1 Timoti 6:1 - Anatunya Buku Baepole Ole Testamene Pii Lapo dee Nuu Tesamene

¹ Yulu pingi akali dupwame nakamana yulu pyakamaingi akali doko keyange ingyuo karamo lao suu pyao karo banya kingi ketae pyambuo pyuo kararami. Dopa pyuo kararami ramo dokopa Anatunya kingi dokonape dee Kurisene yulupi dolapona kwaelyamo laa narami.

1 Timoti 6:1 Mawu Ofanana

Jenesese 16:9

Leyamopa Kamongona aŋala dokome baa lamaiyuo lao, Embena kyawa enda petamo dokona lambu kapu kyuo paale. Papala banya arapu dokona isarena ingyuo piso anjiki pyuo kendemande yulu pyakamyuo petena leya.

Jenesese 24:12

Palyapala loma soo lao dokopa, O nambana akalimupwa Aporakamena Kamongo Anatu embame epapu namba keta embone pisakape. Embamenambana akali mupwa Aporakame mona reto embena pii lalu lao lee kande doko kaeya nare, leya.

Jenesese 24:2

Dokopa Aporakame banya kendemande akali mupwa banya bange peparae rapu pyuo karenge doko epena lapala dopa lamaiya.

Jenesese 24:27

Nambana akali mupwa Aporakamena Kamongo Anatu dokome Aporakamepa banya lalu lao leyamo pii doko yaki nyii nao minyaro karo mona reto karenge dokona kingi ketae palena. Dee namba keta Kamongome kata lasaka pipyamo Aporakamena ree palu epo kando nyilyu, leya.

2 Samyuele 12:14

Dopa pirinyipape embame yulu koo dopale pyuo Kamongo angiŋi lao suu pyaa naene dokona embena wane Betesepame mandeyamo doko kumara, leya.

2 Kiŋi 5:13

Dokopa banya kendemande akali dupwame baa kareyamo dokona papala baa lamaiyuo, Kamongo, poropeta akali dokome yulu andake mende pii, langipyali doko emba mee kapa pipili. Dokona epapu dakepa embena rete doko umbwa pira lao akipamo emba mee wate pipala paa nare? leyami.

Niyamaya 9:5

Lipae rara dupwa ateŋa lao piyami dokona wambu dupwa dopako pyuo misi lao pinya leyami. Jesuamoo Katemele Bani Asapenaya Serepaya Otaya Sepanaya Petatayamoo dusipame lao, Roya karapala nakamana Kamongo Anatunya lao kingi lakandalapape. Baa yuu peparae lakando karalu karalapape. Karapala mee akalimi ingyuo embena kingi kapa lakanda nalyaminyipape Kamongo embena kingi neta renge doko wambu peparaeme angi ingyuo lakandenale.

Aisaya 52:5

Epapu yuu Bapilone dokona doo piyami dopako pyuo pilyaminyi. Nakama karapusi ingyuo nyuo papala bange mendepe nakama ropo pyao reta nayami. Wambu dupwame nakama iso karapala range mupwa ulipiliŋi lao suu pyao nambana kingi pendewa nembo lao karaminyi.

Aisaya 58:6

Nambame nenge wasaka pyuo petenge yulu mende suu pilyu doko dake. Wambu lapo mona kendo randa nyilyaminyi dupwape dee wambu lapo nakamana yangome nakama kando rolae ingyuo pyakamyuo kara nalyaminyi dupwape kiiramo nyerami ingilyamo.

Isikiolo 36:20

Yuu wambupi wakale dupwana peyami dokopa wambu dupwame lao dokopa nakamana Anatu dokome yuu maiyamo doko yaki nyuo kaeyapenge ingiyasa yaki nyiyami leyami dokopa nambana kingi poo pyasi doko kwaeyo peya.

Isikiolo 36:23

Nambame yuu liti wakalena nakama pao nambana kingi nyuo yuu paranyi nembo peyaminyi dupwana yulu angi mende kandapala nambana kingi doko poo pyasilyamo lao kando serami dokona palyuo pirunu dokopa dupwame namba doko Kamongo lao serami lyakande. Nambame nakama nyuo yulu pipala namba doko poo pyasiŋi lao yuu dupwana wambu lasaka piruŋu. Namba Kamongo Mupwa Andake Wakasa karenge dokome letoŋo.

