Aisaya 7:18 - Anatunya Buku Baepole Ole Testamene Pii Lapo dee Nuu Tesamene

¹⁸ Dopa piramo mange dokopako Kamongome Isipi wambu dupwa ipwa pona kuki epo Naelena donorena nanesa piso wambena polo epamuli pyuo dee Asiria wambu dupwa amburali polo epamuli pyuo epena lao kongwalu lapo pyuo nyuo peyara, leya.

Aisaya 7:18 Mawu Ofanana

Samu 105:31

Anatumi wambena dee oto epo simbunya leyamo doko suu pyao yuu liti dokona epo kete piya.

Samu 118:12

Nakamame namba nyuo sukusa pyambwapala amburalimi pili laminyipa Anatunya porai renge dokome nambame nakamba nepereke palunya isare pele letosa otenge.

Ekesetase 8:21

Embame nambana wambu dupwa pena laa nare ramo doko kinyi kinyi langilyu nambame wambena malu mee embape embena wambupi embena yulu pingi akali mupwa dupwape keta peyaro. Peyarono dokopa Isipi rangena anda dupwanape yuu peparaenape wambename minyarambu nyuo sera.

Ekesetase 8:24

Kamongome wambena ama malu mee peyamopa Peraona andape banya yulu pingi akali mupwa dupwana andape siya. Dokona lao yuu Isipi peparae ama kokwa soo peya.

Aisaya 31:1

Nakama yuu Isipi nyisinya lao pelyaminyi dupwa kumuo rumbyuo parami. Nakama Isipi yanda singi malu porai renge palengepe mena osepe mena ose ipyuo papingi uliulipi yanda singi dupwape kandapala nyisaramiŋi lao suu pyao mona maiyuo pelyaminyi. Dopa pipala Isaraelena Kamongo Anatu poo pyasi dokome nyisaramo kararama lao pyamalyuo paope dee baame nyisinya lao piso soope pii nalyaminyi.

Aisaya 7:17

Kamongo dokome randa mende nyuo emba embena wambu akalyanda dokona pisara ingilyamo. Randa angi doko wamba Isaraele wambu dupwa paka lakyuo Juta ingyuo peyamipya kande dopale ingya napala wakasale epara. Doko baame Asiria kiŋi doko kame lalyinyi peyara ingilyamo, leya.

Dutaronome 7:20

Baame nakama keta sukusa kamame pakange rengepe dupwa maipala wambu lapo range kyawa lete nyuo yalu pyuo koko paraminyi dupwa pyao kokwa soo nembarako.

Josua 24:12

Nakama epeyaminyi dokopa namba wambo pao wambu dupwa pakanyi andake pyambuyu. Dopa pyuo nakamame Amote kiŋi lama pyao raliyaminyisa piya. Nakamana yandape wua gelape dupwame mendali piyaminde daa.