Daniele 9:12 - Anatunya Buku Baepole Ole Testamene Pii Lapo dee Nuu Tesamene

¹² Namwa iso karenge akali dupwape dee namwape keta mende piru leene doko mee pii. Dokona lao yuu taone isa yuu dakena silyaminyi dupwa pyao kokwa soo nembenepape embame Jerusaleme kamame wakasako ingyuo randa maiyuo pyao kokwa sinyi nembee.

Daniele 9:12 Mawu Ofanana

1 Kiŋi 3:9

Dokona lao keyange koopena wakale wakale doko anjuku lao soo nyuo dee kata rolae dokona soo rolo piru ingilyamo dokona embena mona palenge singinya renge doko namba jepe. Jii nare ramo doko embena wambu malu dapwa nambame apa pyuo reto karo rapu pyakarose? leya.

2 Kiŋi 22:16

Kamongo keta pii piso ipyamo dupwa baa lamaila pena leya. Buku dokona pyasi palipyamo kiŋi doko yaka lapyamuli pyuo namba Kamongome yuu Jerusaleme dee wambu dokona palaminyi dupwape randa maiyuo pyaro.

Samu 148:11

Kiŋipi mee wambupi kiŋinya ikinyingipi yuu isingi akali dupwamepe baa lakandalapape.

Samu 2:10

Dakepa nakama kiŋi dupwa repe repe pii dake selapape. Wambu iso karenge akali nakamame kale yukupala doko mende lalyane lao mana nyelapa.

Poropepe 8:16

Isa yuu dakena gapomanena akali kamongope kiŋipi karaminyi dupwa nambame nyisapunu pyuo karaminyi.

Aisaya 43:28

Nakamana akali isingi dupwame nambana tembole anda kokwa soo kwaenyi nembeyami. Dokona lao nambame Isaraele wambu dupwa keta randa maiyuo nakama namba rangena wambu dupwa elya nyinya lao pyuo piyu.

Aisaya 44:26

Dopa pipyamopape nambana kendemande dupwa rengya mende piraŋa lao lenge. Nambame wai pii minyakange akali dokome nambame mende rengya piruŋu lao rapa rapa pyuo retenge doko pano lakale peenge. Dopa pipala doo ene rengya mende pira letono dupwape dee mende pinya rapa rapa pilyuŋu dupwape angi kinyi lao panenge. Nambame Jerusaleme range wambu dupwa range epo dee paliraminyipa Juta wambunya taone dupwa kamba range piramiŋi leto. Taone dupwa lalyuo kwaeyasi doko minyalyuo pirami ingyara, namba dopa pyuo leto.

Joele 2:2

Dokopa yuu gii doko iminjo kwuamembe lapala kopa soo pyarambwara. Aimbu ama soo kaeyo doko yuu kyau dupwa minyarambu nyuo imisa pupurapala yuu sembelyamo pingi dopale ingilyamo. Wamba randa dopale yale mende epa nange dokona dee rengyana dopale mende epa nalu nao narako.

Emosa 3:2

Wambu malu mee isa yuu dakena karaminyipape nambame nakama iki kando nyuo mondo lao rapu pingi. Renge dokona nakamana koo doko andake wakasa ingyuo pelyamo. Dopa pilyamo dokona nakama randa jero.

Matyu 24:21

Yuu gii dusipana randa andake wakasa mende pyaka sera. Doko isa yuu kanda soo busiyamopa randa nao kareyami dokona piso epo epapu randako nao karaminyi, rengya kamame randako nao kararaminyipa randa andake wakasa seramo dokome doloma pipya manda minya naralyamo.

Matyu 5:18

Dokona lao kinyi langilyu, yake pandape isa yuupi pyakuiyuo isa paa nao mee seramopa pii palamuli pyuo peparae dokona mawa pii kuki mendepe pepa litinya silyamo dokona mendepe yuu gii ene pyaka sepa naramopa isa paa nara lao daa leto.

Make 13:19

Randa ama koo wambumi wamba kanda nange dopale epara. Anatumi yuu wasiyamo yuu gii dokona piso epo mange dakepape, dee yuu rakyamepe randa koo dopale pali nange doko pyaka sera.

Luku 21:22

Buku Baepole leyamuli pyuo randa andake narami leyamo kata dokonako palyuo pyaka sera.

Orome 15:8

Koraisana baa Juu dupwana kendemande akali ingyuo epeyamo doko Anatumi yaki nyii nao karalu karamo lao lasaka pyuo kareya. Doko Anatumi Aporakame, Aisake, Jekopemoo pipya lao kana minyiyamo doko angi ingyuo peya.