1 Samyuele 3:19 - Anatunya Buku Baepole Ole Testamene Pii Lapo dee Nuu Tesamene

¹⁹ Samyuele ando oteyamo dokopa Kamongo doko baa keta role pyao kareya. Role pyao karapala Samyueleme pii leyamo dupwa angi kinyi dokonako pinya lao piyasa angiko pyuo peya.

1 Samyuele 3:19 Mawu Ofanana

Jenesese 21:22

Mange dokopa Apimelekepa dee Pikole banya ami akali mupwa dokope dolapome pipala pao Aporakame lamaiyuo lao, Emba yulu peparae pipinyi dupwana Anatu doko role karamo kande.

Jenesese 28:15

Kando karape. Nambame embapa karapala anja panda parene dupwa minyuo paeyo dee yuu dakena laeyo lanyuo eparo. Dopa pyuo nambame emba yaki nyii nao karo langipu dokona palyapala kaeyaro, leya.

Jenesese 39:2

Dokopa Kamongo dokome Josepe baapa role pyao karapala yulu peparae mondo lanyi pyambwakamiya. Josepe baame Isipi akali mupwa dokona anda palyuo kareya.

Jenesese 39:3

Banya akali mupwa kando Kamongome Josepe role pyao karapala mondo lanyi pyambwapyamopa yulu peparae elyape ingyuo pyuo karamo lao kandeya.

1 Kiŋi 8:56

Kamongo banya wambu dupwa manda rao mona kyuu lao singi renge mairuŋu lao lalu lao leyamuli pyuo mailyamo doko lakandamana. Banya kendemande akali Mosese keta yulu keyange pyakaro lao lalu lao leyamo dupwa peparaena mende isa nemba nao baa range suu pyaro karamo.

2 Kiŋi 22:16

Kamongo keta pii piso ipyamo dupwa baa lamaila pena leya. Buku dokona pyasi palipyamo kiŋi doko yaka lapyamuli pyuo namba Kamongome yuu Jerusaleme dee wambu dokona palaminyi dupwape randa maiyuo pyaro.

Aisaya 43:2

Nakama ipwa rapu koko kyuwa dupwa yalo paraminyi dokopa namba range nakama role kararo. Nakamana randa dupwame nakama kapa nyuo anamasi minya nara. Isare rao kararamo dupwana sukusa parami dokopa nakama isare dokome kapa raa narami. Dee makande pingi andake dupwa nakama keta eparamo dokopa randa nyii narami.

Aisaya 44:26

Dopa pipyamopape nambana kendemande dupwa rengya mende piraŋa lao lenge. Nambame wai pii minyakange akali dokome nambame mende rengya piruŋu lao rapa rapa pyuo retenge doko pano lakale peenge. Dopa pipala doo ene rengya mende pira letono dupwape dee mende pinya rapa rapa pilyuŋu dupwape angi kinyi lao panenge. Nambame Jerusaleme range wambu dupwa range epo dee paliraminyipa Juta wambunya taone dupwa kamba range piramiŋi leto. Taone dupwa lalyuo kwaeyasi doko minyalyuo pirami ingyara, namba dopa pyuo leto.

Aisaya 55:11

Dopa pyuo nambame mende pirunya lao retelyono doko mee isa paa nange. Angi letono dokonako kapa wai wara pyuo pipala pyuo otenge.

Matyu 1:23

Doko enda mapwae mende wane pisaramopa wane mende manjira dokopa banya kingi Imanuele larami leya. (Kingi Imanuele doko Anatu namwa pipya role pyao karamo dopale.)

Luku 1:28

Baa peteyamo dokona epapala dopa lamaiya. Emba pisipilyamo yako. Kamongome emba yapo nyepala emba elyape keta pisilyamo.

Luku 1:80

Dokopa wane doko mona angi palyuo ando peya. Baa neta eparamopa Isaraele wambu dupwame baa kapa kandarami yuu gii pyaka sepa naya dokopa yuu muiyane dokona palyuo kareya.

Luku 2:40

Peyambinyipa wane doko ando porai ingyuo ama mona paleyamopa kareya. Dokopa Anatunya renge keyange doko baa keta paleya.

Luku 2:52

Dokopa Yesu konda konda pyuo soo giso karo pao ando kaeya. Dokopa Anatumoo mee akali opetaeme baa kando ama rae maiyuo kareyami.

2 Korina 13:11

Yangonemoo karalapape. Koo mende pii nao mondo lao karalapape. Nambana pii dake warombo selapa. Nakama mona mendare palyuo dokopa suu pingi mendaki palyuo lambo lao karalapape. Dopa piraminyi dokopa Anatu mona retengepe mona kyuu lao singipi doko baa nakama pipya role pyao karara.

Dutaronome 18:22

Poropeta mendeme Kamongo dokona kingi lao lapyamo leto lao laramopa pii doko angi pyaka see nara ramo doko Kamongona pii daa mee larasa pira. Poropeta akali dopale doko baa rangena porai dokome larasa piraŋa mona nembo pako kara narami.

2 Timoti 4:22

Kamongome nakama pipya role pyao kararamopa Anatunya mona keyange palyuo ipingi doko nakama keta palena.

Jasi 13:24

Enda baa wane nyaŋa mandeya. Wane banya kingi Samasone leyambi. Wane baa andeyamo dokopa Anatumi baa elyape keta pisiya.

1 Samyuele 10:7

Yulu dupwa pira dokopa Anatumi emba dopa pii dapa pii lao mende langiya kande doko pepe.

1 Samyuele 12:2

Dokona epapu baa nakamana mupwa ingyuo karara. Namba doko ando oto kyawa yaku epo nambana wane dupwa nakama pipya karaminyi. Namba wamba parange dokopa nakama iso karo pao epapu emelyo.

1 Samyuele 16:18

Leyamo dokopa akali kareyaminyi dokona mendeme leya. Jese yuu taone Beteleme range dokona ikinyingi doko rambyalu dokome musiki pyao ama keyange lenge. Baa akali paka nange yanda singi keyange baame pii mondo lao lenge dee yanenge keyange karenge. Kamongo Anatu role pyao karelyamopa karenge, leya.

1 Samyuele 18:12

Dopa piyamopa Kamongo dokome Sole yaki nyepala Dapiti keta kareyamosa Sole baame Dapiti kando pakaya.

1 Samyuele 18:14

Kamongo baame Dapiti keta kareyamo dokome Dapiti banya yulu peparae kapa pyuo peya.

1 Samyuele 18:5

Soleme Dapiti yulu pinya leya dupwa kapa piyasa kandapala Soleme Dapiti baa yanda singi dupwana mupwa ingyuo karena leya. Dopa piyamo dokome Solena akali dupwape yanda singi mupwa dupwape peparae rae maiyuo kareyami.

1 Samyuele 2:21

Kamongome enda Ana elyape keta pisipala wane rema wanake lamape dee konda pyuo maiya. Wane Samyuele Kamongona yulu dokona moko minyuo pyuo karo ando peya.

1 Samyuele 2:26

Dokopa wane Samyuele baa Kamongopa mee wambupinya lenge kambu dokona rolae wakasa pyuo ando pelyamo lao kandeyami.

1 Samyuele 9:6

Dokopa kendemande akali dokome isingi lao, See. Yuu taone dakena Anatunya akalinde dopa pyuo koto saka nange doko dusa karamo lenge doko angi rolae lenge. Dokona lao wambu dupwame baa angingyuo karamo lao suu pyaro karaminyi. Akali karamo dokona nambwa bwua. Parambano dokopa dusa karamo lao laramo dokopa angi koto nyimbanale leya.