Daniele 6:22 - Anatunya Buku Baepole Ole Testamene Pii Lapo dee Nuu Tesamene

²² Mena laene dupwame namba randa joo naa nana lao nakamana nenge kata dupwa upi larami lao Anatumi banya aŋala dupwa peeyapya. Dokona namba keta koo mende pali nao dee nambame emba kiŋi andake doko keta koo mende pii nao pingi doko baa singi dokome dopa pipya, leya.

Daniele 6:22 Mawu Ofanana

Jenesese 40:15

Namba koo mende pii nayonopa Ipuru yuu dokona waa nyuo epeyami dee dopako pyuo dae mende pipundena karapusi piminde daa, leya.

2 Samyuele 22:7

Dokopa namba randa nao karo Kamongo doko kee leyo. Nambame nambana Anatu doko nyisinya lao kee leyo. Dokopa banya tembole anda dokona karo baame nambana pii soo namba nyisinya lao ee leyono doko siya.

Samu 118:28

Emba nambana Anatu karene dokona kando ange leto. Nambame embena yulu wakasa ingyuo penge dupwana lao lamairu ingilyamo.

Samu 34:7

Kamongo banya pii rape rape lao minyingi dupwa iso karo banya aŋala dokome randa epelyamo dokopa kyawa minyuo karenge.

Samu 84:11

Kamongo doko baa namwana konambe ingyuo karo kiŋi neta renge ingyuo karenge. Baame namwa elyape keta piso anjiki pyuo namwa nyuo ketae pyambuo karenge. Baame wambu lapo rolae pyuo karenge dupwa bange keyange mainya kata rokwakami nange.

Aisaya 63:9

Doko aŋala mendeme nakama nyiso kyawa lete nyiyande daa. Kamongo baa rangeme nakama nyiso kyawa lete nyiya. Banya mona reto kondange renge dokome nakama kiiramo nyiya. Wamba dokopa baame nakama yuu peparae au pyuo rapu pyakamiya.

Jeremaya 37:18

Lapala nambame piso soo lao, Nambame wambu dupwa kandope emba kandope dee embena akali mupwa dupwa kandope lowa anjukunya yaleyosa nakama suu pingi nyuo namba karapusi palyarami ingiyase? leyo.

Daniele 3:28

Dokopa kiŋi dokome lao, Setarake Mesake Apenekomoona Anatu doko lakandamana. Baame banya aŋala doko peyapala akali baa keta pyamalyuo mona maiyuo karo banya yulu pyakamingi dasipa kyawa lete nyipyalyamo. Nakamame nambana pii lapunu dokona warombo see napala nakama range randa nyisasaramano lao paka napala mee bange anatuŋu lenge lapo pangu sepala lakandenge kandale doko suu pyao nakama rangena doko iki lakandeyami.

Daniele 6:20

Baa repeta papala dokopa pii poraiyuo yamarangyuo lao, Daniele Anatu lete karenge embame banya yulu pyakamingi dokome mena laene dupwa naa nana lao emba kyawa lete nyuo nyisapyase? piso soo leya.

Daniele 6:23

Leyamo dokopa kiŋi baa ama rae wakasa maipala mena laene yuwale dokona Daniele baa nyisa ipyuo nyinya leya. Dokopa nakamame baa neta ipyuo nyepala kandeyaminyi dokopa baa Anatu kapa ingingi lao poraiyuo suu piyamo dokome baa mendasape randa nyuope pii nayamo kandeyami.

Daniele 6:4

Dopa piyamosa akali yango yulu iso karenge dolapomepe dee gapomane dupwamepe Danieleme kiŋinya yuu iso karo yulu piyamo dokona aki koo mende pilyamo lao kando koto kareyami. Dopa piyaminyipape Daniele baa rape rape lao yulu angi kinyi keyange dokonako pipala yulu koope kopetamepe mende pii naya dokome baa aki koo mende pilyamo lao kotalana saka nayami.

