2 Timoti 4:10 - Anatunya Buku Baepole Ole Testamene Pii Lapo dee Nuu Tesamene

¹⁰ Akali Dimasa baa isa yuunya bange rae maipala namba yaki nyepala yuu Tesalonaika dokona peya. Akali Kurisene doko baa yuu Galasia peya. Dee Taitesa baa yuu Dalamesia dokona peya.

2 Timoti 4:10 Mawu Ofanana

Matyu 12:32

Mendeme Ikinyingi Akali doko kando pii mende lara ramo doko Anatumi pii doko nyuo kame sakamira. Dopa piramopape mendeme Imambu Poo Pyasi doko kando lao karara ramo doko Anatumi dakepape rengya rengyape pii doko nyuo kame sakami nara.

Matyu 26:56

Doko Anatunya poropeta akali nolako lao pepa pyao reteyami pii dupwa pyaka sipyamopa dopa pilyaminyi leya. Dokopa disaepole dupwa peparae baa yaki nyuo kaepala ralo peyami.

Luku 14:33

Doko suu pyao nakama karaminyi dokona mendeme banya bange peparae matarena nemba nara ramo doko nambana disaepole ingyuo kapa kara narami leya.

Luku 16:13

Kendemande akali mendeme kamongo lamana yulu kapa pyakamyuo kara nara. Dokona lao baame mende awa nao, mende mona reto karara panda mendepa angingyuo puu minyuo karo, mende awa napala pyuo karara. Dopako pyuo Anatu kana monepa dolapo laparae nakamana mupwa ingyuo kapa pyuo kara narami ingilyamo leya.

Luku 17:32

Akali Lotena etenge piyamo dokona suu pyaro karalapape.

APOSELENA YULU 13:13

Enakana Pole banya akali role pyao kareyami dolapo opetae yuu Peposa yaki nyepala sipu dokona piso pao yuu Pambilia yuu kuki lama Peka dokona epeyami. Dokopa Jone baa nakamba yaki nyepala Jerusaleme dokona kapu kyuo peya.

APOSELENA YULU 15:38

Banapasame dopa leyamopape Poleme dopa lao suu piya. Yuu Pambilia dokona karo yulu ene paleyamopape role pyao paa narama lapala Make nambwa yaki nyepala ralo epeya kande. Akali doko dee role pyao parama ramo doko kapa ingya nara lao suu piya.

APOSELENA YULU 16:6

Imambu Poo Pyasimi nakama yuu Esia dokona pii doko lala paa nana leyasa nakama yuu Pirisiape yuu Galasiape sukusa peyami.

APOSELENA YULU 17:1

Yuu Amapipolisape yuu Apoloniape sukusa papala yuu Tesalonaika Juu wambunya sinakoke anda mende kareyamo dokona epeyambi.

APOSELENA YULU 17:11

Juu wambu dokona kareyami dupwa suu pingi mondo lao suu pyao kareyami. Nakama Tesalonaika Juu akali dupwame mondo lao suu pyao kara nayami dopale ingya naya. Dokona lao nakama pii lamaiyamo doko simwali yaka lao karapala baa kinyi letape lao Anatunya pii pyasi palamo doko yangama alemanji lao poraiyuo kandaro peteyami.

APOSELENA YULU 17:13

Lao suu piyaminyipape Juu wambu yuu Tesalonaika range dupwame Poleme Anatunya pii doko yuu Beria dokona opetae lao kareyamo lasi pii doko sepala nakama dokona epapala mee wambu dupwa nembo nembo pipala pyala pena lao kunji piyami.

APOSELENA YULU 18:23

Yuu dokona yuu gii lapo karapala dee yuu doko yaki nyuo pao yuu Galasiapa yuu Pirisiapana nemba nemba dupwana papyuo disaepole dupwa peparae mana lamaiyuo porainyi pyambwapa pyuo papiya.

2 Korina 2:13

Kandeyonopape namwana yangonge Taitesa pana nayasa namba mona nembo kareyo. Dokona nambame wambu dupwa karena lao yaki nyepala yuu Masetonia peyo.

2 Korina 7:6

Paka renge neta epeyamopape Anatumi wambu mona nembenge dupwa mona minyarambu pingi doko baame Taitesa jepala namba mona porainyi pyambuya.

2 Korina 8:16

Namwame nakama rae maiyuo nyisalana suu pilyamano doko suu pyao Anatumi Taitesa opetae nakama rae maiyuo nyisinya lao kareya. Dokona lao Anatu kando sangyu letamano.

2 Korina 8:23

Dee Taitesa baa nambana yulu role pyao pingi dokome nakama pyuo nyisilyambano. Dee akali menge role pyao paraminyi dupwa nakama Elyambu Pinginya rombo palyisi akali ingyuo dupwa Koraisana kingi ketae pyambuo lakando pelyaminyi.

2 Korina 8:6

Taitesa dopako pyuo nakama keta epapala yulu kanda soo piyamo doko pyulu pyuo pinya lao poraiyuo lamaiyama. Dopa piramo dokopa nakama Anatu mona reto yulu andake pilyaminyi doko baame nyisaramopa pyuo otalu oto otarami.

Galasia 1:2

Nambamoo akali yango dae role pyao karamano dupwa pipyame pepa dake Galasia Elyambu Pingi dupwana pyao jilyamano.

Pilipai 2:21

Wambu menge dupwa nakama rangena iki suu pyao Yesu Koraisana yulu dokona rae mai nao karaminyi.

1 Timoti 6:10

Kana mone mona nyingi dokome koo dokona mona anda pingi pyarasa pira. Lapome mone dokona rungi rungi pyapala Anatunya Imambunya yulu kame silyaminyi. Dopa pipala nakamana mona dokona randa nyuo kondo mona rumbungi karaminyi.

1 Timoti 6:17

Wambu isa bange malu mee retenge dupwa moŋokyaŋe see nana lao poraiyuo lamairi. Bange peparae mee ingyuo isa para dupwana lao andanyi nembo mona nyii napala Anatumi bange monarena rae maiyuo kamongarami lao jiyamo dupwana rae maiyuo mona nyuo karena lare.

2 Timoti 1:15

Yuu Esia wambu peparaeme namba yaki nyiyami dokopa Piselasa Emosenisapa opetaemeko yaki nyiyambi doko emba silinyi.

2 Timoti 4:16

Namba kanda soo kote leyami dokopa mendeme nambana lao nyisapa nayami. Mee peparaeme namba yaki nyuo kaeyami. Anatumi nakamana koo piyami dokona suu pyao kaeyakaminya leto.

Taitesa 1:4

Nambana Kurisene wane angi Taitesa emba pepa dake pyao jilyu. Rakane Anatu Koraisa Yesu namwana Lete Wai Pyao Nyingi dokopana mona keyange palyuo ipingipi mona kyuu lao singipi emba keta palena.

Pilimone 1:24

Nambana yulu role pyao pingi akali Make Aritakasa Dimasa dee Lukumoo nakamame opetaeko yako letaminyi.

2 Pita 2:15

Kata rolae dupwa yaki nyepala mee ralo karaminyi. Akali Beona ikinyingi Belame baa yulu koo doko pyuo kana malu nyiya kata dokonako pelyaminyi.