Daniele 9:25 - Anatunya Buku Baepole Ole Testamene Pii Lapo dee Nuu Tesamene

²⁵ Dokona pii dake soo nyepe. Yuu Jerusaleme kamba elya pinya lao lamairamo yuu gii dokona piso pao Anatumi akali mende kyawa ingyuo rombo palyiyamo doko kararamo yuu gii dokopa ee kana akalisa kisima ipisu mange mendaki (49) dusipa epo para. Dokopa enakana yuu taone Jerusalemepe kata sukusa singi dupwape kana kame porai awali lao karengepe dupwa elya piraminyipa ee kana malu (434) karara. Kararamopape ee kana dusipana randa malu epara.

Daniele 9:25 Mawu Ofanana

2 Samyuele 15:25

Dokopa kiŋi dokome akali Satoko doko lamaiyuo lao, Lalu Lao Lenge Pii Palenge Bokote doko nyepala minyuo pao yuu taone dokona retala puu. Kamongo dokome namba kando rae maira ramo doko yuu gii mendepa bokote dokope dee seramo panda dokope kamba kapu kyuo kandala puu lara.

Esera 7:1

Ee kana malu epo papeyamopa akali Atasesisi doko baa yuu Pesa dokona mupwa ingyuo kareyamopa Esera kareya. Eserana rora ambasu wambu dupwana akali Erone baa purisi mupwa ingyuo kareyamo doko rakange angingyuo kareya. Esera baa Serayana ikinyingi. Seraya baa Asarayana ikinyingi. Asaraya baa Ilikayana ikinyingi.

Esera 7:8

Kana mupwa dokona yuu gii mupwa dokona Bapilone yaki nyepala Anatumi nyisiyamosa kana kingi paki dokona yuu gii mupwa dokopa yuu Jerusaleme epo pyaka siyami.

Niyamaya 4:2

Banya yangonge dupwape Samaria yanda pingi akali dupwapena lenge kambu kando dopa leya, Juu wambu wale wale lasi dupwa apa pilyamisi? Nakamame bange kwaenge dupwa kapa pyuo dee singinyili pyuo pyuo waselana pilyamisi? Nakamame mena pyao kiso maipala yuu gii mendakinya kana kame pyuo otaramisi? Kana rao longasi dupwa isa pao siyamo dupwame apa pyuo kapa nyuo kana kame piramisi? piso siya.

Niyamaya 4:8

Imbumi kumapala nakama peparae epo lao palyapala Jerusaleme wambu dupwa pyao yulu doko kuimu kaimu palyuo nembalana leyami.

Ekelesiyastisi 3:3

Yuu gii pyao kumakaraminyi dokope yuu gii pyuo lete nyeraminyi dokope yuu gii anda wambarae lalyaraminyi dokope yuu gii anda enenge piraminyi dokope baame rombo palyuo retenge.

Aisaya 55:4

Nambame baa wambu rara peparaena akali kyawa ingyuo wasiyu. Wasapala baa keta nambana porai renge doko nakama lasaka piyu.

Aisaya 9:6

Wane mende manjakarami. Ikinyingi doko jera ingilyamo. Doko namwa iso karara. Banya kingi doko Rapu Pingi Nyiso Karenge Elyapiŋi laraminyi karara. Anatu Porai doko, Letena Renge Palenge Rakaneŋe, larami. Kiŋi Mona Kyuu Lao Singinya Ikinyingi, larami.

Daniele 9:23

Embame kanda soo Anatu kando ateŋa lao piso sokondali pyuo leene dokopa baame emba isingi yano piya. Anatumi emba mona retenge dokome ateŋa isingi yano pyapyamo pii doko langyala epelyo. Dokona nambame pii repa repa angi piinyi dokona polo langirunu dokopa emba elya kalo soo pisipi.

Maeka 5:1

Jerusaleme wambu dupwa nakamana yanda pepengele akali dupwa nyuo malu palyalapa. Namwa pyalena nyuo kako pyapelyaminyi. Kako pyapala Isaraele wambunya akali lita doko pyalena pilyaminyi.

Maeka 5:2

Yuu Juta dokona Beteleme Eporata taone ama kuki ingyaramopape nambame nakama range sukusa dokona mende Isaraele wambu rapu pirande rombo palyuo nyero. Banya rora ambasupi dokona wamba malu mee karo peyami dokonandeme rapu piraŋa lao rombo palyaro.

Matyu 13:23

Waingi lapo yuu keyange dokona peya doko suu pyao mendeme pii doko sepala angi soo gisara. Jingi angi lyiya doko suu pyao baame yulu keyange pyuo karara. Jingi lapo akalisa pao akalisa lyiyamo doko suu pyao mendeme yulu keyange wakasa pyuo karara. Jingi lapo akalisa pao pakinyamange lyiyamo doko suu pyao mendeme yulu keyange andake pyuo karara. Jingi lapo akalisa pao rema lyiyamo doko suu pyao mendeme yulu keyange pyuo karara, leya.

Matyu 24:15

Anatunya poropeta akali Daniele lenge dokome, Anda poo pyasi dokona bange ama koo Anatunya lenge kambu dokona kokwa soo retarami leya doko leyamuli pyuo piya kande dokopa yuu Jutia kararaminyi wambu dupwa yuu kyau dupwana bolombalo lao ralo pupwape. (Pii dake kongwalu letamo dokona poraiyuo selapa.)

Make 13:14

Bange koo myuku petenge doko Anatunya lenge kambu dokona kokwa soo reteyami kande dokopa yuu Jutia kararaminyi wambu dupwa yuu kyau dupwana bolombalo lao ralo pupwape. (Bange koo letamo doko kongwalu palipyasa renge angi soo nyelapape.)

Jone 1:41

Baa aopa yangonge Saimone koto kando nyepala dopa lamaiya. Nambwa Mesaya doko kando nyelambano, leya. (Mesaya doko Koraisa dopale.)

Jone 4:25

Enda dokome baa dopa lamaiya. Mesaya (Koraisa lenge doko) epara ingilyamo doko namba silyu. Baa epapala dokopa yulu peparae pano laralyamo leya.

APOSELENA YULU 3:15

Lapala letena renge renge kuiyuo karenge doko pyao kumakayami. Pyao kumakayaminyipa kumuo paleyamopa Anatumi lete minyalyuo nyiya. Dopa piyamo doko namwame kandapala pii doko selapape lao langyuo rolelyamano.

APOSELENA YULU 5:31

Minyalyuo nyepala Anatumi banya kingi rolaerename baa mupwa ingyuo karena lapala Isaraele wambu dupwa nakama mona enenge palyalapa, koo dupwa nyuo kame sakasi sera lao karo busu pyuo baa Lete Wai Pyao Nyingi ingyuo karena leya Anatumi.

APOSELENA YULU 8:30

Dopa leyamo dokopa Pilipame akali doo piso peyamo dokona papala role pyao pawali pyuo karo akali doko Anatunya poropeta akali Aisayana buku kando yaka lao peteyamo kandapala baa piso soo, Emba yaka lao petene pii doko silipi mee? leya.

Epesasa 5:16

Epapu yuu gii koo epelyamo dokona mee kara napala yulu keyange pepenge dupwa pyuoko karalapape.

Orepalaisane 19:16

Banya komau londepe dee kimbupi dolapona pepa pyasi paleyamo doko, Baa kiŋinyako Kiŋi mupwa dee kamongonako Kamongo mupwa doko lao paleya.