Daniele 6:7

Namwa peparae embena yulu isoko kando karenge dupwa yulu rapu pingipi gapomanepe gapomane kuki dupwape dee yulu wakale pingi dupwapeme lao palyamwa doko emba kiŋi andake dokome lowa porai mende lao wasapala alowa pii nao minyaro karalu karare. Mawa pii pyao reto yuu gii akalisa rema (30) dusipana mendemepe mee bange anatuŋu lao lakandenge lapope akali lapope bange jinya lao piso see nana. Emba kiŋi andake dokona iki keta piso sinya lare. Larenepa mendeme pii doko warombo see nara ramo doko mena laene palenge yuwale dokona pyambware, leyami.

Maeka 7:7

Dopa piraminyipape nambame Kamongo kandaro kararo. Namba mona porayapala Kamongo dokome namba pyuo nyeramo doko keta isaro kararo. Nambana Anatu dokome nambana pii sera.

Nambase 20:16

Dokopa Kamongome namwa nyisinya lao baa kande ee lao kareyama. Ee lao kareyamano doko sepala yuu Isipi yaki nyuo lanyuo pena lao banya aŋala mende peya. Epapu namwa yuu taone Katese lenge embena yuu liti dokona karamana.

Matyu 27:46

Dokopa neta damasa peyamo sere keloke ingyuowale dokopa Yesu pii porakaiyuo lapala, Eli, Eli lama sapakesani, lao paleya. Pii doko, Nambana Anatu, nambana Anatu, akipamo embame namba yaki nyuo kaelene dopale.

APOSELENA YULU 12:11

Peyamopa Pita banya mona doko epo paleya. Epo paleyamopa, Eroteme namba karapusi anda palyiyamopa Juu wambu dupwa peparaeme namba mende pipyali lao suu pyao karami dokona Kamongo dokome banya aŋala dokome namba kiiramo nyela pena lapyalyamo lao dakepa rolo silyano lao suu piya.

APOSELENA YULU 24:16

Anatunya lenge kambu dokonape wambunya lenge kambu dupwanape yulu koo pipiŋi laraminyi lao yuu peparae kandokondali pyuo pyuo karo.

APOSELENA YULU 27:23

Namba Anatunya akali ingyuo karo banya kingi lao karenge dokome kukwa dokona aŋala mende namba palipunu dokona repeta ipya.

2 Korina 1:12

Isa yuu dakena palyuo karo piyamano dokopa yuu peparae panga see nao Anatu dokona lao suu pyao pii rolae iki langiyama. Akipamo namba rae maiyuo pyakalyuo pilyunu dokona langirowale. Namwame mee wambunya soo gisingi dokome langya nao Anatunya mona keyange palyuo ipingi dokona porainya renge dokome lao langiyama.

2 Timoti 4:17

Dopa piyaminyipa Yesumi namba role pyao karapala banya porainya renge jiya. Jiyamo dokona waili pii angi doko lamaiyunupa Juu daa rara wakale dupwa peparae kapa siyami. Mende doko namba mena laenena nenge kata dokona Anatu baame nenge raka lao nyiya.

Ipuru 1:14

Yulu dokore aŋala dupwa keta mai naya. Nakama Anatunya kendemande imambu karaminyi dokona baame wambu yake panda parami dupwa nyisala pena lao mapanyi peenge.

Ipuru 11:33

Anatu kapa ingingi lao suu piyami dokome rara wakale pyao isa palyuo nakama rolo pinya lao iso karo, dee mena laene nyuo meme pinyi nembo Anatumi lalu lao leyamo panda doko kando nyiyami.

1 Samyuele 17:37

Kamongome nyisiyamopa mena laene beyape dupwa piyu. Dopa pyuo nyisaramopa Pilisitia dake pyao kumakalopono, leya. Soleme isingi lao, Doko kapa. Kamongo Anatu emba role pyao karenale lapala pupi, leya.