2 Samyuele 22:3 - Anatunya Buku Baepole Ole Testamene Pii Lapo dee Nuu Tesamene

³ Nambana Anatu doko nambana alya minyingi akali dokona namba baa keta kyawa lete epelyo. Baame konambe dopale ingyuo namba alya minyingi. Dee baa nambana lete wai pyao nyingi akali wambu dupwame namba pyalana randa jilyaminyi dokopa baame namba keta alya minyuo nyisingi.

2 Samyuele 22:3 Mawu Ofanana

Jenesese 15:1

Yuumange lama papeyamopa Kamongome Aporame keta pii repa repa pyuo lamaiyuo lao, Aporame emba paka napipi. Namba embena konambe ingyuo karo. Embena yole andake ingyuo paramo nyere, leya.

2 Samyuele 22:31

Anatu doko, banya yulu pipyamo dupwa ama mondo lao rolae ingyuo pelyamo. Dee baame mende lalu lao lapyamo pii dupwa kinyi angingyuo pelyamo. Dopa pyuo wambu lapo baame kyawa minyinya lao koto parami ramo dupwa keta baa konambe dopale ingyara.

2 Samyuele 22:47

Kamongo doko lete karalu karenge. Baa nambana nee isa ingyuo karenge doko lakandena. Anatu porainya renge palenge dokome namba lete wai pyao nyingi dokona kingi ketae pena lao leto.

2 Samyuele 22:49

Nambana nyisu petenge dupwa keta baame nyiso neta nyingi. Kamongo nambana nyisu petenge dupwa isa palyuo anamasi minya lao nyisingi. Embame namba alya isa minyuo karapinyipa akali wambu pyao randa maingi dupwame namba pyao kumaka nalyaminyi.

2 Samyuele 22:51

Namba banya kiŋi Dapiti dokome nyisu petenge dupwa anamasi minyare lao Anatumi porainya renge jingi ingyuo karenge. Baame namba banya rombo palyiyamo akali doko mona kulisa retenge. Dopa pipala namba Dapiti ketape dee nambana para pyaramo dupwa ketape mona reto karalu karara.

2 Samyuele 23:3

Isaraele wambunya Anatu dokome pii leya. Isaraele wambunya konambe ingyuo alya isa ingingi dokome namba langyuo lao, Kiŋi akali kata rolae dokona iki wambu dupwa iso karo dee Anatu lengenyili pyuo iso karenge doko

Samu 14:6

Wambu koo pingi dupwame akali inyimungu karenge dokona mende pinya rapa rapa pingi doko kata rokwalyaminyipape Kamongo dokome baa kyawa minyingi.

Samu 27:5

Randa eparamo gii dokopa baame namba nee pyuo reto karara. Baame banya tembole anda dokonape dee kana londe ketae dokonape lete wai pyao nyuo yalu pyuo reto karara.

Samu 32:7

Emba nambana yalu pingipanda doko. Randa nyero dokopa namba nyisare ingilyamo. Emba nambana randa epara dupwana kyawa lete nyere ingilyamo dokona lao wee kenanepe lao ranaisa pokao poraiyuo lao karo.

Samu 46:1

Anatu namwana konambena mendeke ingyuo porai renge joo pyuo karenge. Randa epelyamo dupwana kaeya nao yuu peparae rapa rapa piru karapala nyisingi.

Samu 46:11

Kamongo Porai Wakasa doko namwa pipya role pyao karapyamo pilyamo. Jekopena Anatu doko namwana yalu pingi panda ingyuo karamo.

Samu 46:2

Dokona lao isa yuu dake walu walu andake laowape dee yuu kyau dupwa poro lapala ipwa kota sukusa pao piramopape namwa paka narama.

Samu 46:7

Kamongo Porai Wakasa doko namwa pipya role pyao karapyamo pilyamo. Jekopena Anatu doko namwana yalu pingi panda ingyuo karamo.

Samu 72:14

Nakama banya mona nyingi bange angi dopale ingyarasa dokona nakama pipya pyalana pingi wambu dupwa keta nenge rekya lao nyingi.

Samu 84:11

Kamongo doko baa namwana konambe ingyuo karo kiŋi neta renge ingyuo karenge. Baame namwa elyape keta piso anjiki pyuo namwa nyuo ketae pyambuo karenge. Baame wambu lapo rolae pyuo karenge dupwa bange keyange mainya kata rokwakami nange.

Samu 84:9

Anatu embame namwana kiŋi rombo palyakaene doko elyape keta pisakape.

