Aisaya 40:5 - Anatunya Buku Baepole Ole Testamene Pii Lapo dee Nuu Tesamene

⁵ Dokopa Kamongona neta renge yulu maro lao panara. Dokopa wambu peparaeme kandarami. Doko Kamongo baa rangeme dake lalu lao lao kaeyamo dokona pira.

Aisaya 40:5 Mawu Ofanana

Samu 72:19

Banya kingi neta renge ingyuo karamo doko lakando karalu kararaminyipa banya neta renge yulu dokome yuu pinjingi dolapona kapa kapa pinyale.

Samu 96:6

Banya neta renge yulupi kingi kamame nyilyingi dokope baa keta soo awali lenge. Banya porainya rengepe keyange rengepe banya tembole anda dokona soo simbwualyamo.

Ekesetase 16:7

Lao dokopa Kamongona yanga paupau lenge doko rakya yangama kandarami. Dokona nambwame Anatumi dopa pipwa dopa pipwa langiyamuli pyuo piyambano dokona nakamame nambwa kando mumu lao karo nakamame Anatu kando mumu leyamisa piya. Dokona nakamame Anatu baa kando mumu leyaminyi doko baame soo oteya, leyambi.

Aisaya 1:20

Kaepala sili nasili lao soo nembo larami ramo wua nenge dokome yasuko nao kumarami lao namba Kamongo dokome dopa lapyaŋa lalapape.

Aisaya 11:9

Yuu Sayone Anatunya yuu kyau poo pyasi dokona randape Satane yulupi sepa nara ingyara. Ipwa kota soo simbuo eparamo dokonako palyuo yuu dokona Anatunya soo nyinginya renge dokome soo simbuo rangu para.

Aisaya 35:2

Yuu bange anda nange doko yuu kyau Lepanone au piyamuli pyuo rae maipala kenane poraiyuo pyara. Yuu Kamele amenge pinginyili pyuo yuu muiyane doko seramopa wambu peparaeme Anatunya porai rengepe neta rengepe yulu wakasape doko angi kandarami.

Aisaya 40:4

Yuu oko dupwa peparae pyao rolena. Dopa pipala yuu kyau andakepe kukipi dupwa peparae pyao panda lama lama inginya. Dee yuu koo kyau pyalya pyana pingi dupwa rambi kwuasi sera.

Aisaya 41:20

Wambu dupwame doko kandapala namba Kamongo Anatu dokome piilyamo lao soo nyerami. Isaraele wambunya Anatu poo pyasi dokome dopa pinya lao piyasa piyalyamo lao nakama soo gisarami.

Aisaya 49:6

Kamongome namba langyuo, Nambana kendemande akali doko emba yulu andake mende retakapunu silyamo. Embame Isaraele wambu kyawa lete nyisi karaminyi dupwa iki keyange ingyuo palyuo karalu karena lao piriŋi lao laa nalyo. Dopa piramopape wambu rara peparaena lambe mendeke ingyuo karalase lao lao rombo palyaro. Dokona lao yuu muu peparaena wambu nambana lete penge kata lasaka pirami ingilyamo.

Aisaya 52:10

Kamongome banya porai renge poo pyasi dokome banya wambu lete wai pyao nyeramopa yuu muu peparaeme kandarami ingilyamo.

Aisaya 58:14

nambana yulu pyakarami dokona rae maingi renge eparamo kando nyerami. Nambame nakamana kingi ketae pyambuo yuu muu dupwana uu lepa lepa pena laronopa yuu nambame nakamana kauwane Jekope keta maiyunu dokona kapa rae maiyuo nao palirami lao namba Kamongo dokome lapunu pilyamo.

Aisaya 6:3

Nakama range yango sukusa pii lao alowa pyuo lao, Poo pyasi, poo pyasi, poo pyasi, Kamongo Porai Wakasa doko poo pyasi. Banya neta renge yulu dokome yuu muu dupwana soo kapa kapa pinyale leyami.

Aisaya 60:1

Jerusaleme emba epapu eŋa nembo neta dopale ingyuo rao sipurape. Dokopa Kamongome banya neta renge yulu doko nakama keta ranyi pisilyamo.

