Yal Tơlik 2:3 - Sră Goh 2018

³ Añ git mê òs kong ơt; mê neh kong bòl glar bơh sơnđan Añ mơ ò gơplơ̆ nùs.

Yal Tơlik 2:3 Mawu Ofanana

Đơs Crih 37:7

Ơm tĕ ring lơngai di đap Yàng Jehôwa, mơ kơ̆ tĕ nùs kơp gơn Kơnràñ; Bañ gơs nùs sơềt sơềl tài bơh cau geh bơtoah bơtoài tòm gùng dà khai dê, La cau lơh gơlik gơs ală kai gơrmơ̆i iơh khai dê.

Đơs Crih 69:7

Hơ̆ la tài bơh Kơnràñ mơ añ kong cau bơtat bơtròh, Mơ kòl bơta ƀàssìl gơ jơm hơđang mat añ.

Mice 7:9

Añ pal ơnòng bơta gơjrañ dờng Yàng Jehôwa dê; tài bơh añ neh tìs glài tòmdră mơ Kơnràñ, jơl tus di tŭ Kơnràñ dong tò bơta gơrềng tus di añ, mơ lơh gơlik bơta cahrña añ in. Kơnràñ rơp cèng añ lik hơ bơta àng; Añ rơp sền gŏ bơta song ring Kơnràñ dê.

Jơnau Niam Jat Mak 15:21

Gơs dô nă cau sơnđan la Simôn cau Siren, la bèp Aleksandria mơ Ruphus, bơh ƀòn dềt guh hơ ƀòn dờng, lòt gan tềng hơ̆; cau ling kup bơklơn khai tui chi pơng Yàng Jesu dê.

Luka 14:27

Cau lơi ò tui chi pơng he dê mơ lòt jat Añ, gen ò rgơi lơh gơs cau bơtê Añ jê.

Luka 18:1

Yàng Jesu yal cau bơtê in dô jơnau pơnyơu, nàng bơto bol khai pal hòi dan sùm, bañ tŭ lơi gơplơ̆ nùs.

Luka 21:19

Kơnòm di bơta kơ̆ nùs bol mê dê mơ bol mê geh sròng hwềng soàn he dê.

Luka 5:5

Simôn đơs lah: “Ơ Kơnràñ, bol hi neh lơh broă bòl glar mang àng tơn, mơya ò geh dô nơm ka lơi! Bulah behơ̆, jat jơnau Kơnràñ añ rơp dang bơtơng tai.”

Luka 8:15

Ai gar sơntìl ơm di ù niam la ală cau kơno jơnau Yàng, gen ai nùs song mơ lơbơn niam nàng prap gàr, ơt ơl mơ gơlik plai.

Jang 15:21

Mơya tài bơh sơnđan Añ mơ bol khai rơp lơh jơh ală bơta hơ̆ di bol mê, tài bơh bol khai ò git Bơtau neh sồr Añ lòt tus.

Rôma 12:12

Hòn chò tĕ tòm bơta gơn kơnòm, ơt ơl tĕ tòm bơta rung rài, kơ̆ nùs tĕ tòm bơta hòi dan.

Rôma 16:12

Dan còp să Triphena mơ Triphôsa, la cau kong bòl glar lơh broă tòm Yàng. Dan còp să Persis la cau kòñ gơboh añ jê, la cau neh kong oă bơta bòl glar lơh broă tòm Yàng.

Rôma 2:7

Cau lơi kơ̆ nùs lơh bơta niam, mơ jòi jat bơta gơklŏ, sền dờng màng mơ bơta ò ồm lề, gen Yàng Tom Trồ tơm wơl bol khai in bơta kis gam sùm sùm;

Rôma 8:25

Mơya dilah bol he gơn kơnòm bơta he òhềt gŏ, gen sồng bol he ai nùs ơt ơl mơ kơp gơn bơta hơ̆.

I Kôrintô 13:7

Bơta kòñ gơboh kong jơh ală bơta, dòn jơh ală bơta, gơn kơnòm jơh ală bơta, ơt ơl jơh ală bơta.

