1 Timoti 1:5 - Anatunya Buku Baepole Ole Testamene Pii Lapo dee Nuu Tesamene

⁵ Nakama mona mendaki palyuo Anatu kapa ingingi lao kulisa palyuo suu pyapala koo mende nakama keta pali nalyamo doko monarena pyapi pyuo soo otapala kararaminyi dokopa mona retenge renge doko ando nyimbwaraŋa lao mana pii dake langilyamano.

1 Timoti 1:5 Mawu Ofanana

Samu 24:4

Dokona akali mende yulu piramo dokopa koo pii nao suu pingi keyange palyuo bange kingimi wasisi dupwa lakanda nao kyambo lao kana minya nao pira.

Samu 51:10

O Anatu, mona au pisi sinya laowasakare. Dee imambu enenge emba keta yaki nyii nao yulu pingi doko namba keta jereko.

Matyu 12:35

Akali keyange dokome banya pinjale rungi rungi pingi keyange dokona bange keyange dupwako range nyuo, akali koo dokome banya pinjale koo rungi rungi pingi dokonako bange koo dupwa range nyuo pingi.

Matyu 5:8

Wambu mona mendaki palyuo karaminyi dupwame Anatu kandarami dokona nakama rae maiyuo pelyaminyi.

APOSELENA YULU 15:9

Baame namwa kamame mendepale inginyi pyambuo suu pyao nakama mee mende ingyuo suu pyao piyande daa. Nakamame Yesu kapa ingingi lao suu piyamisa monarena koo dupwa pyuo poo pyao nyakamiya.

APOSELENA YULU 23:1

Dokopa wato andake lenge akali peteyami dupwa kando Poleme dopa lao, Yangonemoo, namba koo mende pii nao karo epo epapu dae karo dakeŋe lao soo manji nyilyu doko Anatu silyamo leya.

APOSELENA YULU 24:16

Anatunya lenge kambu dokonape wambunya lenge kambu dupwanape yulu koo pipiŋi laraminyi lao yuu peparae kandokondali pyuo pyuo karo.

Orome 10:4

Koraisame Lowa doko otanyi nembeya. Dokona lao mendeme baa mona mairami dupwa Anatupa rolae inginyi pyambulyamo.

Orome 12:9

Mona retarami ramo dokopa mee mona retele lao kara napala angi mona retalapape. Yulu koo dupwa epekanda nao karalapape. Keyange dokona pinya rungi rungi pyao pipape.

Orome 14:15

Embame narene dokome yangone randa mairi ramo doko mona retenge kata dokona reto karalu kara naresa pira. Embena nenge narene dokome akali dokona lao Koraisa kumakamiya doko isa pakami nana.

Orome 9:1

Namba Koraisana ingilyamo dokome kyambo laa nalyo. Pii dake ama kinyi leto. Imambu Poo Pyasimi nambana monarena suu pingi dokona iso karamo. Dokona namba kinyi rolae leto doko soo gisilyu.

1 Korina 13:1

Nambame pii rara wakale wakale sepala laope dee aŋalana pii sepala lao pirunupape wambu yango mona reta naro ramo dokome nambana pii laro doko sanapenge pii andake lenge dopale yeelyo panda kana byara jaa koo lenge dopale mee kambunya ketae pii laronosa pira.

2 Korina 1:12

Isa yuu dakena palyuo karo piyamano dokopa yuu peparae panga see nao Anatu dokona lao suu pyao pii rolae iki langiyama. Akipamo namba rae maiyuo pyakalyuo pilyunu dokona langirowale. Namwame mee wambunya soo gisingi dokome langya nao Anatunya mona keyange palyuo ipingi dokona porainya renge dokome lao langiyama.

Galasia 5:22

Dopa pipyamopape Anatunya Imambu yulu keyange paleta epenge. Mona retengepe rae maingipi mona kyuu lao singipi mee elya kalo karengepe anjiki pingipi keyange renge palengepe mondo lao pyuo karengepe dusipa baa keta ando epenge.

Galasia 5:6

Namwa Koraisa Yesupa pako kararama doko yanenge kalomengepe kaloma nangepe dokona pii mende pali nalyamo. Doko Yesu kapa ingingi lao suu pyapala wambu yango mona reto nyisarama yulu doko iki angi ingyuo pelyamo.

Dutaronome 10:12

Nakamana Kamongo Anatu dokome aki yulu lapo epapu nakama pipwape langilyape lao Isaraele wambu dupwa selapape. Kamongo mupwa lao suu pyao pako lakando karo dokopa baame langilyamo dupwa peparae pilapape. Nakama mona maingi rengepe imambupi peparaeme baa mona reto banya yulu pyakamilapape.

1 Timoti 1:18

O nambana wane Timoti mawa pii dake emba langilyuŋu sepe. Yuu wamba poropeta akali dupwame emba keta nolakayami dokona suu pyao karo. Pii poropeta dupwame leyami dusipa lao minyuo nyisu petenge wambu anamasi minyare.

1 Timoti 1:19

Minyapala embena kapa ingingi lao suu pilini renge dokome minyuo embena suu pingi renge doko poo pyasi ingyuo palena lao yaki nyii nao karare. Wambu lapome yulu rolae dupwa sepala karo kando kaeyo koo pyuo kareyaminyipa nakamana Anatu kapa ingingi lao suu pingi doko isa peya.

