Daniele 2:22 - Anatunya Buku Baepole Ole Testamene Pii Lapo dee Nuu Tesamene

²² Mee wambumi see nangepe dee renge yalu piru karengepe dupwa baame panenge. Dee baame lapo iminjinginya yalu pyuo singi dupwa soo gisingi. Baa keta yanga paupau lao karenge.

Daniele 2:22 Mawu Ofanana

Jenesese 41:16

Josepemeisingi lao, Nambame range laa nange. Anatumi Perao rae mairi dokona ingyuo iso lao rolakara, leya.

Samu 104:2

Emba kendali dokome komauna mendeke ingyuo pee piro karenge. Yake doko komau anda ingyuo kawake lapala karene. Ipwa ketae dorena embena anda pisi karenge kandale. Kopa dupwa mena ose ipyuo penge uliuli ingyaro karo porambaiye dokome papake ingyaro karena lao piso pengepya.

Aisaya 41:22

Dae epapala rengya apa pira lao dokona polo lalapape. Laraminyipa yuu gii dokopa piralyamo lao namwa soo nyepala kararama ingilyamo. Dokona nakamame kote pii lenge dokona wamba apa piyamo dupwana lao polo lamailapape. Lamaipala renge angi aki lao dokona wapu lao langyuo pipwape.

Aisaya 41:26

Dokopa namwame kinyi emba kapa angi rolae dokona letene larami lao nakama dokona api mendeme doo leto doko kinyi angi piraŋa lao lamisi? Nakama mendeme dokona lao pii kuki mende laa nayami kande. Nakama mendemepe pii kuki mendepe laminyi see nayami kande.

Aisaya 42:9

Renge lapo dopa pyuo paralyamo lao wambo pipa nayamopa langiyunu dupwa dakepa kinyi angingyuo pipyamo kandelyaminyi. Enenge piramo dupwa kamame wambo pipa naramopa dakepa nambame langiruwale.

Aisaya 45:7

Nambame yangange iminjingipi dolapo pyuo wasingi. Nambameko elyape keta pisingipi dee randa maingi rengepe dolapo peenge. Namba Kamongo dokome yulu dasipa pingi.

Jeremaya 23:24

Mendemepe nambame kanda naro panda mendena yalu pyuo kara nara. Namba yake panda dorenape isa yuu panda darenape peparaena kapa kapa pyuo karo doko emba see nalese?

Daniele 2:11

Emba kiŋi doko. Emba pii andake piso silini dokona mendemepe kapa isingi laa narami ingilyamo. Kapa laa naraminyipa mee bange anatuŋu lao lakandenge dupwame iki kapa langirami. Langiraminyipape nakamame mee wambu role pyao kara nange.

Daniele 2:19

Enakana yuu gii kukwa dokopa Anatumi renge angi doko Daniele keta pii repa repa pyuo lasaka piyamosa baame Anatu yake panda karenge doko lakandeya.

Daniele 2:47

Embame nambana kombeyana renge angi dokona polo langipinyi dokona embena Anatu doko kamame andake wakasa mee bange anatu dupwa nyuo isa palyuo baa Kamongo kiŋi dupwana baa ketae ingyuo karenge dee baameko kombeya renge angi dupwa panenge doko soo nyilyu, leya.

Daniele 5:11

Embena kiŋinya isingi panda dokona akali mende Anatu Poo Pyasi dokona imambu doko palengende karamo. Wamba embena rakane kiŋi kareyamo dokopa akali doko kyawa sisingi keyange palenge rengepe singinya rengepe soo nyinginya renge mee bange anatunya soo nyinginya renge dopalepe baa keta paleyamo lasaka piya. Dopa piyamosa kiŋi Nepukatenesa embena rakane dokome doo pipu lenge akalipi nemonga lengepe mali mali sakangepe dee bui isingi ene mende pira dokona polo lengepe dupwana baa mupwa ingyuo karena lao rombo palyiya.

Daniele 5:14

Anatu Poo Pyasinya imambu doko emba keta palipyasa mora piso singinya rengepe soo nyinginya rengepe emba keta palamo laminyi doko namba sipu.

Matyu 13:13

Renge dokona lao nambame kongwalu lao lamaingi. Nakama kanda pele pele pipala kando gisa nange. Kalena ketae sepala renge dupwa angingyuo soo nyepa nange.

Jone 1:9

Yanga paupau lenge angi wambu peparaena suu pingi dokona yanga paupau lanyi peenge doko isa yuu dakena epo kareya.

Jone 21:17

Lapala dee kamba repo pyuo piso siya. Saimone, Jonena ikinyingi, embame namba puu minyuo karese? leya. Baame repo pyuo, Embame namba puu minyuo karese? lamaiyamo dokopa Pita mona randaya. Randapala, Kamongo, emba peparae soo gisingi leya. Nambame emba puu minyuo karo doko emba kando silinyi lao kande, leya. Yesumi baa lamaiyuo, Nambana sipisipi nenge pyako karape, leya.

Jone 8:12

Yesumi nakama dee mende lamaiyuo dopa leya. Namba isa yuunya yanga paupau lenge renge karoŋo. Mendeme namba paronuli pyuo eparamo doko baa iminjinginya moko palyuo papi napala baa keta letena yanga paupau lenge renge doko palira leya.

1 Korina 4:5

Dokona lao nakamame mendali keta kote lao koo epenge laa napala yuu gii angi pyaka seramo dokona Kamongome epo laramo dokona isaro karalapape. Kamongome iminjingi dokona yalu pyuo seramo duwpa yanganyi nembo epapala akalinya monana yalu piru kararamo dupwa pananyi nembara. Yuu gii doo akalinya yulu peparae kandapala dokopa Anatumi nakama koo panda keyange piyamilyamo lao kando lakandara.

Epesasa 3:5

Doko wambu kyawa ingyuo kareyami dupwame soo kara nayami doko epapuli aposele yapasi dupwape poropeta akali dupwape banya Imambumi lamaiyuo panapyamo simi.

1 Timoti 6:16

Anatu baa iki kumungi renge doko pali nange. Baa rao yanga paupau lao karelyamo dokona mendali repeta paa nange. Baa mendemepe kanda nange dee mendeme kapa kandarami ingya nangeko. Banya kingi ketae pyambuo paliramopa wambu peparae iso karalu karena, doko kinyi.

Ipuru 4:13

Anatumi bange peparae wasiyamo dupwana mende baapa nee pyuo sera ingya nalyamo. Bange peparae Anatunya lenge kambunya panembena sera. Baa ketako mendali neta paa napala namwa peparae rangena yulu dupwa polo lamairama.

Jemesa 1:17

Bange ama keyange yapasi namwa keta epenge dupwa yake panda dokonako piso epenge. Yakena neta kanape rao karamo dupwana Rakane baameoko keyange dupwa joo karenge. Baame yuu peparae mee yanga paupau lao karo neta kapu kyepala anda pao dokopa yuu kone pupuripi pingi dopale ingyuope alowa pii nange.

1 Jone 1:5

Ikinyingi dokome waili pii namwa langiyamopa soo nyepala nakama langilyamano. Anatu baa yanga paupau lao karenge. Iminjingi doko baa keta pali nange.