Jeremaya 9:12

Nambame piso soo, Kamongo, akipamo yuu dokona wambu dupwa moko palyuo paa nana lao bulu bulu pyao ukiaki minyasi silyape? Akali api mende mona palikonda pingindeme renge dake soo nyerase? Api keta embame pii doko polo lamaipinyipa pao baame wakale dupwa lamairase? leyo.

Joele 2:28

Enakana nambame nambana Imambu wambu dupwa peparaena maralyinya laro. Dokopa nakamana ikinyipi wanenepe dupwame nambana pii boo pyao larami. Nakamana alemo dupwame kombeya pirami. Nakamana wanyane akali dupwa pii repa repa pyuo kandarami.

Maeka 4:4

Wambu peparae manda rao mona seramopa nakama rangena isa girapope pikipi ee repeta palyuo mendena lao paka nao palyuo kararami. Anatu Kamongo Porai Wakasa dokome pii dake lalu lao leya.

Apakuku 2:14

Kota pete doko ipwame soo simbwange doko suu pyao Anatunya soo nyinginya renge yanga paupau lenge dokome isa yuu dokona soo simbwara.

Luku 2:32

Yanga paupau laramo dokome see nange wambu dupwa embena kata kando nyerami dee Isaraele rara doko yanga paupau laramo dokome rara neta renge ingyuo para leya.

Luku 3:6

Dokopa wambu peparaeme Anatu lete wai pyao nyeramo kandarami, letamo.

Jone 1:14

Pii doko baa isa wambunya yongo nyepala namwa pipya role pyao kareya. Kinyinya rengepe mona keyange palyuo ipingi rengepe baa keta palyuo simbuyamopa ama yanga paupau lao kareyamo kandeyama. Baa Ikinyingi mendaki dokona Rakangeme yanga paupau lao karenge renge doko baa keta pyamalyiyamo kareya.

Jone 12:41

Aisaya baame Yesu yanga paupau laramo doko wambo kandapala baasa lao leyalyamo.

Jone 17:2

Dokona lao embame wambu baa maiinyi dupwa peparae baame kyakana renge kulisa palu palenge doko maira lapala embame baa isa wambu dupwa peparae iso karena lee.

APOSELENA YULU 2:17

Anatu dopa letamo. Yuu gii lumwa piramo dokopa nambana Imambu wambu dupwa peparaena maralyinya lao mokwa soo mairu. Dokopa nakamana wanenge ikinyingipi dupwame nambana pii nolako larami. Nakamana wanyane akali dupwa pii repa repa pyuo kandarami. Nakamana alemo dupwa kombeya pirami.

2 Korina 3:18

Dokona lao namwana lenge kambu dupwana mende yambe pyaa napyamopa karamano dokome Kamongona yanga paupau lenge doko nyepala namwa yanga paupau lao baa yale manda manjinyi pyambulyamo. Yanga paupau lenge jilyamo Kamongo doko baa Imambu.

2 Korina 4:6

Anatumi pii dake lao dokopa, Iminjingi dokona yango rale pira lao Anatu mendaki dokome banya yanga paupau lenge namwana monarena dokona rao karena leya. Dopa pyuo rao karena leyamo dokopa Anatunya yanga paupau lenge Koraisana lenge kambunya nyiya doko soo gisarama lao namwa keta langyuo jiya.

Ipuru 1:3

Ikinyingi doko Anatu peparae isa komba pyapala Rakangena yanga paupau lenge doko neta ranyi peenge. Banya pii porainya renge paleta dokome yuu muu dupwa peparae renge kuiyuo minyaro karenge. Baa isa wambunya koo dupwana pyuo elya pyuo nyepala yake pandana mupwa Anatu dokona kingi rolaerename pao peteya.

Orepalaisane 21:23

Taone dokona neta kanape dolapo rao karara kata mende see naya. Anatunya yanga paupau lenge dokome neta rao dee Sipisipi Ikyane dokome lambe ingyuo rao kareyamo kandeyo.