1 Timoti 3:9

Anatumi pii kinyi doko pano lasaka piyamo doko kapa ingingi lao suu pyao mona dokona pyapi pyuo soo minyarami.

2 Timoti 1:3

Nambana rora ambasupimi Anatu lakando mona suu pinginya pyapi pyuo soo lenge dokona namba opetaeko piyaminyili pyuo pipala eŋa pupyamopa Anatu sangyu lao karo. Yuu peparae kukwa korakamape ateŋa lao dokopa embena lao suu pyao Anatu sangyu lao lapa pilyu.

2 Timoti 1:5

Namba embame Anatu kapa ingingi lao suu pyao mandeene doko angi ingilyamo lao kame see nalyo. Anatu kapa ingingi lao suu pingi dokore embena apusingi Loisa endakinyi Yunisapame opetae suu pyao peteyambipya. Doko suu pyao embena doko mendare ingyuo pelyamo lao silyu.

2 Timoti 2:22

Wanyane wambu keta suu pingi koo palamo doko wanjo yulu rolae doko anjuku lao pyuo Anatu kapa ingingi lao suu pingipi mona retengepe mona kyuu lao singipi dusipana ingyuo pyuo karape. Doko wambu mona yapasi paliramo Kamongo nyisinya lao ateŋa lenge dupwamoo pipya karo. Dopako pyuo kararami ramo doko kapa ingyara.

Taitesa 1:15

Wambu mona rolae singi doko kata yulupi dupwa peparae rolae ingyuoko penge. Wambu mona karo petenge Yesu mona mai nangena mona anda dee yulupi dupwa koo ingyuo singi dokona yulu peparae rolae ingyuo paa nange.

Ipuru 10:22

Dokona lao suu pingi lamana palya nao Anatu baame namwa kapa nyera doko soo gisapala karo mona anda yapasi dokome koo mende range keta pali nalyamo doko monarena pyapi pyuo soo kaepala ipwa yapasi dokome yongo wate pipala Anatu dokona repe repe pyuo monale.

Ipuru 13:18

Kaeya nao ateŋa pyakao karalapape. Koo mende namwa keta pali nalyamo doko monarena pyapi pyuo soo kaeyapala karamano. Namwa yuu peparae rolo pyuo karalana suu pilyamano.

Ipuru 9:14

Dopa pyuo kareyamiko doŋo Koraisana ranjama dokona yulu dupwana manda manji naya. Koraisa koo mende pali nange doko baame Imambu lete karalu karenge doko keta Anatu dokona namwana koo dupwana lao kumuo maiya. Banya ranjama dokome namwana yulu angi kapa pali nange dupwa poo pyanyi nembaramopa Anatu lete karenge dokona yulu minyarama.

Jemesa 4:8

Anatu karamo dokona repetale ipupwape. Dokopa baa nakama keta repetale epara. Nakama akali koo pingi dupwa nakamana kingi dupwa wate pipape. Nakama suu pingi lama mandenge dupwa monarena pyuo poo pyalapape.

1 Pita 1:22

Nakama pii kinyi doko moko minyuo papala yulu koo dupwa kaeyapala Anatunya Imambunya yulu rolae pilyaminyi dokona Kurisene yango dupwa mona angi reto karalapape.

1 Pita 3:16

Polo lamaiyuo dokopa pyalana pii nao anjiki pyuo mana lamairi. Yulu koo mende pii nare dokome lapo nakama mata kando lao kararami ramo dupwa enakana embena Kurisene yulu keyange kandapala kandakinyuo lapulyamo lao suu pyapala elyuo parami.

1 Pita 3:21

Ipwa andake doko bapitisimo yulu dokona ingyuo wambo kongwalu piya. Bapitisimo nyilyamano doko mee yongona karo petenge dupwa wate pyuo lete pelyamasa pii nange. Bapitisimo nyuo dokopa nakama pii mende lalu lao lenge doko moko minyuo kaeya naro lao suu pyapala lete dokona pelyamasa pingi. Yesu Koraisa baa sipurao lete peyamo dokona ingyuo lete paramasa pira.

1 Pita 4:8

Yulu mupwa minyarami doko wambu yango mona reto karalapape. Mona retarami renge keyange dokome nakamana yulu koo dupwa yambe pyakara ingilyamo.

2 Pita 1:7

Wambu yango dupwa mona retapala Anatu dokona mona maiyuoko karalapape.

1 Jone 3:10

Mendeme yulu rolae pyuo kara nara ramope baame banya yangonge mona reto kara nara ramope doko baa Anatunya ingyuo daa. Dokome api Anatunya wane wanakepe api Satanena wane wanakepe lao kando gisarama.

1 Jone 3:23

Dokona lao banya lowa dopa lao palamo. Banya Ikinyingi Yesu Koraisana kingi lao baa kapa lete wai pyao nyingi lao suu pyao baa mona maipala nakama lao mona reto karalapape lao baame namwa langiyamo dokona palyuo pirama.

1 Jone 3:3

Wambu mendeme Yesu kandapuli lao suu pyara ramo suu pingi doko monarename range pyuo poo pyarasa pira. Yesu poo pyasi karenge doko suu pyao poo pyasi kararasa pira.