Daniele 1:17 - Anatunya Buku Baepole Ole Testamene Pii Lapo dee Nuu Tesamene

¹⁷ Dokopa Anatumi akali parange kisima dusipa soo nyinginya renge maiyuo buku yaka lenge dupwana mora piso elyape inginyi pyambuo dee renge wakale wakale angi dupwana soo gisinya lao maiyuo piya. Dopa pipala baame Daniele pii repa repa pingipi dee kombeya pingipi dupwana renge angi polo lara lao suu pingi keyange maiya.

Daniele 1:17 Mawu Ofanana

1 Kiŋi 3:12

Dokona embame piso silini dupwa nambame piru. Pipala nambame emba singinya renge konda pyuo joo dee soo nyinginya renge joo piru doko wambu mendemepe wamba nyii nalu nange dee mendemepe rengya nyii nalu naramiko doko jero.

1 Kiŋi 3:28

Isaraele wambu dupwame Solomonena yulu nyuo rolo piyamo doko sepala dopa pyuo kapa ingya nao apyanda pisi seramo dupwa Kamongome rolena lao singinya renge maiyalyamo lao soo nyiyami. Dopa pipala nakama peparae baa ketae pyambuo kareyami.

Daniele 1:18

Ee kana rema dusipa epo papeyamo dokopa kiŋinya lao reteyamo dokona palyuo isingi akali Asepenaseme wane parange dupwa peparae lanyuo Nepukatenesa peteyamo dokona peya.

Daniele 1:20

Dokopa kiŋi dokome piso singi pii mendepe dee randa mendepe sipureyamopa mali mali sakangepe nemonga lenge dupwape nyuo isa palyuo wane parange dusipame kamame ulipili ingyuo renge dupwana konda pyuo soo nyuo lao kareyami.

Daniele 1:4

Nakama wane au pingipi dee nakamana yanenge dokona koo mende pali nao suu pingi keyange palyuo sukuli andake mana nyisipi dee wane waiya lao soo nyingipi dupwa kapa ingyuo kiŋinya anda dokona yulu pyuo kararami lao rombo palyuo nyepe, leya. Akali Asepenase dokome nakama yuu Bapilone rangena pii yaka laowape pepa pyaowape kararami lao mana lamaira ingiya.

Daniele 2:19

Enakana yuu gii kukwa dokopa Anatumi renge angi doko Daniele keta pii repa repa pyuo lasaka piyamosa baame Anatu yake panda karenge doko lakandeya.

Daniele 2:21

Baame neta pingipi apu pingipi yuu gii dupwa rapu pingi. Baame kiŋi dupwa rombo palyepala dee nyuo isa nembenge. Baame akali dupwa soo gisinginya rengepe dee singinya rengepe maingi.

Daniele 2:23

Embame namwa kiŋi doko aki lamairami lao lasaka pyuo embame nambana ateŋa dokona isingi yano pyakao dee embame namba soo nyinginya rengepe porainya rengepe joo pilini dokona nambana rora ambasupi dupwana Anatu nambame emba rape rape lao lakando karo.

Daniele 2:30

Nambana soo nyingi renge doko andake ingyuo mee akali dupwana suu pingi nyuo isa palyuo pingindena Anatumi renge angi namba lasaka pipyande daa. Emba kiŋi andake doko embena kombeya dokona renge doko soo nyuo dee suu pingi emba keta ipyamo dupwa soo nyuo pelese lao pipya.

Daniele 4:6

Dokona lao kombeya renge dokona nakamame langiramiŋi lapala nambame yuu Bapilone dokona kiŋinya akali lapo yulu dopa pyuo piri dapa pyuo piri lao nyiso lenge dupwa namba pisipu dokona lanyuo epena lapu.

Daniele 5:14

Anatu Poo Pyasinya imambu doko emba keta palipyasa mora piso singinya rengepe soo nyinginya rengepe emba keta palamo laminyi doko namba sipu.

Daniele 7:1

Ee kana mupwa dokopa akali Belesasa baa kiŋi ingyuo yuu Bapilone dokona kareya dokopa namba Danieleme kombeya pipala kukwa dokopa pii repa repa pyuo kandeyo. Kandapala kombeya angi doko pepana pyao reteyo. Kukwa dokopa angi dake kandeyo doko dee pyasi palamo.

Nambase 12:6

Peyambinyi dokopa Kamongome lamaiyuo, Epapu nambana pii doko selapape. Poropeta dupwa nakamba pipya karenge dokopa namba rangeme nakama keta pano epo repa repa pyuo dee kombeyame pii lamaiyuo pingi.

Luku 21:15

Nambame nakama nyisaronopa suu pingi keyange paleta pii mora piso lao kararaminyipa nakama kando letaminyi dupwa apiyanda pyuo lisa pirami.

APOSELENA YULU 6:10

Apiyanda pipala baa Imambu dokome pyongo piyamopa pii rolae leyamo dokopa nakamame baa nyuo kalyuo lalana saka nayaminyipa nakamana pii doko bulumbulu piya.

APOSELENA YULU 7:10

Nyiso karo Josepe baa keta randa epeya dupwa ramanyi nembakamyuo kareya. Isipi wambunya kiŋi Perao banya lenge kambu dokona Anatumi Josepe elyape inginyi pyambuo singi renge maiya. Dopa piyamo dokopa Perao baame Josepeme Isipi wambunya gapomane mupwa ingyuo karo banya anda yuupi iso karena leya.

APOSELENA YULU 7:22

Dokopa Isipi wambu dupwame nakamana yulu palengenyili pyuo Mosese mana lamaiyuo kareyami. Lamaiyuo kareyaminyi dupwa sepala baa pii palenge akali ingyuo ando pao yulu renge dupwa soo gisapala pyuo kareya.

Kolosi 1:9

Renge dokona sepala dokopa piso epo yuu peparae kaeya nao ateŋa lakalyamano. Nakama mona angi palipala imambunya yulu dupwa soo gisapala dokome

Jemesa 1:17

Bange ama keyange yapasi namwa keta epenge dupwa yake panda dokonako piso epenge. Yakena neta kanape rao karamo dupwana Rakane baameoko keyange dupwa joo karenge. Baame yuu peparae mee yanga paupau lao karo neta kapu kyepala anda pao dokopa yuu kone pupuripi pingi dopale ingyuope alowa pii nange.

Jemesa 1:5

Mendeme singinya renge doko mwuara ramo doko baa Anatu piso seramo dokopa maira. Anatumi wambu peparae kando daa laa nao mona keyange palyapala mee maiyamoko maingi.