Epesasa 5:1 - Anatunya Buku Baepole Ole Testamene Pii Lapo dee Nuu Tesamene

¹ Nakama Anatunya mona nyingi wane wanakepe ingyuo karaminyi dokona banya yulu pinginyili pyuo pyuo karalapape.

Epesasa 5:1 Mawu Ofanana

Jeremaya 31:20

Isaraele nakama nambana wane mona wakasa retenge ingyuo karaminyi. Wane nambame mona angingyuo retenge dupwa nakama iki. Yuu lapo nambame nakamana kingi dokona arome pyao dokopa nambame nakama mona reto suu pyao lenge. Nambana mona doko nakama keta silyamo. Nambame nakama sakame kumuo kararo.

Osia 1:10

Isaraele wambu dupwa ipwa kotana kee silyamo dopale ingyuo ando parami. Dokopa yaka laope makande pyuope pii narami. Epapu nakama langyuo lao, Nakama nambana wambu daa. Dopa laronopape yuu gii mende eparamo dokopa nakama kando lao nakama Anatu lete karenge dokona wane wanakepeŋe lara.

Matyu 5:45

Dopa pyuo pirami ramo dokopa nakamana Rakane yake panda karenge dokona wane wanakepe ingyuo parami. Dokona lao baame banya neta doko wambu koo keyangepe peparaena lao pyakalyapala rena lenge. Dopako pyuo apunda doko wambu rolae pingi rolae pii nangepe peparaena lao epena lenge.

Matyu 5:48

Dokona nakamana Rakane yake panda karenge doko ama rolae wakasa pyuo karamo doko suu pyao nakama ama rolae wakasako pyuo karalapape.

Jone 1:12

Yako lao nyii nayaminyipape wambu baa yako lao nyepala banya kingi doko kapa ingingi lao suu pyapala mona maipa piyami dupwa Anatunya wane wanake ingyuo karena lapa piya.

Epesasa 4:32

Mendeme mende kando anjiki pyuo karo mona pau lao, Anatumi Koraisa keta nakamana koo dupwa kame sakaya dokona suu pyao nakamame yango mendena koo dupwana suu pyanyi pyano kara nalapape.

Pilipai 2:15

Dopa pirami ramo doko nakama koo pii nao poo pyasi ingyuo kararami. Nakama Anatunya wane wanakepe koo isa palya nange dupwa yuu dakena wambu koo pyuo rango nao karenge dokona role pyao palirami ingilyamo. Nakamame bui yake dokona rao karenge dopale ingyapala,

Kolosi 3:12

Nakama Anatu rangena rombo palyuo kaeyasi wambu karaminyi. Baame nakama mona retapala rangena lao rombo palyiya. Dokona lao nakama wambu yango kando sakapala anjiki pyuo karo range inyimungu kararami. Mee pau lao maka nao pyuo karalapape.

1 Jone 4:11

Puu minyingi dupwa namwa Anatumi dopa pyuo mona reteya dokona namwame namwa lao mona reto karapenge ingilya kande.