2 Timoti 2:11 - Anatunya Buku Baepole Ole Testamene Pii Lapo dee Nuu Tesamene

¹¹ Pii dake angingyuo letamo lao soo nyimana. Namwa Yesu kumuyamo dokona kumuyamande ramo doko baa lete karamuli pyuo karamwasa pilyamo.

2 Timoti 2:11 Mawu Ofanana

Jone 14:19

Rengya usale dokona isa wambu menge dupwame namba dee kanda nalominyi. Dopa piraminyipape nakamame namba kandarami. Namba angi lete karo dokona nakama opetae lete kararami.

Orome 6:5

Dopa pyao namwa baapa mendaki ingyapala kumuyamuli pyuo kumuyamande ramo doko baa piyamuli pyuoko lopo epapala mendare kararama.

Orome 6:8

Koraisapa kumuyamande ramo doko baapa role pyaoko kararama lao soo nyilyamano.

2 Korina 13:4

Baa pau lasi ingyuo kareyamopa isa mamandona pyao palyiyaminyipape Anatunya porainya renge dokome Koraisa lete karamo. Baamoo pipya pakao karenge dokome namwa opetaeko pau lasi ingyuo karenge. Anatunya porainya renge namwa keta paliramopa namwa Yesupa role pyao karo nakama rapu pyuo kararama.

2 Korina 4:10

Yuu peparae namwana yanenge dokona Yesunya kumungi renge namwa keta palipyamo manjo paelyamano. Dokona lao banya lete renge namwa keta palamo doko wambu peparae dupwa kandenale.

1 Tesalonaika 4:17

Dokopa namwa kararama dupwape wambo kumapala sipurarami dupwa peparaepe nyuo pyaso kopa dokona kata pao Kamongo yakena kararamo doko kando nyerama. Kando nyepala dokona namwa Kamongo Yesumoo role pyao yuu peparae karalu kararama.

1 Tesalonaika 5:10

Namwa ene lete karowape kumapalape Yesu eparamo dokopa namwa baamoo pipya role pyao karalu kararama lao kumakaya.

1 Timoti 1:15

Pii langilyu dake ama kinyi kinyi palamo. Soo nyepala minyalapape. Koraisa Yesu baa namwana yuu dakena epapala wambu koo pingi dupwana lao lete wai pyao nyeroŋo lao epeya. Wambu doloma yulu koo pyuo kareyaminyipape namba kamame koo ingyuo kareyo.

1 Timoti 3:1

Pii dake kinyi palamo. Akali mendeme Elyambu Pinginya yulu pinya mona nyera ramo doko yulu keyange dokona pinya pirasa pira.

Taitesa 3:8

Pii dake kinyi palamo. Anatu mona maingi wambu dupwame wambu yango nyiso embame yulu keyange dupwa yapo pyuo petena lao poraiyuo mana lamaiyuo karape. Yulu dopale keyange ingyapala wambu nyisingi.