Daniele 5:29 - Anatunya Buku Baepole Ole Testamene Pii Lapo dee Nuu Tesamene

²⁹ Yuu gii dokopako aopa Belesasame Daniele komau muku londe mende wapakamyuo baa akali mupwaŋa lao wambumi serami lao kana golome wasisi kii puu doko banya mange dokona sakamyuo pinya leya. Dopa pipala baa kiŋinya isingi yulu dokona repo ingyuo petena lao wasiya.

Daniele 5:29 Mawu Ofanana

Jenesese 41:42

Dopa lapala Peraome banya uriŋi malawai lasi kinginya pisingi kiŋinya make palepeta doko neta nyepala Josepena kingi pisiya. Komau keyange nyuo pyakamyuo dee puu sane golome wasisi doko mangena sakamyuo piya.

Poropepe 1:9

Akali kalya pyuo eparamo doko kandapala au pyuo karengelamo lao suu pyarami. Doko suu pyao emba endakinyi rakanepana pii warombo soo karapala kapa palyuo karare dokopa auwo kandarami.

Daniele 2:48

Lapala baame Daniele yulu andake maiyuo yuu Bapilone doko iso karena lao dee akali lapo kiŋi doko yulu dopa pyuo piri dapa pyuo piri lao nyiso karenge dupwana baa mupwa ingyuo karo pinya lapala bange keyange dupwa maiya.

Daniele 5:16

Dokona embame kongwalu pii dupwanape dee pii yalu pyuo suu pingi dupwanape koto nyuo dee renge angi dupwa embame polo lenge laminyi doko epapu namba sipu. Dokona embame pepa dake yaka lapala renge polo langiri ramo doko emba komau muku londe mende wapuri. Emba akali mupwaŋa lao wambumi serami lao kana golome wasisi kii puu doko embena mange dokona awali lao sere. Dopa pipala emba kiŋinya isingi yulu dokona repo ingyuo karare, leya.

Daniele 5:7

Dopa pipala baa pii porai lao wambu mendeme pipu lenge akalipi nemonga lenge akalipi bui isingi ene rengya mende pira lao lenge akali dupwape nyela pena leya. Nakama epeyaminyi dokopa kiŋi dokome lamaiyuo lao, Mendeme pepa doko yaka lapala renge dokona aki lao langiramo wambu doko komau muku londe mende wapupala dee kana golo kii puu banya mange dokona soo piramo doko kandapala wambu dupwame baa lakandarami. Dokopa baa kiŋinya isingi yulu porai dokona repo ingyuo pisira.

Daniele 6:2

Palyapala banya bange dupwape dee gapomane akali dupwape isinya lao Daniele baape akali lama dolapope rombo palyiya.