Epesasa 1:4 - Anatunya Buku Baepole Ole Testamene Pii Lapo dee Nuu Tesamene

⁴ Anatumi yuu muu dupwa ene wasapa nao karo dokopa Koraisa role pyao kararama lao namwa rombo palyiya. Dokome namwa koo mende pali nao yapasi inginyi pyambwara ingilyamo. Anatumi renge kuiyuo mona reto karapala

Epesasa 1:4 Mawu Ofanana

2 Samyuele 22:24

Nambame koo mende pisarono kando lao nyokonyuo karenge dee namba koo mende pii nange doko baa silyamo.

Aisaya 42:1

Kamongome lao, Nambana kendemande nambame baa porainyi pyambungi. Nambame baa rombo palyapala baa kando raeko maingi. Baa keta nambana imambu dokome maralyiyu. Dokopa baame wambu rara peparae yulu rolae dokona polo lamaira.

Lipitikase 19:2

Namba nakamana Kamongo Anatu poo pyasi karo dokona lao nakama poo pyasi karalapape, leya.

Matyu 24:22

Anatumi yuu gii nyuo muu pinyi nemba nayali doko wambu peparae koo keta palyuo kumuo oteyamuli. Doko kaepala banya wambu lapo rombo palyiyamo dupwana reke lao repele pyakanya lao muu pinyi nembara.

Matyu 24:24

Dokona lao akali lapome kyambo lao, Namba Koraisa karoŋo, lao sipurapala wambu kando yamaranguramili yulu andake dopale lapo lasaka pyuo pyuo kararami. Akali dupwame mee wambu dupwa suu longo nyuo karo dokopa Anatunya rombo palyisi wambu dupwa opetae suu longo nyelana lao pyuo kararami.

Matyu 24:31

Dokopa bikuli andake laramopa banya aŋala dupwame porambaiye renge kuiyuo epenge yuu pinjingi kisima dusipana pao banya wambu yapasi dupwa nyela pena lara.

Matyu 25:34

Dokopa Kiŋi dokome banya kingi rolaerena kararami dupwa kando dopa lara. Rakangeme nyiso elyape keta pisiyamo dupwa baa yuu kanda soo wasiyamo dokopa isingi panda keyange mende wasakayamo dokona karala ipupwa lara.

Jone 10:16

Nambana sipisipi wakale lapo karaminyi dupwa kakopasa dakena kara nalyaminyi. Nakama dupwa opetae lanyuo eparo ingilyamo. Dokopa nambana pii sakarami. Dokopa rapu pingi mendakindeme rapu pyuo kararamopa rara mendaki ingyuo role pyao kararami.

Jone 15:16

Nakamame namba yapalyapa nayaminyipa nambame nakama yapalyuo nakama wangya ingyuo jingi lyuo karala paraminyipa jingi dupwa lyuo karalu karena lao rombo palyiyu. Dopa pyuo kararami dokopa Rakaneme mende pyakana lao piso seraminyili pyuo pyakao karara.

Jone 17:24

Rakane, wambu namba jiinyi dusipa namba kararo dokona nakama opetae role pyao karamwali lao leto. Karo dokopa isa yuu ene pyuo wasapa naenepa embame namba mona retapala yanga paupau lenge renge jii doko nakama kandarami.

APOSELENA YULU 13:48

Wambu rara wakale dupwa pii doko sepala rae maipala Kamongona pii doko lakandeyami. Dokopa Anatu lete karalu karo kararami lao rombo palyiyamo dupwameko doko pii kinyilyamo lao suu pyapala peyami.

APOSELENA YULU 15:18

Kamongome pii doko yuu wamba lao paneya kande.

APOSELENA YULU 18:10

Dokona lao namba embapa role pyao karambano. Dokopa akali mendeme emba randa jii nara. Anda malu repe repe pyuo karenge dakena nambana wambu malu karaminyi leya.

Orome 8:33

Api mendeme Anatunya yapo nyisi wambu dupwa nyuo kote larase? Anatu baa rangeme nakama keta koo pali nalyamo lao kando karamo.

