Aisaya 53:7 - Anatunya Buku Baepole Ole Testamene Pii Lapo dee Nuu Tesamene

⁷ Baa koo keta palyuo pyao lao randa maiyaminyipape kambu lumbuo pii mendepe laa napala koo nono ingyuo elya kalo randa nyiya. Mena sipisipinya ikyane pyalana lanyuo penge dokopa kae laa nao penge panda sipisipi mendena emanji pyaki pilyaminyipa sipisipi doko kae laa nao karenge doko suu pyao baa pii mende laa nao kareya.

Aisaya 53:7 Mawu Ofanana

Aisaya 50:6

Nambana matarena pinya lao yongo maiyuo kaeyo. Nambana angasi dupwa minyuo ipyuo nyuo lenge kambu kepakali kyasinyi piso kilya kando laminyi dokopa kaena laowape laa nayo.

Aisaya 53:6

Doko namwa peparae mena sipisipi pana nange dopale ingyuo kareyama. Karapala namwa rangena suu piyamano kata dupwana iki pao kareyama. Dopa piyamopape namwa peparaeme koo piyamano randa nyerama ingiya doko Kamongo dokome baa keta kulimbuo palena lao maiya.

Matyu 26:63

Dopa leyamopa Yesu roma napyuo kareya. Dokopa purisi akali mupwa wakasa dokome baa lamaiyuo, Anatu lete karamo dokona kingi lao, Emba Koraisa Anatunya Ikinyingipi mee lao namwa rolo langipi, leya.

Make 14:61

Leyamo dokopa baa isingi mende laa nao romo napyuo kareya. Dokopa dee mende piso siya. Emba Koraisa Anatu elyape keta karenge dokona Ikinyingi ingyuo karepe mee? leya.

Make 15:5

Dokopa Yesu isingi mende warapo laa nao kareya dokome Pailate ayaka lao suu pyao kareya.

Luku 23:9

Rae maipala baame baa pisapa pisapa pyuo kareya. Dopa pyuo kareyamopa Yesu baame isingi lamai naya.

Jone 1:29

Dokopa yangama dokopa baa kareyamo dokona Yesu epeyamo kandeya. Kandapala, Anatunya Sipisipi Ikyane isa wambu dupwana koo dupwa nyuo lanyakao para doko kandalapa.

Jone 19:9

Pakapala kote singi anda dee kolando papala Yesu lamaiyuo, Emba anja karo epee? leya. Dopa leyamopa Yesumi isingi mende laa naya.

1 Pita 2:23

Baa kando kilya kando leyaminyipape baame isingi pii koo dopale laa naya. Piyami dokopa isingi pyalana pii nayako. Anatu baa kote pii rolae lenge dokona suu pyapala mona kare kare kareya.

Orepalaisane 5:6

Dopa leyamo dokopa Sipisipi Ikyane pyasi yalende, petenge isa andake suku dokona kareyamopa lee renge kisimape dee wambake dupwapeme nyuo kako pyao kareyami. Anatunya imambu yanda ipingi nyepo yuu muu dupwana mapanyi peeyamo dokona makande minyuo Sipisipi dokona kyawana nenge potemenge yanda ipingi nyepo karara, dee lenge yanda ipingi nyepoko rao siya.