I Kôrintô 16:16

Añ dan ală oh mi kung dòn bơr ală cau behơ̆, mơ kòp nă cau kong bòl glar lơh broă bal mơ bol khai.

II Kôrintô 10:15

Bol hi ò jòng să rlau mơ sơnoa rnoas, hơ̆ la jòng să bơh bơta kong bòl glar lơh broă cau ndai dê; mơya kơp kòñ lah bơta dòn oh mi dê bơtơl tơngguh gen gơnoar broă bol hi dê kung rơp geh pò ơnàng rlau digùl oh mi, jat be gơnoar bol hi dê,

II Kôrintô 11:23

Bol khai la cau duh broă Bơtau Krist dê ơ? Ơi, añ đơs be cau tùl gơla añ gơs rlau! Añ neh kong bòl glar lơh broă oă rlau, ơm jàm oă rlau, kong pù lơh oă ngan. Oă dơ̆ añ mòr chơt;

II Kôrintô 4:1

Behơ̆, bơh bơta nđàc sơngit Yàng Tom Trồ dê neh ai bol he geh gơnoar broă do, gen tàng bol hi ò gơplơ̆ nùs;

II Kôrintô 4:16

Behơ̆ tàng bol he ò gơplơ̆ nùs, bulah cau đah bơdìh rhòi siar roh mơya cau đah dơlam kư̆ sơlo ngai sơlo tòmgơl pa.

II Kôrintô 5:9

Gen tàng, bulah bol he gam ơm hala lik klàs, kung jơh nùs lơh broă tồ niam nùs Kơnràñ.

II Kôrintô 6:5

pù ơlih, ơm jàm, sơlồng sơlàng, kong bòl glar lơh broă, ò geh bic, kong jơgloh;

Galati 6:2

Àñ tĕ ơnòng kơnjơ̆ bal mơ gơp, behơ̆ sồng oh mi lơh jat wil tơl bơta boh lam Bơtau Krist dê.

Galati 6:9

Bol he bañ ruc wơl tòm bơta lơh broă niam, bơh dilah bol he ò gơplơ̆ nùs, gen tus di tŭ tơngai bol he rơp toès.

Philip 2:16

be oh mi prap kơ̆ jơnau bơta kis, nàng tòm ngai Bơtau Krist dê gen añ geh jòng să bơh añ neh ntoat mơ kong bòl glar lơh broă ò di la ò kwơ.

Philip 4:3

Ơ bi la cau dòn song tui yô bal mơ añ, añ kung dan bi dong bàr nă cau ùr hơ̆, bơh bol khai neh kong bòl glar lơh broă bal mơ añ tòm Jơnau Niam; kung be Kleman mơ ală oh mi ndai lơh broă bal mơ añ; sơnđan mat ală cau hơ̆ Yàng Tom Trồ neh cih tòm sră bơta kis rau.

Kôlôse 1:11

Kơnòm di gơnap gơnoar gơklŏ Kơnràñ dê, tồ geh tơl bơta ơt ơl mơ kong jai bơta bòl glar dô bă hòn chò;

I Tesalônika 1:3

bơh di đap Yàng Tom Trồ la Bèp bol he dê, bol hi kah sùm bơh tơngai broă bơta dòn dê, bơta kong bòl glar lơh broă nùs kòñ gơboh dê, mơ ntào kơ̆ tòm bơta gơn kơnòm oh mi dê tòm Yàng Jesu Krist bol he dê.

I Tesalônika 2:9

Ơ oh mi, oh mi gam kah bơta kong lơh broă mơ bơta bòl glar bol hi dê; tòm tŭ bol hi bơto yal Jơnau Niam Yàng Tom Trồ dê oh mi in, gen kung lơh broă ngai mơ mang, tồ ò lơh pơnjê di dô nă cau lơi tòm oh mi.

