Yal Tơlik 7:2 - Sră Goh 2018

² Añ gŏ dô nă cau gơnrơh ndai guh bơh đah mattơngai lik, at ƀang kì Yàng Tom Trồ gam kis sùm dê. Khai hòi driau dờng mơ poan nă cau gơnrơh gơs gơnoar lơh iơh di plai ù mơ dàlềng,

Yal Tơlik 7:2 Mawu Ofanana

II Ală Bơtau 19:4

Digơlan Jehôwa Yàng Tom Trồ ồng neh kơno ală jơnau Rapsake, mơ bơtau Asiri, cau tòm khai, neh sồr khai tus srat rma Yàng Tom Trồ kis gam sùm sùm, mơ Jehôwa Yàng Tom Trồ ồng rơp lơh glài ală jơnau Kơnràñ neh kơno. Behơ̆, dan hòi dan tĕ ala ală cau gam kis in.’”

Đơs Chò 8:6

Ơn tĕ añ be dô nơm ƀang kì di nùs mê, be dô nơm ƀang kì hơđang tơwòr tê mê; Bơh bơta kòñ gơboh pràn be bơta chơt, nùs ƀoah pơrñat iơh bơsak be lơgar làng ƀồc; Bơta duh gơ dê la bơta duh ồs dê, ngan dô nơm lơmpiat ồs Yàng Jehôwa dê.

Esai 41:2

Ñcau neh tơngguh dô nă cau geh pha lin bơh đah mattơngai lik, bơtào khai tòm bơta duh broă khai dê? Kơnràñ jào ală lơgar tòm tê khai, mơ jă trơm ală bơtau hơđơm jơng khai dê. Kơnràñ lơh bol khai mơ đào gơlik kung be kơmbuh ù, lơh bol khai mơ àtak gơlik be rhe ro kòl càl khồm.

Ejekiel 9:4

mơ đơs mơ khai lah: “Lòt làm tĕ tòm ƀòn dờng Jerusalem mơ lơh dô nơm tềl hơđang bìng liang ală cau ñìm rac mơ pơt wòl bơh ală bơta cù kìr neh lơh gơs tềng hơ̆.”

Malaci 3:1

“Do, Añ sồr cau kong sồr Añ jê, khai rơp rcang wàs gùng di đap Añ, mơ Yàng Jehôwa mơ bol mê jòi jat rơp nisơna tus tòm hìu duh khoai Kơnràñ dê. Hơ̆ la cau kong sồr bơta ho bal dê rơp tus, la cau mơ bol mê niam nùs, ngan Kơnràñ lòt tus, Yàng Jehôwa Gơnap Gơnoar Dờng Làm Jơh đơs behơ̆.

Malaci 4:2

Mơya đah pơnah bol mê la cau duh rngòt di sơnđan Añ, mattơngai bơta song ring dê rơp guh, mơ bơta sơmbòi kòp jê ơm tòm ală pơnđar gơ dê. Bol mê rơp lik lòt mơ sơnđoh kung be kơnrồ me lik bơh wàng gơ dê.

Mathiơ 16:16

Simôn Pier ho lah: “Kơnràñ la Bơtau Krist Kòn Yàng Tom Trồ gam kis sùm.”

Mathiơ 26:63

Mơya Yàng Jesu ơm mŏ mŏ. Cau gơnoar dờng lam bồ ơn phan duh khoai đơs mơ Kơnràñ lah: “Añ sồr mê sơnio Yàng Tom Trồ gam kis sùm, srat să mơ yal tĕ bol hi in, mê ngan la Bơtau Krist, Kòn Yàng Tom Trồ dê ơ?”

Jang 6:27

Bañ lơh broă bơh phan sa roh rui, mơya bơh phan sa gam wơl tus di bơta kis gam sùm sùm, la bơta Kòn Mơnus rơp ai bol mê in, bơh hơ̆ la Bơtau mơ Yàng Tom Trồ la Bèp neh tap ƀang kì cơng tàng.”

II Kôrintô 1:22

Kơnràñ kung neh tap ƀang kì bol hi in mơ ai Yàng Hwềng tòm nùs bol hi nàng lơh gơs phan ai bồ.

Ephesô 1:13

Mơ oh mi kung neh gơlik gơs cau sàng goh tơnơ̆ mơ tŭ oh mi neh kơno jơnau song, la Jơnau Niam bơta dong klàs oh mi dê, mơ neh dòn di Yàng Jesu, geh tap ƀang kì mơ Yàng Hwềng Goh mơ Yàng neh ho pơgon.

