1 Jone 4:12 - Anatunya Buku Baepole Ole Testamene Pii Lapo dee Nuu Tesamene

¹² Wambu dupwa peparaeme yuu mendepape Anatu kanda nalu nao nange. Namwame namwa lao mona reto kararama ramo doko Anatu namwa keta epo maralyapala mona retenge angi doko namwa ando nyimbunya lao joo kararandeme pira.

1 Jone 4:12 Mawu Ofanana

Jenesese 32:30

Peyamopa Jekopeme lao, Nambame Anatupa role pyao karapyamo kandapala dee lete karalyane lapala yuu doko kingi Peniele leya. (Ipuru pii kingi Peniele doko Anatunya lenge kambu dopale.)

Ekesetase 33:20

Mendeme namba kandapala lete paa nange dokona emba nambana lenge kambu doko kanda laa naro.

Nambase 12:8

Dokona lao nambame baa rolae lenge kambu kando pii lamaiyuo kongwalu palyuo lamai nao angi rolae lamaingi. Dokopa baame nambana yanga paupau lenge renge doko angi kandenge. Apa pyuo nakambame paka nao nambana kendemande akali Mosese yanda pimwaiyuo pii lambisi? leya.

Jone 1:18

Mendeme Anatu kanda nange. Ikinyingi mendaki iki doko Rakangena mona enge dokona karenge dokome baa apiyakalende lao rolo leya.

1 Korina 13:13

Mee dupwa otaramopa renge rema sulu sera. Dusipa Anatu kapa ingingi lao suu pingi dokope Yesu epara lao soo manjo karenge renge dokope dee wambu Anatupa lao mona retenge renge dokope. Renge rema dusipa sulu sera doŋo dee namwa Anatupa mona retenge doko mupwa wakasa ingyuo silyamo.

1 Timoti 1:17

Kuma napala karalu karenge Kiŋi doko baa wambumi kapa kanda nange Anatu mendaki doko kando wambu peparaeme lakandapala kingi ketae nembo karalu kararami doko kinyi.

1 Timoti 6:16

Anatu baa iki kumungi renge doko pali nange. Baa rao yanga paupau lao karelyamo dokona mendali repeta paa nange. Baa mendemepe kanda nange dee mendeme kapa kandarami ingya nangeko. Banya kingi ketae pyambuo paliramopa wambu peparae iso karalu karena, doko kinyi.

Ipuru 11:27

Baame Anatu kapa ingingi lao suu piyamo dokome Kiŋi Perao imbu singi manjira dokona paka napala yuu Isipi doko yaki nyuo peya. Baa Anatu karamo doko mane mane piyamopa mee kyawame suu lao puu pao peya.

1 Jone 2:5

Dokona mendeme Anatunya pii warombo soo pyuo karara ramo doko banya monarena Anatunya mona retenge renge doko namwana mona anda palyuo kete pyaramo kararasa pira. Dopa pira ramo dokome namwa banya arapu dokona karalyamano lao soo gisaramasa pira.

1 Jone 3:24

Wambu peparae banya lowa leyamuli pyuo pirami ramo dupwa banya arapu dokona kararamisa pira. Dokopa baa nakama keta kararasa pira. Imambu namwa jiyamo dokome baa namwa keta karalyamo lao soo gisilyamano.

1 Jone 4:16

Dopa pyuo Anatumi namwa mona reto karamo lao soo gisapala kulisa palyuo mona retelyamo lao suu pilyamano. Anatu baa mona retenge dokona mendeme mona reto karara ramo doko baa Anatunya arapu dokona kararamopa Anatu baa keta epo maralyarasa pira.

1 Jone 4:20

Mendeme, nambame Anatu mona reto karo lapala yangonge awa nao karara ramo baa kyambo larasa pira. Banya yangonge kandenge doko mona reto kara nara ramo doko baa Anatu kanda nange dokona apa pyuo mona retarase?

1 Jone 4:6

Namwa Anatunya ingyuo karamano. Dokona lao wambu Anatu soo karaminyi dupwame namwana pii warombo singi. Wambu Anatu soo nyepa nange dupwame namwana pii warombo see nange. Dokome anjuku imambu kinyi doko dee anjuku imambu kyambo lenge doko lao angi doko soo gisilyamano.