1 Korina 1:8

Dee yuu gii lumwa piramopa kyawa minyara dokome Kamongo Yesu Koraisana yuu gii dokopa nakama mondo lao pisirami.

Galasia 5:13

Yangonemoo nakama kiiramo nyisi kararami lao kyakale leya. Dokome nakama kiiramo nyisi karamano lao suu pyapala yanengena pundange yulu dupwa mee pirama lao suu pyaa nalapape. Suu pingi dopale yaki nyepala wambu yango mona retenge kata dokome yango sukusa nyiso pyuo kararami.

Galasia 5:22

Dopa pipyamopape Anatunya Imambu yulu keyange paleta epenge. Mona retengepe rae maingipi mona kyuu lao singipi mee elya kalo karengepe anjiki pingipi keyange renge palengepe mondo lao pyuo karengepe dusipa baa keta ando epenge.

Galasia 5:6

Namwa Koraisa Yesupa pako kararama doko yanenge kalomengepe kaloma nangepe dokona pii mende pali nalyamo. Doko Yesu kapa ingingi lao suu pyapala wambu yango mona reto nyisarama yulu doko iki angi ingyuo pelyamo.

Epesasa 2:10

Anatu range namwa wasiya. Namwa Koraisa Yesupa pako yulu keyange pirami lao wasiya. Namwa kata rolae dupwana papyuo kararama dupwa Anatumi wamba rapa rapa piya.

Epesasa 3:17

Anatu kapa ingingi lao suu piyami dokona Koraisa nakamana monarena palyuo yuuli andale lena. Nakamame mona retenge renge dokona pingi pyapala porai ingyaramo kararami.

Epesasa 4:2

Nakama pau lao anjiki pyuo wambu yango kando waiya lao imbu singi nyii napala kenda jerami dupwa nyuo sakamyuo mona reto karalapa.

Epesasa 5:2

Koraisa namwa mona reteyamo doko suu pyao yango mona reto karalapape. Baame mona retapala namwana lao kumuo maiyamopa rendamu kyaa keyange nyingi dopale Anatu nyiya.

Epesasa 5:27

Dopa pyuo Elyambu Pingi doko banya lenge kambu dorena rao kui kui lanyi pyambuo, nyisi yaku nayape pisi nao, pepo kareta kiminju palyuo bwualyambwuana pyuo paa naramopa range nyero lao piya.

Pilipai 2:15

Dopa pirami ramo doko nakama koo pii nao poo pyasi ingyuo kararami. Nakama Anatunya wane wanakepe koo isa palya nange dupwa yuu dakena wambu koo pyuo rango nao karenge dokona role pyao palirami ingilyamo. Nakamame bui yake dokona rao karenge dopale ingyapala,

Kolosi 1:22

Kareyaminyipape Koraisame isa wambunya yanenge nyepala kumuo jiyasa Anatumi nakama pipya kando nyiya. Kando nyiyamo dokome nakama banya lenge kambu dorena koo keta pali nao yapasi keyange ingyuo kararami.

Kolosi 2:2

Nakama mona palipala mona retenge dokome nyuo mendakyaramo kararami lao yulu andake pilyu. Anatunya singinya renge dokope suu pingi dupwape Koraisa keta wua nanga boro kumuo yalu pili laro karamo. Nakama pyuo karo dokopa renge dupwa soo nyuo mona kumapala kararami.

Kolosi 3:12

Nakama Anatu rangena rombo palyuo kaeyasi wambu karaminyi. Baame nakama mona retapala rangena lao rombo palyiya. Dokona lao nakama wambu yango kando sakapala anjiki pyuo karo range inyimungu kararami. Mee pau lao maka nao pyuo karalapape.

1 Tesalonaika 3:12

Namwame mona retenge yulu doko nakama keta palyuo pyoko pyoko laramopa nakama yango sukusape wakale dupwa ketape Kamongo dokome nyisaramopa reto karamili yaka lao suu pilyamano.

1 Tesalonaika 4:7

Anatumi namwa rombo palyuo dokopa waa kepo pingi yulu dokona kararami lao kee leyande daa. Poo pyasi ingyuo kararamiŋi lao kee lao nyiya kande.