Malakae 1:6

Kamongo Porai Wakasa dokome purisi dupwa lamaiyuo lao, Ikinyingimi rakange rape rape lenge kandape. Dee kendemande akali dokome banya yulu pyakamingi akali doko kando rape rape lenge kandapi. Namba nakamana rakane doŋo akipamo nakamame namba kando rape rape laa nalyamisi? Namba nakamana mupwa doŋo akipamo nakamame namba paka nalyamisi? Nakamame namba kilya kando kandelyaminyi. Kandapala piso soo lao, Apa pyuo namwame emba kilya kandelyamase? letaminyi.

Matyu 11:30

Dokona lao nambana isa mamando palyuo puu pingi doko awa awa pyuo singi, nambana langena singi bange doko yaepenge, leya.

Matyu 11:9

Aki mende kandarama lao dokona peyamisi? Anatunya poropeta akali mende kandala peyamisi? Kinyi, poropeta kandalana peyami doŋo baame poropeta doloma isa palyili lao karamo.

Luku 17:1

Dokopa baame banya disaepole dupwa dopa lamaiya. Kinyi kinyi, isa wambumi yulu koo pirami ingilyamo. Pirami ingyapyamopa mendeme renge kuiyuo wambu yango yulu koo dokona suu longwanyi pyambwara ramo doko baa randa andake nara.

APOSELENA YULU 10:22

Dokopa nakamame lao, Akali mende Koniliasa lenge yanda singi yango rapu pingi akali andakende baa yulu rolae pyuo Anatu pakao karamo. Juu wambu dupwa peparaeme baa kando akali keyange letaminyi doko aŋala poo pyasi mendeme baa lamaiyuo, Embame pii lapo lamairi lao emba nyela papala banya anda lanyuo ipupwape lena leyapya, leyami.

APOSELENA YULU 10:7

Aŋala doko baa dopa pyuo lamaipala papeyamo dokopa banya kendemande akali lamape dee yanda singi Koniliasa isaro pyuo kareyami dokona Anatu suu pyaokondali pyuo kareyamo mendepe epena lapala

APOSELENA YULU 15:10

Dokona ingyuo nakama apa pipyasa Anatu makande pyuo kandele lao Kurisene yango dupwa kenda renge doko sinya lao mainya pilyamisi? Kenda pingi nakama keta maiyalana pilyaminyi dupwa namwape namwana rora ambasupi dupwame mata punjiyamosa selana saka nayama.

Orome 2:24

Baepole dokona dopa lao, Rara wakale dupwame nakama Juu dupwa kandapala Anatunya kingi pendewa nembo larami ingilyamoo lao palamo.

1 Korina 10:32

Dopa pyuo karo Juu wambu dupwa Juu daa rara wakale dupwa dee Anatunya Elyambu Pingi wambu dupwa pipape randa mai nao pyuo karalapape.

Galasia 5:1

Koraisa nyisipyamopa namwa kiiramo nyisi karamano dokopa kiiramo nyisi ingyuo karo dee kambako Satanena kendemande anjisi ingyuo kara nalapape.

1 Timoti 5:14

Dokona enda waiya dupwa akali kapa nyuo wane kando nyepala anda rapu pyuo pisipenge. Dokopa namwana yanda pimwai dupwame pii koo lao giyalya giyana pii nanale.

Taitesa 2:5

Nakama suu pingi rangeme kame pyuo minyuo mondo lao piso anda dokona yulu au pyuo pyuo nakamana akalinginya pii soo petena. Dopa pirami ramo dokopa lapome Kurisene yulu kooŋo lao laa narami.

1 Pita 2:12

Kurisene daa pipa karo dokopa emba dopalepe dapale lao kandarami doko suu pyao kandokondali pyuo wasinyi nembo piso karo piri. Dokopa Yesu kapu kyuo eparamo gii dokopa nakamana yulu keyange dupwa panaramopa kandarami Anatu kando lakandarami ingilyamo.

1 Pita 3:16

Polo lamaiyuo dokopa pyalana pii nao anjiki pyuo mana lamairi. Yulu koo mende pii nare dokome lapo nakama mata kando lao kararami ramo dupwa enakana embena Kurisene yulu keyange kandapala kandakinyuo lapulyamo lao suu pyapala elyuo parami.