1 Kiŋi 19:5 - Anatunya Buku Baepole Ole Testamene Pii Lapo dee Nuu Tesamene

⁵ Lapala baa isa renge dokona luu paleya dokopa aopa aŋala mendeme baa epo minyandapala lenge rapala nenge nena, leya.

1 Kiŋi 19:5 Mawu Ofanana

1 Kiŋi 19:4

Ilainja yuu gii mendaki yuu muiyane mendena kata pao kareya. Pao karo isa renge rau leya mendena imambu soo peteya. Piso dokopa baa kumuowane lao suu piya. Pyapala baame ateŋa lao, Kamongo namba keta kenda palamo. Namba kumaro doko kapaŋa. Nambana lete karenge doko nyepe, leya.

1 Kiŋi 19:6

Leyamosa lenge rapala kandeyamo dokopa kyawa reteya dokona borete mende soo dee pee mendena ipwa kamusi piso piyamo kandeya. Dolapo napala dee kambako luu paleya.

Samu 34:10

Mena laene dupwa nenge yano pilyamo dokopa mee lopome kumungi. Dopa pingi dokona wambu banya pii warombo singi dupwa mende yano pyuo yangya nange.

Samu 34:7

Kamongo banya pii rape rape lao minyingi dupwa iso karo banya aŋala dokome randa epelyamo dokopa kyawa minyuo karenge.

Daniele 9:21

Namba ateŋa pyao piso dokopa aŋala Geperiele kombeya wambo pii repa repa piyunu dokona kandeyono doko namba peteyono mare dokona bii lao epeyamo kandeyo. Doko kukwa mena pyao kiso maingi doko mairama yuu gii ingiyamopa kandeyo.

APOSELENA YULU 12:7

Dokopa Kamongona aŋala mende epeya. Epeyamo dokopa anda panda dokona yanga paupau leya. Dokopa Pitana parali doko kapa kapa pipala pyalereya. Pyalerapala, Emba waiya lao roya kara leya. Leyamo dokopa puu sane dolapo banya kingi dokona bwuakayami dolapo mokwala isa peya.

Ipuru 1:14

Yulu dokore aŋala dupwa keta mai naya. Nakama Anatunya kendemande imambu karaminyi dokona baame wambu yake panda parami dupwa nyisala pena lao mapanyi peenge.

Ipuru 13:5

Kana mone mona nyisarono kando lao waso bange emba keta silyamo dusipa yakaŋa lao suu pyao karape. Anatumi lao dokopa, Emba yaki nyuo kaeya naro letamo.