Yal Tơlik 4:7 - Sră Goh 2018

⁷ Phan wìn kis sơnròp gơlơh be klìu triă, phan dơ̆ bàr be kơnrồ, phan dơ̆ pe gơs mat be kòn mơnus, phan dơ̆ poan be klàng bung par.

Yal Tơlik 4:7 Mawu Ofanana

Sơnròp Gơlik Gơs 49:9

Juda la dô nơm klìu triă, Ơ kòn, mê rê bơh phan mê neh kup geh. Cùn gơltang, kơp brồ be klìu triă brồ dam, Mơ be klìu triă me, ñcau khin pơrlai khai taih?

II Samuel 1:23

Sol mơ Jônathan kòñ gơboh mơ đềt mềr; Tòm tŭ gam kis mơ tòm tŭ chơt bol khai ò cah is. Bol khai sơrbac sơrbang rlau mơ ală klàng bung, Bol khai pràn kơldang rlau mơ ală klìu triă!

Jơnau Pơnđik 28:2

Tài bơh lơgar tìs glài iơh gen tàng gơs oă cau bơtau; mơya kơnòm di dô nă cau gơs dơngoh git wă at bồ, lơgar rơp ntào kơ̆ jŏ jòng.

Esai 40:31

Mơya cau lơi gơn kơnòm di Yàng Jehôwa gen rơp geh pràn pa, bol khai rơp pò pơnđar par jơnhoa hơđang kung be klàng bung; bol khai rơp ntoat mơ ò bòl glar, bol khai rơp lòt mơ ò lơgah lơgañ.

Ejekiel 1:10

Muh mat bol gơ sền gŏ be do: kòp nơm tòm poan nơm hơ̆ gơs muh mat kòn mơnus dê, mơ di gah ma bol gơ dê gơs muh mat klìu triă; đah kiau bol gơ dê gơs muh mat kơnrồ; kung gơs muh mat klàng bung dê sơl.

Ejekiel 1:8

Hơđơm ală đar di gah poan đah gơ dê gen bol gơ gơs ală tê kòn mơnus dê. Jơh poan nơm bol gơ gơs ală muh mat mơ ală đar,

Ejekiel 10:14

Kòp ceruƀim gơs poan đah muh mat: muh mat dùl gơs be ceruƀim; muh mat bàr gơs be kòn mơnus; muh mat pe gơs be klìu triă; mơ muh mat poan gơs be klàng bung.

Ejekiel 10:21

Kòp ceruƀim gơs poan nơm muh mat mơ poan nơm pơnđar; hơđơm ală dar gơs gơlơh kung be ală tê dô nă kòn mơnus dê.

Daniel 7:4

Phan poan jơng sơnròp gơlơh be klìu triă, mơ gơs pơnđar be klàng bung. Añ tơnggòr sền jơl tus di tŭ ală pơnđar gơ kong dơrpă jơh, să jan gơkòl yò tơngguh bơh di ù, gơ ơm ntào mơ bàr đah jơng be kòn mơnus, mơ gơ dòp geh nùs nhơm kòn mơnus dê.

Apdia 1:4

Bulah mê par jơnhoa hơđang kung be klàng bung, bulah mê lơh rsòn mê dê digùl ală sơmañ, Añ kung rơp cèng tơmù mê bơh tềng hơ̆,” Yàng Jehôwa đơs behơ̆.

Khà Làng Bol 23:24

Làng bol ñă ntào kung be dô nơm klìu triă me; bol khai tơngguh is bol khai dê kung be dô nơm klìu triă gơ ò bài bic rlô jơl tus di tŭ gơ neh sa loan phan gơ neh kup mơ hùc mhàm ală phan gơ neh kup geh.”

Khà Làng Bol 24:9

Bol khai rlô să mơ bic kung be dô nơm klìu triă, kung be dô nơm klìu triă me, ñcau khin pơrlai gơ taih? Lơngai ală cau lơi in ai lơngai bol mê in, mơ ală cau srat sơntơm bol mê gen rơp kong srat sơntơm!”

I Kôrintô 14:20

Ơ oh mi, tòm bơta kơlôi sơnơng bañ gơs be cau kơnòm dềt; mơya tòm bơta bih khih iơh bơsak, gen gơs tĕ be kơnòm dềt, ai tòm bơta git wă gen gơs tĕ be cau dờng.

Yal Wơl 28:49

Yàng Jehôwa rơp cèng tus dô nơm làng bol bơh di tiah ngài lòt tus tòmdră mơ bol mê, bơh di ală tiah lồi plai ù, kung be dô nơm sềm klàng bung bơh đang par mù tus hơđơm, dô nơm làng bol mơ bol mê ò git wă jơnau đơs bol khai dê,

Yal Tơlik 4:6

Di đap sơbàn gơs dô nơm dàlềng krơh gơlơh be krơh àng goh; digùl kòp đah gùt dar sơbàn gơs poan nơm phan wìn kis, đah đap mơ đah ngkòi bol gơ dê gơs bềng gar mat.

Yal Tơlik 6:3

Tòm tŭ Belàt Kòn tă ƀang kì dơ̆ bàr, añ kơno phan wìn kis dơ̆ bàr đơs lah: “Tus tĕ!”

Yal Tơlik 6:5

Tòm tŭ Belàt Kòn tă ƀang kì dơ̆ pe, añ kơno phan wìn kis dơ̆ pe đơs lah: “Tus tĕ!” Mơ añ gŏ, ne, gơs dô nơm ơseh jù. Cau hào ơseh at di tê dô nơm phan kơr

Yal Tơlik 6:7

Tòm tŭ Belàt Kòn tă ƀang kì dơ̆ poan, añ kơno phan wìn kis dơ̆ poan đơs lah: “Tus tĕ.”