyara.

Ipuru 13:15

Anatu keta kyaa piramo karena lao namwana kambumi kaeya nao lakandamana. Dopa pyuo pirama ramo doko Yesu keta Anatunya kingi doko kulisa palyuo laramanosa pira.

2 Pita 2:18

Nakama sipurapala yongona pii andake lapala wambu mona kapu kyasi poraiyapa nalyaminyi dupwa nyepala yongona pundange renge dupwa mana lamaiyuo neta nyilyaminyi.

2 Pita 2:7

Akali Lote baa nakamba role pyao karapala nakamana yulu koo dupwa kando mona randayamosa Anatumi baa kyawa lete nyiya.

Juti 1:10

Leyamopape akali dusipame yulu see nalyaminyi dokona lao giyalya giyana pyuo karaminyi. Mena rae lenge mana keyange nyii nao mee kamenge karenge kata dokona moko minyuo kokwa soo nakama isa pelyaminyi.

Juti 1:13

Nakamana yulu koo wakasa piminyi dokome ipwa kota jingi kasokole minyingi make make manjo epenge dopale ingyuo panelyamo. Bui mee yakena paeyo karenge dupwa Anatumi iminjingi panda koko karalu kararami lao nembara dopale ingyuo karaminyi.