2 Timoti 1:9

Baame namwa lete wai pyao nyepala banya ingyarami lao kyakale leya. Doko namwame range yulu keyange piyamande daa. Baa rangena suu piyamuli pyuo mona keyange palyuo ipyapala kyakale lao rombo palyiya. Yuu ene wasaroŋo lao karo dokopa Koraisa Yesu keta mona keyange palyuo ipingi doko joo kaeya.

2 Timoti 2:10

Dokona lao Anatunya rombo palyisi wambunya reke lao randa peparae nyuo karapusa pilyamo. Doko Koraisa Yesumi nakama opetae lete nyakaramopa yanga paupau lenge panda dokona karalu kararami lao randa nao karo.

2 Timoti 2:19

Dopa laminyipape Kurisene yulu doko Anatumi kanda soo piyamo doko ama porai wakasa ingyaro karamo dokome isa paa nara. Dokona pii dasipa pyasi palamo. Kamongo baame apimoo banya lao soo karamo. Mendeme, Namba Kamongona karo lara ramo doko baa koo dupwana rekya lanyi nembo kararasa pira.

Jemesa 2:5

Yangonemoo selapape. Anatumi isa yuunya pendewa dupwa yapo nyepala baa kapa ingingi lao suu pingi yulu doko nakama keta andanyi pyambwakamira. Banya isingi panda doko mona jerami dupwana ingyara lao kaeya dokona nyerami ingilyamo nakamana ingyara.

1 Pita 1:2

Rakane Anatumi suu piyamuli pyuo rombo palyiyamopa banya Imambu Poo Pyasi dokome nakama poo pyao nyiya. Yesu Koraisana ranjama kulimbuo isa peyamo dokome nakama wate pisi karaminyi dokona banya pii dupwa warombo soo pisipwape. Anatunya mona keyange palyuo ipingi rengepe mona kyuu lao singi rengepe baa nakama keta jokondali pipyali yaka lao leto.

1 Pita 1:20

Yuu muu dupwa ene wasapa nayamopa Anatumi Yesu rombo palyiyamopa baa yuu gii repetale lumwa piramo mange dokopa nakamana lao epo paneya.

1 Pita 2:9

Nakama Anatunya wambu rara yapasi ingyapala rakange pongo poo pyasi ingyuo karaminyi. Iminjinginya peteyaminyipa Anatumi yangaenge dorena kee lao sukusa nyepala nakama Kiŋinya purisi akali inginyi pyambuyamosa banya yulu andake dupwa pano larami lyakande.

2 Pita 3:14

Yangonemoo isaro karaminyi mange dusipana yulu koo mende pii napala nyiso yakunaiyape pisa naramopa baapa mona kyuu lao sinya lao karalapape.

1 Jone 4:16

Dopa pyuo Anatumi namwa mona reto karamo lao soo gisapala kulisa palyuo mona retelyamo lao suu pilyamano. Anatu baa mona retenge dokona mendeme mona reto karara ramo doko baa Anatunya arapu dokona kararamopa Anatu baa keta epo maralyarasa pira.

Orepalaisane 13:8

Dokopa isa enda akali dupwa nakamana kingi doko Anatumi yuu panda wasapa nayamo dokopa letena renge palenge buku dokona kingi pali nange dupwame mena bange koo dokona kingi lao kararami. Buku doko mena Sipisipi Ikyane wambu pyao kumakayami dokona ingyuo siya. Kale kata singi ramo soo pisipwape.

Orepalaisane 17:8

Mena kandelene doko lete kareyamoko doŋo epapu kara nalyamo. Baa yuwale kata soo puu penge dokona pisipala dee pulyuo eparamo dokopa pyao kokwa sinyi nembarami. Isa wambu lapo Anatumi ene kanda soo yuu wasapa nayamo dokopa nakamana kingi letena renge palenge buku dokona pyasi pali nalyamo dupwa mena doko kandarami dokopa mona nembarami lyakande leya. Mena doko karapala dee pana naya doko dee enakana maro lara leya.