2 Timoti 1:10 - Anatunya Buku Baepole Ole Testamene Pii Lapo dee Nuu Tesamene

¹⁰ Namwana Lete Wai Pyao Nyingi akali Koraisa Yesu baa epo panapala Anatunya mona keyange palyuo ipingi doko baa keta paneya. Koraisame kumunginya rengena porainya renge namwa keta palenge doko nyuo anameya. Anamo waili pii keyange dokome kuma nange renge doko nyuo nolakaya.

2 Timoti 1:10 Mawu Ofanana

Aisaya 43:3

Namba nakama Isaraele wambunya Kamongo Anatu poo pyasi nakama kyawa lete nyingi doko. Nambame nakama mona seramo karalapase lao Isipi wambu dupwa kyawa yaki nyuo nakama kiiramo nyero. Dee namba Itiopia wambupi Sepa wambupi opetae kyawa yaki nyeroko.

Aisaya 45:15

Isaraele wambunya Anatu banya wambu dupwa lete pyuo nyingi doko baa range yalu yalu pyuo karenge.

Aisaya 45:21

Nakamana kote pii palamo dupwa minyuo kotena ipupwape. Wambumi nakama nyiso letaminyi dupwa mendeme mende pisalya pisana pyuo lena. Rengya mende piraŋa apimi wambo nolakao leyase? Doko namba Kamongo Anatu banya wambu dupwa nyiso kyawa lete nyingi dokomeko leyo. Anatu wakale mendepe kara nange.

Osia 13:14

Nambame wambu dapwa kumakarami lao nyiso dee kumapala kumasi wambu penge panda dokona paka nana lao kyawa lete nyuope pii naro. Kumunginya renge porai doko epara dokopa nambame kiiramo nyii naroko. Dokona lao kumungi renge doko embena porai renge doko anja palipyandeme namwa randa jerase? Embena anamasi minyare renge doko anja silyase? Wambu dupwa kando dee sakame kumuoko karalu kara naro ingyara.

Luku 11:36

Embena yongo peparae yanga paupau laramopa dokome kuki lamape iminja nara ramo doko lambe keyange rao dokopa yanenge peparaena yanganyi peenge dopale ingyuo paresa pira leya.

Luku 13:7

Kando nyii napala akali ee rapu pyuo pyakamaingi doko lamaiyuo namba ee kana remasa pyuo isa dake jingi lyilyape lao kandala epapa pingi doko angi lyilyamo kando nyii nalyo lyakande. Kepanyi nembakambanaleŋe akipamo mee yuu minyarambuo nyuo karara? leya.

Luku 2:11

Dokona lao epapu Dapitinya yuu taone dokona wane mende manjakami. Baa Kamongo Koraisa dokome nakama lete wai pyao nyera.

Jone 1:9

Yanga paupau lenge angi wambu peparaena suu pingi dokona yanga paupau lanyi peenge doko isa yuu dakena epo kareya.

Jone 14:6

Yesumi baa lamaiyuo, Namba kata angi dokope kinyinya renge dokope letena renge dokope karo. Mendali namba keta epa nara ramo doko Anatu karamo dokona kando nyii nara.

Jone 20:31

Pali napyamopape yulu lapona pyasi palamo dupwame nakama Yesu baa Koraisa Anatunya Ikinyingi lao suu pyaraminyipa banya kingi yaki nyii nalyaminyi dokona lao nakama keta kyakana renge palipyali lapala pepa pyao retelyo.

Jone 4:42

Dupwame enda doko dopa lamaiyami. Epapu embena piiko minyuo baa kapa ingingi lao suu pyao karamande daa. Namwa rangeme banya pii soo nyelamano dokona baa angi isa wambu dupwana Lete Wai Pyao Nyingi akali angi ingyuo karamo doko soo gisilyamano, leyami.

Jone 5:40

Yaka letaminyipape letena renge doko karo namba piso sela epa nalyaminyi.

APOSELENA YULU 13:23

Enakana akali dokona para pyasi kareyami dokona mende Yesu lenge baame Isaraelena Lete Wai Pyao Nyingi akali karena lao baa rombo palyakaro leyamuli pyuo rombo palyakaya.

APOSELENA YULU 5:31

Minyalyuo nyepala Anatumi banya kingi rolaerename baa mupwa ingyuo karena lapala Isaraele wambu dupwa nakama mona enenge palyalapa, koo dupwa nyuo kame sakasi sera lao karo busu pyuo baa Lete Wai Pyao Nyingi ingyuo karena leya Anatumi.

Orome 16:26

Dopa pyuo karapyamopape pii kinyi angi dupwa poropeta akali dupwame pyao reto kareyami doko dakepa panasi silyamo. Anatu lete karalu karenge dokona pii leyamo dokome pii kinyi angi doko yuu muu peparaena sinya lao pilyamo. Dopa pilyamo dokona nakama peparae mona kapu kyuo laramuli pyuo pirami ingilyamo.

