Ekesetase 11:1 - Anatunya Buku Baepole Ole Testamene Pii Lapo dee Nuu Tesamene

¹ Kamongome Mosese keta lao, Randa mende opetaeko lumwa pyuo Isipi kiŋi dee banya wambupi nakama mairuwale. Randa doko paparamo dokopa baame nakama kingi raka lao yaki nyolopyamo. Dopa pyuo nakama peparae ralinyi nembara.

Ekesetase 11:1 Mawu Ofanana

Jenesese 15:14

Dopa pyuo piraminyipape nambame wambu nakama kendemande yulu pyuo karakamirami dupwa kote lao randa mairunupa nakama neta epowale pyuo karo dokopa bange malu nyepala eparami, leya.

Ekesetase 12:29

Anda sukulya dokopa Kamongome Isipi wane kyawa dupwa pyao kumakao karo dokopa kiŋinya ikinyingi banya panda nyeramo wane doko pyao dee karapusi yuu anda koona paleyamo dokona ikinyingi mupwa doko opetae palepale pyao kumakaya. Dopa pyuo pyao karo dokopa mena wambo mandenge dupwa pyao kumakaoko piya.

Ekesetase 3:20

Dokopa nambana porai dokome yulu yamarangunyi pyambungi lapo Isipi wambu randa mairu. Enakana dokopa kiŋi dokome nakama pupwa lapala kaeyara, leya.

Ekesetase 6:1

Dokopa Kamongome Mosese lamaiyuo, Dakepa nambame Perao kando mende pingi pyapono doko pao kandalale. Perao banya kingi porai dokome banya yuu doko yaki nyuo pena lapala wambu dupwa poraiyuo suu lanyi nembara, leya.

Ekesetase 9:14

Yuu gii dakepa randa dake embena yulu pingi akali mupwa dupwape embena wambu dupwape keta iki eparande daa. Emba keta opetaeko epara. Eparamo dokopa yuu muu peparaena namba yale mende kara nange doko soo gisare.

Dutaronome 4:34

Nakama yuu Isipi dokona kareyaminyi dokopa Anatumi nakama baa rangena wambu ingyarami lao nyuo minyuo epeya. Doko suu pyao anatu wakale mendeme wambu rara mendena wambu dupwa neta nyepala baa rangena ingyuo karena leyase? Anatumi nakamana lenge kambu dorena banya porainya renge andake dokome anga ikyanepe yanda pingi yulupi sipuro epena lao minyuo piya. Dopa pyuo yulu wambumi pii nangepe dee wambu pakanyi pyambuo yulupi dupwa piya.

Orepalaisane 16:9

Neta isare ingyuo rao alyasi dokome akali dupwa rao raukusi reya. Rao raukusi rapalape Anatu baa randa koo dopale wambu keta mee kapa mairali doko kando kilya kando leyami. Lapala nakamba mona kapu kyuo banya kingi dokona lakandao lao pii nayami.

1 Samyuele 6:4

Wambu dupwame aki bange lapo mairamase? leyami. Dokopa nakamame isingi lao, Kana golome amungi yale wasisi kingi pakipi dee golomeko wii yale wasisi kingi pakipi pipala Pilisitia kiŋi kingi pakiko dusipana suu pyao mairami, leyami. Nakama randa nyiyaminyi dokoko Pilisitia kiŋi kingi paki dupwa keta epeya.