Yal Tơlik 15:3 - Sră Goh 2018

³ Bol khai đơs chò bơta đơs chò Môise dê, la dĭ gơna Yàng Tom Trồ dê, mơ bơta đơs chò Belàt Kòn dê, mơ lah: “Ơ Yàng la Yàng Tom Trồ, Bơtau Gơnoar Dờng lam Jơh, Ală broă Kơnràñ dê la dờng ngan mơ krơi is ngan! Ơ Bơtau ală rài dê, ală gùng dà Kơnràñ dê la song ring mơ song ngan!

Yal Tơlik 15:3 Mawu Ofanana

Đơs Crih 111:2

Ală broă Yàng Jehôwa dê la dờng ngan, Bơtê jat tĕ bơh jơh ală cau kòñ gơboh bơta hơ̆.

Đơs Crih 139:14

Añ jòng ro Yàng, bơh añ neh geh crơng gơs dô bă pal rngòt mơ crih crài ngan. Crih crài ngan ală broă lơh Kơnràñ dê, añ git loh ngan.

Đơs Crih 145:17

Yàng Jehôwa la song ring tòm jơh ală gùng dà Kơnràñ dê, Mơ gơs bơta kơ̆ dơn tòm jơh ală broă lơh Kơnràñ dê.

Hebrơ 3:5

Môise ngan neh dòn song tòm jơh hìu Yàng Tom Trồ dê be dô nă cau dĭ gơna, nàng lơh cơng bơh ală bơta rơp đơs bơh tơnơ̆.

Esai 33:22

Bơh Yàng Jehôwa la Bơtau cahrña bol he dê, Yàng Jehôwa la Bơtau bol he, Yàng Jehôwa la Bơtau at bồ bol he dê; Kơnràñ rơp dong klàs bol he!

Sră Ôse 14:9

Ñcau la cau jak chài rơp đal git ală bơta do? Ñcau git kơlôi sơnơng rơp wă wơng ală bơta hơ̆? Bơh ală gùng dà Yàng Jehôwa dê la song ngan; mơ ală cau song ring rơp cơnđòa lòt tòm hơ̆, mơya ală cau tồi glài gen gơplơ̆ gơpừ tòm hơ̆.

Sacari 9:9

Ơ kòn ùr Siôn, hòn chò hừh hơh tĕ! Ơ kòn ùr Jerusalem, driau dờng tĕ! Ne, Bơtau ai dê tus mơ ai, Kơnràñ la Bơtau pha lin mơ ai bơta pha lin rlau, pơndêt să mơ hào hơđang dô nơm alàng, dô nơm alàng kòn, kòn alàng me dê.

Jang 1:17

Bơh bơta boh lam geh ai bơh Môise, ai bơta nđàc mơ jơnau song tus bơh Yàng Jesu Krist.

Đơs Crih 100:5

Bơh Yàng Jehôwa la niam; bơta kòñ gơboh kơ̆ dơn Kơnràñ dê gam gơs sùm sùm, Mơ bơta dòn song Kơnràñ dê gam jơl jơh ală rài.

Sơnròp Gơlik Gơs 17:1

Tòm tŭ Abram neh tơl sin jơt sin nam, gen Yàng Jehôwa tơlik mat mơ khai mơ đơs lah: “Añ la Yàng Tom Trồ Gơnap Gơnoar Làm Jơh, mê lòt tĕ di đap Añ mơ lơh gơs dô nă cau wil tơl.

Yal Tơlik 19:2

Bơh ală bơta cahrña Kơnràñ dê la song ngan mơ song ring; Kơnràñ neh lơh nền glài cau ùr dri tơlàr dờng, la cau neh ai bơta rềs àr bơrnàn khai dê nàng lơh ồm lề plai ù, mơ Kơnràñ neh sal tê di khai bơh mhàm ală dĭ gơna Kơnràñ dê.”

Yal Tơlik 14:3

Bol khai đơs chò dô bơta đơs chò pa di đap sơbàn, di đap poan nơm phan wìn kis mơ ală cau kwang kra. Ò gơs cau lơi rgơi bơtê bơta đơs chò hơ̆, mìng dô rhiang poan jơt poan rbô nă cau git lơm, hơ̆ la cau neh geh tơwài klàs bơh dunnia.