Ekesetase 15:2

Kamongome namba porainyi pyambwapyamo porai ingyuo karo. Baame namba elyape keta palyuo kiiramo nyiya. Nyiyamo dokona baa nambana Anatu dokona nambame banya kingi lakandaro. Baa nambana rakanena Anatu. Banya kingi andake dokona lao nambame lakandaro.

Aisaya 32:2

Nakama mendaki mendaki lao dupwa yuu penda penda dokona raiya minyuo neta rao randa piramo dokopa kananda dokona yalu pingi dopale ingyuo dee porambaiye eparamopa mendena pao alya minyingi dopakale ingyuo parami. Nakama yuu muiyanena ipwa epo penge dopakale ingyuo dee yuu ee nengepe jingi lyuo anda nange dupwana kana londe lapo petenge dokona rau lenge dopale ingyuo parami.

Aisaya 45:21

Nakamana kote pii palamo dupwa minyuo kotena ipupwape. Wambumi nakama nyiso letaminyi dupwa mendeme mende pisalya pisana pyuo lena. Rengya mende piraŋa apimi wambo nolakao leyase? Doko namba Kamongo Anatu banya wambu dupwa nyiso kyawa lete nyingi dokomeko leyo. Anatu wakale mendepe kara nange.

Luku 1:47

Nambana Lete Wai Pyao Nyingi Anatu dokona suu pyao rae maiyuo peto.

Luku 1:69

Dokona lao banya yulu pingi akali Dapiti dokona palu dokona Lete Wai Pyao Nyingi akali porai mende karena lao renge kuipyamopa karamo.

Luku 1:71

Doko, Namwana yanda pimwai dupwa nembakao namwa nyisara, namwa kando awa nao karaminyi dupwa peparaeme namwa pyaa nana lao kyawa minyaro leya.

Dutaronome 32:37

Dopa pyuo banya wambu dupwa nyisapala dokopa piso soo lao, Nakamana mee bange anatu poraiŋi lao keta pyamalyiyaminyi dupwa anja karamisi? lara.

Dutaronome 32:4

Kamongo baa nakamana kyawa minyuo iso karenge ama porai wakasa. Baame yulu peparae dupwana mende kyai pii nao rolae iki pingi. Nakamana Anatu baa alowa pii nao kinyi angi dokona palyuo karenge. Baame rolae ingyuo karo wambu peparae keta kapa kapa pingi.

Dutaronome 33:29

Isaraele wambu nakama raeme kumulyaminyi kande. Kamongome nakama nyiso lete nyipyamo dopale ingyuo yuu liti menge dupwa Kamongome nyisapyamo kara nalyaminyi. Kamongo baa nakamana konambe wua gelape ingyuo baa nenge nyakalyamo. Dopa pipala nakamana yanda pimwai dupwame sakame kumuo karamili lao piso soo epeyami kande dokopa nakama pyao kalya pisi pisi pyuo anamo kararami.

Taitesa 3:4

Namwana Lete Wai Pyao Nyingi Anatu anjiki pingipi mona retenge rengepe paneyamo doko baame namwa lete wai pyao nyiyasa piya. Doko namwame yulu keyange piyamandena lete wai pyao nyiyande daa. Anatu rangena sakao nyiso karenge renge dokona banya Imambu Poo Pyasinya manjo nyingi enengepe lete karenge enengepe dolapo jiyamo dokome namwa poo pyao lete wai pyao nyiya.

Taitesa 3:6

Namwana Lete Wai Pyao Nyingi akali Yesu Koraisa keta Anatumi banya Imambu Poo Pyasi peparae namwa pipya kulimbuo jiya.

Ipuru 2:13

Dopa lapala dokonako lao, Anatu kapa ingingi lao suu pyao baa keta pyamalyaro kararo leya. Deeko kamba lao, Anatumi wambu yango jiyamo dupwa pipa dakena karo leya.

1 Samyuele 2:1

Ana baame dopa pyuo ateŋa lao peteya. Kamongome nambana monarena rae maiyanyi pyambwapya. Baame mende pipyamo dokona lao rae mailyu. Nambana randa jingi wambu dupwa kando giyalya giyana pilyu. Anatumi nyisapya dokona namba raeme kumulyu.

1 Samyuele 2:2

Mendali Kamongo poo pyasi dopale ingyuo kara nalyamo. Mendali Kamongo dokopa manda manjo karande daa. Anatu baa namwana konambena mendeke ingyuo karamo dopale ingyuo karande daa.