Daniele 3:15 - Anatunya Buku Baepole Ole Testamene Pii Lapo dee Nuu Tesamene

¹⁵ Epapu dakepa bikuli piipi musiki wakale wakale piipi laramo sepala dokopa aopa nakama pangu soo wambu yale kana golome wasisi doko lakandalapape. Daaŋa lapala nakama dopa pii narami ramo doko aopa dokopako ane isame kame pisi panda sukusa isare alyu uliyapu nyuo rao karenge dokona sukusa pyambwarami. Dokopa anatu mendeme nakama lete nyeraŋa lao suu pilyamisi? leya.

Daniele 3:15 Mawu Ofanana

2 Kiŋi 18:35

Yuu gii anjokorape yuu muu peparae dusipana mee bange anatu dupwame namwana kiŋi akali doko isa palyuo banya kingi rekya lao nakamana yuu doko nyiso kyawa lete nyiyamisi? Dokona lao Kamongo dokome Jerusaleme nyisaraŋa lao emba aki mendeme suu pyao letese?

Ekesetase 32:32

Dokona nakamana koo dupwa nyuo kame sakamipi. Kame sakami nare ramo doko buku embena wambu dupwa kingi pyao palyingi dokona nambana kingi palamo doko kwuanyi nembakape, leya.

Ekesetase 5:2

Peraome isingi lao, Kamongo doko baa angi apinde nambame banya pii soo Isaraele wambu dupwa pena larose? Namba Kamongo baa soo gisa nalyoŋo Isaraele dupwa pena laa naro daa, leya.

Daniele 2:47

Embame nambana kombeyana renge angi dokona polo langipinyi dokona embena Anatu doko kamame andake wakasa mee bange anatu dupwa nyuo isa palyuo baa Kamongo kiŋi dupwana baa ketae ingyuo karenge dee baameko kombeya renge angi dupwa panenge doko soo nyilyu, leya.

Daniele 2:9

Nakamame kombeya dokona langya narami ramo doko nakama peparae randa mendaki dokoko nyerami. Namba suu pingi alowa pipili yaka lao nakamame mona mendaki palyuo namba kyambo langirama lao lao retami. Nakamame kombeya doko akiŋi lao langirami ramo doko nakamame namba kombeyana renge dokoŋo lao langiramilyamo lao soo nyero, leya.

Daniele 3:17

Anatu namwa yulu pyakamilyamano dokome doo isare alyu uliyapu nyingipi sukusa dokonape dee embena porai renge dokonape mee kapa pyuo kyawa lete nyero lara ramo kapa lete nyera.

Daniele 6:16

Dokopa kiŋi dokome akali dupwa kando lamaiyuo, Daniele baa mena laene palenge yuwale dokona minyuo pao pyambwala pena leya. Lapala baame Daniele kando lao, Embena Anatu, embame yulu rape rape lao pyakamingi dokome emba kyawa lete nyinya leya.

Daniele 6:20

Baa repeta papala dokopa pii poraiyuo yamarangyuo lao, Daniele Anatu lete karenge embame banya yulu pyakamingi dokome mena laene dupwa naa nana lao emba kyawa lete nyuo nyisapyase? piso soo leya.

Matyu 10:19

Kote lamanale lapala nakamba nyuo mairami dokopa apa pyuo larama laope apa laparama laope mona yanyi pyaramopa kara nalapape. Yuu gii dokopa pii laramili dupwa pyongo pyara.

Matyu 27:43

Baame Anatu kapa ingingi lao suu pyao karamo dokome Anatumi baa banya yulu pipyali lao suu pyara ramo doko dakepa baa nyiso pyuo lete nyinya. Dokona lao baame namba Anatunya Ikinyingi lapya kandapi, leyami.

Make 13:11

Akali lapome nakama nyepala kambuyanda pinya lao lanyuo peyami kande dokopa wambo apa laparama lao suu pyaa nao ambeambe pyuo karalapape. Doko nakama Anatumi lalapa lao langiramo pii dupwa nyepala lalapape. Dokopa nakama range suu pilyamano ote lao laa naraminyipa Imambu Poo Pyasi langiramopa laraminyi leto leya.

Luku 12:11

Nakama sinakoke anda dokonape kote singi akalinya lenge kambu dokonape dee mupwa dupwana lenge kambu dokonape lanyuo peyami kande dokopa apa pyuo isingi laro laope aki pii lamairo laope mona yanyi pyaramopa kara nalapape.

Luku 13:9

Dokopa jingi lyera ramo doko kapa. Lyii nara ramo dokopa enakana kapa keparamba, leya. Yesumi kongwalu doko lamaiya.

APOSELENA YULU 4:19

Dopa leyaminyipape Pita Jonepa dopa lao isingi leyambi. Anatunya lenge kambu dokona nambwame banya pii kaepala nakamana pii seramba ramo doko rolae panda daa lao nakama rangeme suu pyalapape.

APOSELENA YULU 5:29

Dopa leyamo dokopa Pitape aposele dupwa opetaepeme isingi dopa pyuo leyami. Isa akalinya pii dupwa see napala Anatu laramuli pyuo kararama ingilyamo.

APOSELENA YULU 6:15

Dokopa akali wato andake lenge dokona peteyami dupwa peparaeme Sitipena kandaro piso banya lenge kambu aŋalana lenge kambu dopakale ingiyamo kandeyami.