Dutaronome 4:7 - Anatunya Buku Baepole Ole Testamene Pii Lapo dee Nuu Tesamene

⁷ Namwame mende pinya nyisinya lao pisingi dokopa namwana Kamongo Anatu doko repeta karenge. Yuu wakale dupwana rara andake mendenape anatu dopakale mende daa. Namwame nyisinya lao kyakale lenge dokopa baame isingi yano pyakange.

Dutaronome 4:7 Mawu Ofanana

2 Samyuele 7:23

Isaraele wambu karapusi ingyuo kendemande yulu pyuo kareyaminyipa embena rangena wambu ingyuo kiiramo nyuo lanyuo epee kande. Yuu mupwa dupwa peparaena Isaraele rara dopale rara mende pali nange. Embame yulu andake keyange dupwa namwa keta pii dokome yuu muu dusipana embena kingi doko ketae pelyamo. Isaraele wambu Isipi piso emba rangena ingyuo manda rao nyingi dupwa nakama epo palena laro karo dokopa embame wambu rara wakale dupwape nakamana mee bange anatu lenge dupwape pyao nembee.

Samu 145:18

Wambu dupwame baa keta kulisa palyuo kee letaminyi dupwa peparae keta baa repeta karamo.

Samu 148:14

Baame banya Isaraele wambu mona wakasa retenge dupwame baa lakando kararami lao porainyi pyambuya. Kamongo baa lakandamanale.

Samu 34:17

Akali rolae pingi dupwa Kamongo kyakale lenge doko sakaro karenge. Randa epelyamo dupwa baame kunjinyi nembo nyingi.

Samu 34:18

Wambu baa rangena yulu dokona uki minyuo pelyasa dokona isa pwuamano lao sepala mona nembenge dupwa keta Kamongo doko repeta karenge. Dee keyange eparali dupwa isa pwuamo lao suu pilyaminyi dupwa baame minyalyingi.

Samu 46:1

Anatu namwana konambena mendeke ingyuo porai renge joo pyuo karenge. Randa epelyamo dupwana kaeya nao yuu peparae rapa rapa piru karapala nyisingi.

Samu 73:28

Dopa pyuo karena lao namba range doko Anatu embapa lungwa lungwa pyuo kararo doko keyange lao soo nyuo karo. Kamongo Mupwa Andake Wakasa namba kyawa minyaramopa banya yulu pilyamo dupwa polo lao kararo.

Aisaya 43:4

Nambame nakama pipya mona reto dee ketae pyambuo pilyu. Dee nambame nakama moname nyuo rungi rungi pyapunu karaminyi. Dokona lao nakama kyawa lete nyuo wambu peparae yuu lapona palaminyi dupwa kame soo kyawa yaki nyero.

Aisaya 55:6

Kamongo baa keta kapu kyuo papala ateŋa lalapape. Dakepa baa nakama repeta epo karamo.

Nambase 23:21

Rengya Isaraele keta randa mende epa nao embone pisira lao dakepa soo gisilyu. Kamongo nakamana Anatu doko nakama keta role karamo. Wambu dupwame pii poraiyuo lao, Kamongo namwana kiŋi lao karaminyi.

Nambase 23:9

Yuu kyau dupwana karo dokopa nambame wambu dupwa kandenge. Nakama wambu rara wakale ingyuo palyuo kamame wakasa ingyuo Kamongome wambu lapo dupwa kaepala nakama elyape keta pisingi lao silyaminyi.

APOSELENA YULU 17:27

Isa wambumi baa koto kando soo gisamwali yaka lapala angi kando nyerami lao rombo palyapa piya. Dokona ingyuo baame namwa nanesale karelyande daa.

Dutaronome 26:19

Dopa pilyamo dokona baame nakama andanyi nembaramopa yuu liti menge baameko wasiyamo palaminyi rara dupwa pipya manda manja naramopa nakamame banya kingi doko londo lao lakandarami. Dopa piraminyipa baame nakama baa rangena wambu ingyuo paramiŋi lao lao kana minyiyamo dokona ingyuo para.

Dutaronome 33:29

Isaraele wambu nakama raeme kumulyaminyi kande. Kamongome nakama nyiso lete nyipyamo dopale ingyuo yuu liti menge dupwa Kamongome nyisapyamo kara nalyaminyi. Kamongo baa nakamana konambe wua gelape ingyuo baa nenge nyakalyamo. Dopa pipala nakamana yanda pimwai dupwame sakame kumuo karamili lao piso soo epeyami kande dokopa nakama pyao kalya pisi pisi pyuo anamo kararami.

Dutaronome 4:32

Nakama manjipa nayaminyipa yuu gii wamba dokona doko kapu kyuo suu pyalapape. Yuu dakena Anatumi akali mupwa wambo wasiyamo doko piso suu pyao karalapape. Nakamame yuu muu silyamo kipwa kipwa dupwana peparae pao kandalapape. Yulu andake pilyamo dopale mende wamba piyase? Wambu mendeme pii dopalepe mende wamba siyamisi?

Jemesa 4:8

Anatu karamo dokona repetale ipupwape. Dokopa baa nakama keta repetale epara. Nakama akali koo pingi dupwa nakamana kingi dupwa wate pipape. Nakama suu pingi lama mandenge dupwa monarena pyuo poo pyalapape.