Daniele 9:7 - Anatunya Buku Baepole Ole Testamene Pii Lapo dee Nuu Tesamene

⁷ Emba Kamongo yuu peparae rolae pyuo karapinyipape namwa yulu koo pyuo range keta elya nyuo karamano. Namwa wambu yuu Juta palengepe yuu Jerusaleme palengepe dee Isaraele wambu peparaepe emba yaki nyuo kaeyama. Dokona lao embame repeta nanesape dupwana palu pena lao minyuo muu raleya lao nembee dupwame dopa pyuo kareyama.

Daniele 9:7 Mawu Ofanana

Niyamaya 9:33

Namwa koo pingi dokopa embame namwa rolae pyuo pyalana pyuo randa jingi. Dopa pyuo namwa koo pilyamanopape embame namwa yaki nyii nange.

Samu 119:137

Kamongo emba rolaena renge dokona embena lowa doko rolaeyako ingyuo silyamo.

Samu 51:14

Anatu embame namba kyawa minyuo pyuo nyepe. Dokopa nambame rae maiyuo karo embena yulu rolae dokona lamaiyakao parowale.

Samu 51:4

Nambame emba keta koo pimwaiyuo pipu doko emba iki pimwaipu. Embame koo lao masipinyi doko peparae pipu. Dokona embame koo pipi lao lare doko rolae ingyuo lare ingilyamo. Dee embame namba koo pipi lao randa jere doko rolao laresa pira.

Aisaya 45:16

Wambu isa kanapeme anatuŋu lao wasilyaminyi dupwa mende neta paa nao elya nyerami.

Jeremaya 23:6

Baa kiŋi ingyaramo dokopa Juta wambu dupwa kyawa minyara. Dee Isaraele wambu dupwa manda rao mona seramo palyuo karo pirami. Banya kingi doko Kamongo Namwana Lete Wai Pyao Nyingi, larami.

Jeremaya 7:19

Dopa piminyipape namba rolae angi doko randa jilyamisi? Daa nakama range keta randa nyuo dee elya renge nakama rangeme nyilyaminyiko.

Isikiolo 36:31

Dokopa nakamana yulu koo piyaminyi dupwa suu pyao lao karapala akipamo piyama lao elyame kumarami.

Daniele 9:14

Emba namwana Kamongo Anatu doko yuu peparae rolae pingi dokome namwa randa jelana rapa rapa pipala angi randa jii kande. Dopa piinyipape namwame embena pii sili see nale lao kareyama.

Daniele 9:18

Anatu namwana pii sepe. Sepala namwa randa aki nyilyaminyi lao kandape. Yuu taone dokona embena kingi singi dokona wambu dupwa randa nyilyaminyi doko kandape. Namwa rolae pyuo karamwandena daa. Embame sakame kumuo nyisingi dokome namwa emba kando ateŋa letamano.

Daniele 9:8

Namwana kiŋipi akali mupwape rora ambasupi dupwame yulu elya pingi dupwa pyuo dee Kamongo ema kando yulu koo pyuo kareyami.

Emosa 9:9

Nambame Isaraele wambu dupwa makande pyuo kandaronopa koo dupwa ipwame soo nembengenyili pyuo nakama neta peyaro. Nambame yuu liti wakale dupwame nakamba makande pyuo minyalya minyana pyuo kandena laronopa kapa pali nange mee ruku raka pyuo kararami dupwa yapanyi nembarami.

Orome 6:21

Nakama suu pyalapape. Yulu koo dokore dakepa pipala elyange dokona wamba piyami dokopa aki keyange mende epeyase? Kumunginya renge doko epeya.

Dutaronome 32:4

Kamongo baa nakamana kyawa minyuo iso karenge ama porai wakasa. Baame yulu peparae dupwana mende kyai pii nao rolae iki pingi. Nakamana Anatu baa alowa pii nao kinyi angi dokona palyuo karenge. Baame rolae ingyuo karo wambu peparae keta kapa kapa pingi.

Dutaronome 4:27

Dopa pipala Kamongo dokome nakama pyao kokwa soo yuu wambu rara wakale palenge dupwana ralinyi nembaramopa wambu nakama dupwana mendaki mendaki lao palyuo kararami.