I Tesalônika 5:12

Ơ oh mi, bol hi rac dan oh mi ki ngàm tĕ dê ală cau kong bòl glar lơh broă digùl oh mi, la cau lam bồ mơ bơto tơngkah oh mi tòm Yàng.

II Tesalônika 3:13

Ơ oh mi, oh mi bañ ruc wơl tòm bơta lơh broă niam.

II Tesalônika 3:5

Dan Yàng tề lam nùs oh mi dê tus hơ bơta kòñ gơboh Yàng Tom Trồ dê mơ bơta ơt ơl Bơtau Krist dê.

II Tesalônika 3:8

Kung ò tŭ lơi sa gòi phan cau lơi dê, mơya ngai mơ mang lơh broă bòl glar nàng ò lơh pơnjê di cau lơi tòm oh mi.

I Timôthe 4:10

Kung bơh hơ̆ mơ bol he kong bòl glar lơh broă mơ tòmlơh, bơh bol he neh ơn nùs gơn kơnòm di Yàng Tom Trồ gam kis sùm, la Yàng Dong Klàs jơh ală cau dê, sơnròp ngan la ală cau dòn dê.

I Timôthe 5:17

Ală cau kwang kra lam bồ dô bă niam gen cau pal ki ngàm oă rlau tai, lài ngan la ală cau kong bòl glar tòm broă bơto jơnau Yàng mơ bơto sồr.

Hebrơ 10:36

Bơh oh mi pal kong jai, nàng tus di tŭ neh lơh wil tơl nùs kòñ Yàng Tom Trồ dê rau, gen rơp dòp geh bơta neh ho pơgon.

Hebrơ 12:1

Behơ̆ gen, bơh bol he neh gơs oă cau lơh cơng gơrwàng gùt dar be dô puk mhwal dờng ngan, bol he kung pal sơrbì sang jơh ală bơta be phan àñ kơnjơ̆ bal mơ tồi glài gơđềt di he, pal kơ̆ cê ntoat jat bơta ntoat pơrlòng neh ràng tơlik di đap bol he;

Hebrơ 13:13

Behơ̆ gen, bol he lik lòt tĕ tus hơ Kơnràñ hơ bơdìh sàl mpồl jơnum dê, nàng kong bơta bơtat bơtròh bal mơ Kơnràñ.

Hebrơ 6:10

Bơh Yàng Tom Trồ ò di la ò song ring mơ hŭi ală broă mơ bơta kòñ gơboh oh mi neh yal tơlik bơh sơnđan Kơnràñ, tòm tŭ neh duh broă ală cau sàng goh in mơ kung gam duh broă tai sơl.

Hebrơ 6:12

tồ oh mi in ò lơh alah, mơya oh mi đòm jat ală cau gơs bơta dòn mơ bơta ơt ơl nàng pơrdòn jơnau ho pơgon.

Hebrơ 6:15

Behơ̆, Abraham neh kong ơt kơp gơn jŏ jòng, gen tàng khai dòp geh jơnau Yàng Tom Trồ neh ho pơgon.

II Pier 1:6

bơtơl bơta git kơrhia hơđang bơta git jak, bơtơl bơta ơt ơl hơđang bơta git kơrhia, bơtơl bơta duh rngòt hơđang bơta ơt ơl,

Yal Tơlik 1:9

Añ la Jang, la bi oh mi dê, gơs pơnah bal mơ oh mi tòm bơta rung rài, lơgar Yàng Tom Trồ, mơ tòm bơta kong ơt tòm Yàng Jesu. Añ neh ơm tòm bồt pơlào sơnđan la Patmôs, tài bơh jơnau Yàng Tom Trồ mơ jơnau lơh cơng bơh Yàng Jesu.

Yal Tơlik 3:10

Tài bơh mê neh prap gar jơnau Añ jê mơ ntào kơ̆, gen Añ kung rơp sền gàr mê tòm jơ gơlòng bòl glar, la jơ rơp gơlik tus làm jơh dunnia nàng lòng ală cau ơm tòm plai ù.