Ephesô 4:30

Bañ lơh moat jrùng Yàng Hwềng Goh Yàng Tom Trồ dê, bơh tòm Kơnràñ oh mi geh tap ƀang kì tus di ngai dong tơwài.

Yal Wơl 5:26

Bơh tŭ lơi gơs kòn mơnus lơi neh kơno sap đơs Yàng Tom Trồ kis gam sùm sùm đơs bơh tòm ồs kung be bol hi neh kơno mơ gam kis taih?

I Tesalônika 1:9

Bơh să tòm bol khai yal wơl mbe lơi bol hi tus digùl oh mi, mơ mbe lơi oh mi neh sang rùp ràk mơ rê wơl hơ Yàng Tom Trồ, nàng duh broă Yàng Tom Trồ gam kis sùm mơ song ngan,

II Timôthe 2:19

Bulah behơ̆ mơnàng kơ̆ wền Yàng Tom Trồ dê gam ntào kơ̆ sùm, gơs tap ƀang kì lah: “Yàng git cau gơrê bal mơ Kơnràñ;” mơ “Kòp nă cau lơi yal tơlik sơnđan Yàng gen pal pleh tĕ di bơta ò song ring.”

Hebrơ 12:22

Mơya oh mi neh tus hơ mơnơm Siôn, tus hơ ƀòn dờng Yàng Tom Trồ gam kis sùm, la Jerusalem hơđang trồ, tus hơ tơlak tơmàn cau gơnrơh jơnum bal,

Yal Tơlik 1:3

Lơngai cau in ai jơnau đơs dờng mơ sền ală jơnau gơnoar hwơr do, mơ lơngai ală cau in iat mơ prap gàr ală bơta neh cih tòm sră do, bơh tŭ tơngai neh rềp rau.

Yal Tơlik 10:1

Chòp añ gŏ dô nă cau gơnrơh pràn kơldang ndai mù bơh đang trồ, soh mhwal be ào, di bồ gơs dô nơm bơrlangkang, mat khai be mattơngai, mơ jơng khai be jrong ồs.

Yal Tơlik 10:4

Dơ̆ poh nơm kơnàs ntơr rau gen añ kòñ cih, mơya añ kơno dô jơnau bơh đang trồ đơs lah: “Til tĕ ală jơnau poh nơm kơnàs neh đơs, mơ bañ cih.”

Yal Tơlik 16:12

Cau gơnrơh dơ̆ prau tuh mơngàn khai dê hơđang hiòng dờng Ơphrat, gen dà soat jơh, nàng wàs gùng ală cau bơtau in tus bơh đah mattơngai lik.

Yal Tơlik 5:2

Añ kung gŏ dô nă cau gơnrơh gơs gơnoar pràn ai jơnau dờng yal lah: “Ñcau di pal pò sră do mơ tă ală ƀang kì gơ dê taih?”

Yal Tơlik 8:3

Chòp gơs dô nă cau gơnrơh ndai tus, ntào dê gah cơnòng duh khoai, at dô nơm gri mơ màh ơn kơlhô. Khai neh geh ai oă kơlhô nàng bơcă bal mơ ală jơnau hòi dan jơh ală cau sàng goh dê, mơ ơn hơđang cơnòng duh khoai mơ màh di đap sơbàn.

Yal Tơlik 9:14

Jơnau hơ̆ đơs mơ cau gơnrơh dơ̆ prau ơm at kơlwòk lah: “Hồ tĕ poan nă cau gơnrơh neh kòl cap di gah hiòng dờng Ơphrat.”

Yal Tơlik 9:4

Gơs jơnau sồr bol gơ bañ lơh iơh di ală ñhơt tòm ù, hala di ală phan tơlir, hala di ală chi che lơi, mơya mìng lơh iơh di ală cau ò gơs tềl ƀang kì Yàng Tom Trồ dê di bìng liang bol khai.

I Samuel 17:26

Gen Dabit lùp ală cau ơm rềp mơ khai lah: “Ñchi rơp lơh di cau rgơi tơnchơt cau Philistin do mơ tă sang bơta ƀàssìl bơh Israel? Cau Philistin ò siat gơltau do la ñcau mơ khin đơs pơrlòng ală mpồl ling Yàng Tom Trồ kis sùm sùm dê taih?”

I Samuel 17:36

Cau duh broă bơtau dê neh tơnchơt klìu triă mơ jơgơu, gen cau Philistin ò siat gơltau do rơp gơlik gơs kung be dô nơm tòm bol gơ, bơh khai neh đơs jơnau pơrlòng ală mpồl ling Yàng Tom Trồ gam kis sùm sùm dê.