Yal Wơl 31:30

Gen Môise đơs ală jơnau bơta đơs chò do, bơh sơnròp tus di lồi jơh mpồl jơnum Israel in ơm iat:

Yal Tơlik 17:14

Bol khai rơp tòmlơh mơ Belàt Kòn. Belàt Kòn rơp geh pha lin rlau, bơh Kơnràñ la Yàng ală yàng dê, Bơtau ală bơtau dê; mơ ală cau ơm bal mơ Kơnràñ la ală cau geh hòi sac, sac rwah mơ dòn song.”

Yal Tơlik 11:17

mơ đơs lah: “Ơ Yàng la Yàng Tom Trồ, bơtau Gơnoar Dờng Làm Jơh, Kơnràñ Gam Gơs mơ Neh Gơs, bol hi ưnngài Kơnràñ, tài bơh Kơnràñ neh ai gơnap gơnoar dờng Kơnràñ dê mơ neh sơntòm at bồ.

Yal Tơlik 4:8

Poan nơm phan wìn kis hơ̆, kòp nơm gơs prau nơm đar, đah dơlam mơ đah bơdìh ală đar hơ̆ gơs bềng gar mat; ngai mơ mang bol gơ đơs sùm ò dơh lah: “Sàng goh, sàng goh, sàng goh Yàng la Yàng Tom Trồ, Bơtau Gơnap Gơnoar Dờng Làm Jơh, la Bơtau Neh Gơs, Gam Gơs mơ Rơp Tus.”

Daniel 6:20

Tòm tŭ bơtau tus rềp di wàng klìu, khai ai sap moat jrùng ngan mơ hòi Daniel lah: “Ơ Daniel, cau duh broă Yàng Tom Trồ gam kis sùm sùm dê, Yàng Tom Trồ mơ mê òs duh broă sùm rgơi dong tă mê bơh di klìu triă sơl?”

Esai 45:21

Yal tơnggit tĕ, ràng tơlik tĕ gơ, lòi bol khai tòmbơyai bal. Ñcau neh yal bơta do bơh lài òr taih? Ñcau neh yal tơnggit gơ bơh tŭ neh jŏ jòng taih? Ò di Añ, la Yàng Jehôwa ò ơ? Rlau mơ Añ ò gơs Yàng Tom Trồ lơi ndai tai! Ò gơs Yàng Tom Trồ song ring mơ Yàng Dong Klàs; rlau mơ mìng dô nă Añ.

Đơs Crih 145:6

Cau rơp yal tơlik gơnoar pràn bơh ală broă pal rngòt rngơt Yàng dê, Ai añ gen rơp yal bơh ală bơta dờng ngan Kơnràñ dê.

Đơs Crih 99:4

Ơ Bơtau at bồ gơs gơnap gơnoar, la Bơtau kòñ gơboh di bơta song ngan, Kơnràñ neh bơtào kơ̆ bơta ring bal; Kơnràñ neh lơh jat bơta song ngan mơ bơta song ring tòm Jakôp.

Yal Tơlik 19:16

Hơđang ào mơ di bơnô Kơnràñ dê gơs cih dô sơnđan lah: BƠTAU ALĂ BƠTAU DÊ MƠ YÀNG ALĂ YÀNG DÊ.

Sôphôni 3:5

Yàng Jehôwa ơm digùl gơ la song ring, Kơnràñ ò lơh bơta lơi tìs. Kòp àng drim Kơnràñ cahrña song ring Kơnràñ dê, kòp rìng àng kư̆ dòn song, mơya cau ò song ring ò git ƀàssìl.

Mice 7:20

Kơnràñ rơp yal tơlik bơta dòn song mơ Jakôp, mơ yal tơlik bơta song ngan mơ Abraham, jat be Kơnràñ neh ho pơgon mơ ồng pàng bol he dê, bơh tòm ală ngai yau òr.

Đơs Crih 105:5

Ơ jơi bơtiàn Abraham dê, la cau duh broă Kơnràñ dê, Ơ kòn sau Jakôp dê la cau Kơnràñ sac rwah,

Đơs Crih 78:12

Tòm lơgar Ejiptơ mơ tòm ƀlàng Joan, Kơnràñ lơh ală bơta krơi di đap ồng pàng bol khai dê.

