Ekesetase 8:12 - Anatunya Buku Baepole Ole Testamene Pii Lapo dee Nuu Tesamene

¹² Dokopa Mosese Eronepame Perao yaki nyuo peyambi dokopa Moseseme mungi dupwa kiŋi keta peteyamo dupwa nyisa nyuo nembena lao Anatu kando ateŋa poraiyuo piya.

Ekesetase 8:12 Mawu Ofanana

Samu 105:31

Anatumi wambena dee oto epo simbunya leyamo doko suu pyao yuu liti dokona epo kete piya.

Ekesetase 10:18

Dopa lapeyamo dokopa Mosese baa kiŋi yaki nyuo pao Kamongo kando ateŋa lakamiya.

Ekesetase 32:11

Leyamopape Moseseme banya Kamongo Anatu doko kando poraiyuo piso sokondali pyuo lao, Kamongo embame embena wambu dupwa kyawa lete nyuo yuu Isipi piso embena porainya renge dokome nyuo minyuo epee dupwa akipamo nakama kando imbumi kumarese?

Ekesetase 8:13

Dokopa Kamongome Mosese leyamuli pyuo mungi anda dupwanape anda kamapi ee dupwanape peteyaminyi dupwa kumuo pao siyami.

Ekesetase 8:30

Dopa lapala Moseseme Perao yaki nyepala baa pao Kamongo kando ateŋa leya.

Ekesetase 8:8

Piyaminyi dokopa kiŋi Peraome Mosese Eronepa epena lao kee lapala dopa lamaiyuo, Kamongome mungi dupwa nyuo nembakana lao ateŋa lalapape. Dopa pirambinyi dokopa nakamana wambu dupwame mena pyao kiso Kamongo mairami lao nambame nakama pena laro, leya.

Ekesetase 9:33

Mosese Perao yaki nyuo taone andake dokona nyisarena peya. Papala banya kingi yake dokona pyambuo Anatu lao ateŋa leya. Yuu gii dokopa yuu gala laa nao randake kapa epa nao dee apu epa nao soko piya.

Isikiolo 36:37

Namba Kamongo Mupwa Andake Wakasa dokome letamo. Isaraele wambu dupwame nambame nakama nyisapili lao piso sela imili lao suu pilyu. Dee nakamana wambu doko ipwa pota kee kana ingyuo kakana pena lao suu pilyu.

1 Samyuele 12:23

Namba nakama ateŋa lakaro ingilyamo. Dopa pii naro Kamongo kando koo pirusa pira. Dokona lao nambame nakama yulu rolae keyangepe dupwana pilapa lao mana langiru.