Orome 2:7

Wambu lapo kyakana renge sulu singi yulu dokona kingi ketae paramopa neta renge ingyuo karalana dokona yulu keyange pyulu pyuo pyuo karaminyi.

Orome 3:31

Dopa letamo doko Yesu kapa ingingi lao suu pyarama dokome Lowa doko nyuo isa palyaramasa pirase? Ama daa. Namwame Lowa kata dokona paka pyao soo pinya karamano.

Orome 6:6

Namwa wamba palyuo karo pingi doko Koraisapa role pyao isa mamandona kumuo paleya doko silyamano. Dopa piyamano dokome koona porainya renge doko pyao kokwa sinyi nembeya dokome namwa koona kendemande ingyuo kara narama ingilyamo.

1 Korina 15:26

Baepole dokona, Anatumi bange peparae Koraisana kimbu yukuna dokona nyuo kalyunya lao maiya letamo. Dopa pyuo piyamo dokome Anatu baame baa range isarena kalyinya palya nara doko panelyamo.

1 Korina 4:5

Dokona lao nakamame mendali keta kote lao koo epenge laa napala yuu gii angi pyaka seramo dokona Kamongome epo laramo dokona isaro karalapape. Kamongome iminjingi dokona yalu pyuo seramo duwpa yanganyi nembo epapala akalinya monana yalu piru kararamo dupwa pananyi nembara. Yuu gii doo akalinya yulu peparae kandapala dokopa Anatumi nakama koo panda keyange piyamilyamo lao kando lakandara.

2 Korina 5:4

Isa yuunya yongo doko paleta dokopa mona kendo ee lao karamano. Dopa pimwanopape isa yuunya yongo doko nembalana laa nalyamano. Laa namwanopape namwa yake panda dokona yongo doko nyelana lao suu pilyamano. Dopa pira ramo dokopa lete renge sulu seramo dokome kumungi renge doko anamasi minyara.

Galasia 5:4

Nakama Lowa minyapala Anatupa rolae karamwali lao suu pilyaminyi dupwa Koraisana arapu dokona kara narami. Anatunya mona keyange palyuo ipingi renge doko nakama keta pali nara.

Epesasa 1:18

Nambame ateŋa lao dokopa imambunya lenge pendakae lapala Anatunya yanga paupau lasi dupwa kandamili lao lakalyo. Baame banya wambu keta keyange pyakarono renge dupwa kandarami lao kee lao sukusa ipupwape leya.

Epesasa 1:9

Baa singi dokome sepala soo giso pyuo karenge dokome Koraisa keta mende piru lao masiyamuli pyuo renge yalu pisi doko nyuo namwa keta nolako piya.

2 Tesalonaika 2:8

Panaramo dokopa Kamongo Yesumi banya porainya renge dokome akali koo karapenge doko pyao kumakao baa neta renge ingyuo yanga paupau lao eparamo dokopa akali karapenge doko isa puu pao para.

2 Timoti 1:1

Namba Pole Koraisa Yesunya aposele akali Anatu pipili lao suu piyamuli pyuo mapanyi nembeyamopa Anatumi lete karenge nyerami lalu lao leyamo dokona Koraisa Yesumoo nyuo pakao karamano.

2 Timoti 1:8

Namwana Kamongo dokona pii polo lalana elya nao dee namba banya ingyuo karapusi palo dokona lapala elya nyii napipiyoko. Dopa pyuo Anatu emba porainyi pyambwaramopa waili pii keyange dokona lao randa emba keta eparamo epena rao laoko karape.

2 Timoti 4:1

Koraisa Yesumi wambu kumasi dee lete karaminyi dupwa peparae kote lara dokope dee Anatunya lenge kambu dokonape nambame emba poraiyuo dopa pyuo langilyu. Yesu Koraisa baa pano epapala Kiŋi ingyuo karalu kararamo dokona banya waili pii doko wambu dupwa polo lamaipi. Yuu gii rolae doko pyaka serape panda see nara doko mupwa daaŋa lao emba lamaiyuoko karape. Yesunya pii dokona kinyi letene lao suu pinya lao pyalana pyuo lamaiyuo wambu porainyi pyambuo nakamana koo dupwa pano lamaiyuo pyuo karalu karare.

2 Timoti 4:8

Dopa pyuo pupunu dokona pyuo wini lapala yole nyero ingyaro silyamo. Yole rolaena kyawa rarange doko Kamongo kote pii rolae singi dokome yuu gii mupwa eparamo dokopa jera. Nambako iki jerande daa. Wakale lapo opetae baa epelyape lao mona reto iso karaminyi dupwana opetae ingyara.