Sră Jop 5:9

Kơnràñ lơh ală broă dờng ò rgơi jòi bàn, Lơh ală bơta crih crài ò rgơi kòp.

II Yal Yau 24:6

Gen tàng bơtau hòi Jehôyada mơ đơs mơ khai lah: “Ñchi bơh tài ồng ò sồr cau Lebi cèng bơh di Juda mơ Jerusalem jền dap dia neh lơh nền bơh Môise cau duh broă Yàng Jehôwa dê mơ bơh mpồl jơnum Israel dê pal ơn sàl bơta ho bal in taih?”

I Yal Yau 6:49

Mơya Arôn mơ ală kòn sau khai dê la ală cau ơn ală phan ơn hơđang cơnòng ơn phan duh khoai chu pơrguc, mơ hơđang cơnòng chu kơlhô bal mơ jơh ală broă ndai neh lơh tòm Tiah Sàng Goh Ngan, ơn phan tơwài glài Israel in, jat be jơh ală bơta mơ Môise cau duh broă Yàng Tom Trồ dê neh sồr.

Yal Tơlik 14:8

Cau gơnrơh dơ̆ bàr lòt jat mơ đơs lah: “Babilôn dờng ne neh tơrlah rau, tơrlah rau, gơ neh lơh jơh ală làng bol in ñô tơrnòm bơta rềs àr bơrnàn gơ dê.”

Daniel 9:11

Jơh tơl nă cau Israel neh lơh tìs mơ bơta boh lam Kơnràñ dê mơ dô pleh, nàng ò dòn bơr Kơnràñ. Behơ̆, bơta srat sơntơm, mơ bơta lơh glài neh cih tòm bơta boh lam Môise la cau duh broă Yàng Tom Trồ dê, neh tuh hơđang bol hi, tài bơh bol hi neh tìs glài tòmdră mơ Kơnràñ.

Nehemi 9:14

Kơnràñ neh yal bol khai in git ngai rlô sàng goh Kơnràñ dê, ai bol khai in ală bơta gơnoar sồr, bơta lơh nền mơ bơta boh lam. Gan di Môise cau duh broă Kơnràñ.

Yal Wơl 34:5

Mơ Môise, cau duh broă Yàng Jehôwa dê chơt tềng hơ̆ tòm Môap, tòm toh jat be Yàng Jehôwa neh đơs.

Yal Wơl 32:3

Añ rơp bơto yal sơnđan Yàng Jehôwa dê, bơta dờng ryŭ gơrê hơ Yàng Tom Trồ bol he dê!

Jôsue 22:5

Mơya kơrhia tĕ prap gàr bơta sồr lam mơ bơta boh lam mơ Môise, cau duh broă Yàng Jehôwa dê, neh ai bol mê in, kòñ gơboh Jehôwa Yàng Tom Trồ bol mê dê, lòt tòm jơh ală gùng dà Kơnràñ dê, dòn bơr lơh jat jơh ală jơnau gơnoar sồr Kơnràñ dê, đềt mềr mơ Kơnràñ mơ jơh nùs jơh hwềng soàn duh broă Kơnràñ.”

Sră Jop 36:24

Kah tĕ jòng ro ală broă Kơnràñ dê, Mơ bơh bơta hơ̆ kòn mơnus neh đơs chò.

Đơs Crih 18:30

Ai Yàng Tom Trồ, gùng dà Kơnràñ dê la wil tơl; Jơnau ho pơgon Yàng Jehôwa dê neh geh lòng la song ngan; Kơnràñ la khèl đo jơh ală cau lơi in kìng crŭ să he tòm Kơnràñ.

Đơs Crih 92:5

Ơ Yàng Jehôwa, ală broă lơh Kơnràñ dê la dờng ngan ò git lơh! Ală bơta kơlôi sơnơng Kơnràñ dê la jrô ndơp ngan!

Đơs Crih 111:7

Ală broă bơh tê Kơnràñ lơh la dòn song mơ song ring; Ală bơta sồr lam Kơnràñ dê la pal dòn kơnòm.

I Timôthe 1:17

Dan Bơtau gam sùm sùm, ò tŭ lơi chơt, he ò rgơi gŏ, hơ̆ la Yàng Tom Trồ mìng dô nă lơm, geh bơta màng ryŭ, gơklŏ sùm sùm ò lồi. