1 Kiŋi 10:22 - Anatunya Buku Baepole Ole Testamene Pii Lapo dee Nuu Tesamene

²² Solomonena sipu andake dupwape Airimi yuu Taya kiŋi dokona sipu dupwa pipya ipwa kota andake dokona peyami. Ee kana rema yaka lao banya sipu dupwa kapu kyuo epo dokopa kana golope kulingipi mena elepanena nengepe mena mangi rara lamape dupwa peparae manjo epapapu piyami.

1 Kiŋi 10:22 Mawu Ofanana

Jenesese 10:4

Japanana ikinyingi Elisa Tasisi Kitimi Dotanimi.

1 Kiŋi 10:18

Baame kiŋinya petenge isa seya kameya mende opetaeko wasiya. Wasiyamo dokona pakirename mena elepanena nenge dupwame yambe piya. Dee pakirename peparae kana golo keyange dupwame yambe piya.

1 Kiŋi 10:21

Solomonena ipwa nenge pee kapo dupwa peparae kana golome wasisi. Dee bange peparae yuu Lepanone Imwa Anda Andake dokona yulu pingi bange dupwa kana golo keyange dupwame wasisi siya. Dokona kana kulingimi wasingi mendepe see naya. Renge doko Solomone kareyamo yuu gii dokopa kana kulingi doko mee bangeŋe lao suu piyami.

Jopo 39:13

Yaka oserese doko papake dokome puu lao makando penge. Dopa pilyamopape yaka soko dokome waiya lao bii lao pao yaka oserese doko nyuo enakao penge.

Samu 72:10

Dopa pyuo yuu Sepene range kiŋipi dee yuu ipwa kota sukusa singi dupwana kiŋipi dupwame baa bange kipungi ingyuo maiyala eparaminyipa yuu Arapia rangepe yuu Itiopia rangepe dupwana kiŋi dupwame dopako pirami.

Aisaya 60:9

Sipu dupwame yuu nanesa piso Anatunya wambu dupwa range anda lanyuo imisa pilyamo. Kamongo dokona kingi ketae pyambuo karena lao nakamame kana kulingipi kana golope dupwa minyuo epelyaminyi. Kamongo doo yuu muu peparaena wambu dupwame banya wambu dupwa ketae pyambuo karena lao pilyamo doko Isaraele wambunya Anatu poo pyasi ingyuo karamo.

Emosa 3:15

Nambame kupwa pyuo manda renge dokopa palenge andape isasa pingi yuu giinya manda rao palenge andape dolapo laparae pyao lalyanyi nembaro. Kana andake penge bange anda kalya pyuo retenge dupwa pyao kokwa soo anda kamame andake wakasa dupwa pyao kokwa soo piru.

Jona 1:3

Dopa leyamopape Jona baa Anatunya pii leyamo doko yaki nyuo soo nembapala baa yuu Tasisi dokona panya peya. Baa pao yuu Jopa dokona peya. Papala sipu wambu piso papingi mende yuu Tasisi dokona panya pyuo siyamo pao kando nyiya. Kando nyepala sipu dokona kana rangeme pyapala dokona ketae pulyuo papala akali sipu dokona yulu pingi dupwa pipya role pyao piso yuu Tasisi dokona panya peyami. Dokona Anatu baame kanda naraŋa lao suu pyao pena peya.