Taitesa 2:11

Anatu banya mona keyange palyuo ipingi wakasa dokome akali peparae lete wai pyao nyelana piya doko nyuo paneya.

Taitesa 2:13

Namwa yuu gii elyape keta pisarami lao namwana Anatu kamame wakasa dee Lete Wai Pyao Nyingi Yesu Koraisapa neta renge ingyuo panarambi doko iso karamano.

Taitesa 3:4

Namwana Lete Wai Pyao Nyingi Anatu anjiki pingipi mona retenge rengepe paneyamo doko baame namwa lete wai pyao nyiyasa piya. Doko namwame yulu keyange piyamandena lete wai pyao nyiyande daa. Anatu rangena sakao nyiso karenge renge dokona banya Imambu Poo Pyasinya manjo nyingi enengepe lete karenge enengepe dolapo jiyamo dokome namwa poo pyao lete wai pyao nyiya.

Ipuru 10:32

Nakama wamba Kurisene yulu dokona reke lao randa nyuo kareyami kande doko suu pyalapape. Yulu enenge epo eŋa peyamo dokona lapome nakama randa andake jiyami dokona maka napala mee pyuoko kareyami.

2 Pita 1:1

Namba Saimone Pita Yesu Koraisana aposele akali dokome banya kendemande yulu pyuo karo. Anatu Lete Wai Pyao Nyingi Yesu Koraisapa rolae pingi dolapome Kurisene suu pingi keyange maiyamo yango dupwa keta pepa dake pyao jilyu.

2 Pita 1:11

Isa paa naramopa namwana Kamongo Lete Wai Pyao Nyingi Yesu Koraisana isingi panda keyange doko nyerami.

2 Pita 1:3

Yesu baame wakasa keyange neta renge ingyuo karamo dokome role pyao kararami lao ipupwape letamo. Anatumi Yesu keta banya yake pandana porai renge dokome imambunya renge keyange angingyuo nyisarali dupwa jiya. Baame keyange dusipa

2 Pita 2:20

Wambu lapome Lete Wai Pyao Nyingi Kamongo Yesu Koraisa kando nyepala yulu wambarae dupwa rekya lanyi nembapala karo enakana koo dokona dee sukusa parami ramo dokona ama kwao parami.

2 Pita 3:18

Nakama Lete Wai Pyao Nyingi Kamongo Yesu Koraisa soo ando paraminyipa banya mona keyange palyuo ipingi renge doko nakama keta jokondali pinya lao leto. Mange epapu piso pao rengyanape banya kingi doko ketae palyuo puu penale, doko kinyi.

2 Pita 3:2

Yuu wamba dokopa Anatunya poropeta akali dupwame pii leyami dokope Lete Wai Pyao Nyingi Kamongona lowa doko aposele akali keta siyami dolaponape poraiyuo suu pyalapape lao pepa jilyu.

1 Jone 1:2

Letena renge pii nolakaya. Nolakayamo dokopa namwa kandeyama. Kandapala namwa angi kandeyama lao nakama boo pyao langilyamano. Letena renge kulisa palu palenge Rakane karamo dokona paleya doko namwa kandalapase lao pano nolakaya.

1 Jone 4:14

Rakangeme banya Ikinyingi isa wambu dupwa lete wai pyao nyela pena leyamo epeya dokona kandapala angi kandeyama lao letamano.

Orepalaisane 18:1

Dopa pipeyamo dokopa aŋala mende yakena piso epeyamo kandeyo. Baa porai renge paleta banya yanga paupau lenge dokome isa yuu peparaena yanganyi peeyo epeya.

Orepalaisane 2:7

Imambu dokome Elyambu Pingi wambu dupwana pii lamailyamo dupwa nakama kale kata singi ramo dokome selapa. Anamasi minyarami dupwa letena renge palenge isa doko Anatunya ee sukusa karamo dokona nao karena laro letamo. Ote.

Orepalaisane 20:14

Dokopa kumungi renge dokope dee Satane panda karenge dupwape isare andake dokona pyambuyami. (Isare andake rao singi dokona parami dupwa dee kamba kumarami.)

Orepalaisane 22:14

Wambu komau wate pyuo poo pingi dupwa rae mairami. Nakama letena isa jingi doko napala anda taonena kambu dowa dokona sukusa parami lyakande.

Orepalaisane 22:17

Imambu Poo Pyasi dee Sipisipi Ikyanena enda dokopame kee lao sukusa ipupwape letambinyi. Dokona mendeme seramo dokome kee lao epena lena. Ipwa namwali lao suu pyarami dupwa epo ipwa lete palenge doko ropo pyaa nao mee narami leya.