Yal Wơl 32:3 - Sră Goh 2018

³ Añ rơp bơto yal sơnđan Yàng Jehôwa dê, bơta dờng ryŭ gơrê hơ Yàng Tom Trồ bol he dê!

Yal Wơl 32:3 Mawu Ofanana

Jeremi 10:6

“Ơ Yàng Jehôwa, ò gơs cau lơi ndròm bal mơ Kơnràñ! Kơnràñ la dờng, Sơnđan Kơnràñ gơs gơnoar pràn dờng ngan.

Đơs Crih 150:2

Jòng ro Kơnràñ bơh ală broă gơnap gơnoar Kơnràñ dê! Jòng ro Kơnràñ jat bơta dờng lin rlau jơh Kơnràñ dê!

Ephesô 1:19

mơ git gơnap gơnoar Kơnràñ dê la dờng ngan ò git lơh gơwèt mơ bol he la cau dòn, jat be bơta yal tơlik bơh bơta pràn kơldang mơ gơnoar pràn Kơnràñ dê.

Yal Wơl 5:24

mơ bol mê đơs lah: ‘Jehôwa Yàng Tom Trồ bol hi dê neh ràng tơlik bol hi in bơta gơklŏ mơ bơta ryŭ ryơm Kơnràñ dê, mơ bol hi neh kơno sap đơs Kơnràñ dê bơh tòm ồs. Ngai do, bol hi neh gŏ lah dô nă cau rgơi gam kis bulah Yàng Tom Trồ đơs mơ bol khai.

Jang 17:26

Añ neh yal bol khai in git sơnđan Bèp, mơ rơp yal bol khai in git tai, tồ bơta kòñ gơboh Bèp neh kòñ gơboh di Añ, ơm tòm bol khai, mơ Añ kung ơm tòm bol khai sơl.”

Jang 17:6

Añ neh yal tơlik sơnđan Bèp mơ ală cau Bèp neh ai Añ in bơh digùl dunnia do; bol khai bal mơ Bèp, Bèp ai bol khai Añ in, mơ bol khai neh prap gàr jơnau Bèp.

Mathiơ 1:23

“Ne, dô nă cau ơruh rơp bun mơ deh dô nă kòn klau, Mơ cau rơp tơmoh sơnđan Kơnràñ la Emmanuel,” Gơtha la: “Yàng Tom Trồ ơm bal mơ bol he.”

Jeremi 23:6

Tòm rài bơtau hơ̆, Juda rơp geh dong klàs; Israel rơp ơm lơngap lơngai, Mơ cau rơp sơnđan Bơtau hơ̆ lah: ‘Yàng Jehôwa bơta song ring bol he dê!’”

I Yal Yau 29:11

Ơ Yàng Jehôwa, bơta dờng màng, gơnap gơnoar, gơklŏ, bơta pha lin mơ bơta ryŭ ryơm, Kơnràñ dê, bơh jơh ală bơta hơđang trồ mơ tòm ù gơrê bal mơ Kơnràñ. Ơ Yàng Jehôwa, lơgar gơrê bal mơ Kơnràñ; Kơnràñ geh yò tơngguh gơs bơtau at bồ hơđang rlau jơh;

Yal Wơl 3:24

“Khoai Yàng Jehôwa la Bơtau At Bồ Hơđang Rlau Jơh, Kơnràñ neh sơntòm yal tơlik cau duh broă Kơnràñ in bơta dờng ryŭ mơ tê pràn kơldang Kơnràñ dê. Bơh hơđang trồ hala tòm ù gơs yàng lơi gơs broă lơh mơ lơh ală broă gơnap gơnoar be Kơnràñ neh lơh sơl ơ?

Lik Ejiptơ 33:19

Yàng Jehôwa đơs lah: “Añ rơp ai jơh ală bơta kơ̆ dơn lơbơn niam Añ jê gơ lòt gan di đap mê, mơ Añ rơp yal sơnđan Añ jê la Yàng Jehôwa di đap mê. Añ ai bơta nđàc cau lơi in Añ rơp kòñ nđàc, mơ añ nđàc sơngit cau lơi in Añ rơp nđàc sơngit.

Lik Ejiptơ 6:3

Añ neh tơlik mat mơ Abraham, mơ Isak bal mơ Jakôp, yal tơlik să tòm Añ la Yàng Tom Trồ Gơnap Gơnoar Dờng; mơya bơh sơnđan Añ la Jehôwa gen Añ òhềt yal tơlik bol khai in git.

I Yal Yau 17:19

Ơ Yàng Jehôwa, tài bơh cau duh broă Kơnràñ dê mơ jat nùs kòñ Kơnràñ dê, Kơnràñ neh lơh broă dờng do mơ yal tơlik jơh ală bơta dờng màng Kơnràñ dê.

Lik Ejiptơ 20:24

Bơt tĕ Añ in dô nơm cơnòng duh khoai mơ ù, ơn tĕ hơđang hơ̆ ală phan ơn chu pơrguc bal mơ ală phan ơn kah bơta nđàc, ală belàt, be mơ kơnrồ bol mê dê. Tiah lơi Añ kòñ sơnđan Añ geh dòn duh, gen Añ rơp tus mơ bol mê mơ ai lơngai bol mê in.

Yal Tơlik 15:3

Bol khai đơs chò bơta đơs chò Môise dê, la dĭ gơna Yàng Tom Trồ dê, mơ bơta đơs chò Belàt Kòn dê, mơ lah: “Ơ Yàng la Yàng Tom Trồ, Bơtau Gơnoar Dờng lam Jơh, Ală broă Kơnràñ dê la dờng ngan mơ krơi is ngan! Ơ Bơtau ală rài dê, ală gùng dà Kơnràñ dê la song ring mơ song ngan!

I Yal Yau 29:10

Dabit jòng ro Yàng Jehôwa di đap jơh mpồl làng bol, mơ đơs lah: “Jòng ro Kơnràñ, ơ Yàng Jehôwa la Yàng Tom Trồ Israel ồng pàng bol hi dê gam sùm sùm mơ ò lồi.

I Yal Yau 29:13

Mơ tŭ do ơ Yàng Tom Trồ bol hi dê, bol hi ưnngài Kơnràñ mơ jòng ro sơnđan gơklŏ Kơnràñ dê.