2 Samyuele 19:23 - Anatunya Buku Baepole Ole Testamene Pii Lapo dee Nuu Tesamene

²³ Lapala baame Simai lamaiyuo lao, Nambame emba pyao kumaka narami lao lalu lao langilyu, leya.

2 Samyuele 19:23 Mawu Ofanana

2 Samyuele 16:10

Kiŋi dokome akali Apisaipa dee banya yangonge Joapepa kando lao, Doko nakambana yulu mende daa. Kamongo dokome pinya lao lamairamo dokona baa namba randa jera ramo doko api rolae pingipi mendeme piso soo akipamo pilyamo larami ingilyase? leya.

2 Samyuele 19:24

Dokopa Mipiposeta Solena kauwange akali doko kiŋi doko yako lao nyela epeya. Doko baa kiŋi doko Jerusaleme yaki nyiyamo yuu gii dokopa Mipiposeta banya angasipi kyawasipi dupwa rokwa nao dee kimbu dupwa wate pii nao komau dupwa wate pii naope piyamopa pao kiŋi doko wini pipala kamba kapu kyuo epeya.

Ipuru 6:16

Juu wambu dupwame mende piru lao lalu lao lenge dokopa kingi andake mendena minyuo lao kana minyuo lenge kandale. Dopa pyuo lao pao mendena kingi minyuo lao ayemba pilyamo dokopa lao otalyamo lapala kaenge.

1 Samyuele 11:13

Leyaminyipape Soleme isingi lao, Yuu gii dake Kamongome Isaraele wambu dupwa kyawa lete nyipyamo dokona epapu mendali pyao kumaka napengeŋe, leya.

1 Samyuele 28:10

Enakana Soleme Anatunya kingi lao lalu lao leya. Nambame Kamongo lete karenge keta lalu lao, Embame dopa pyuo yulu pyakarene dokona randa nyii nare, leya.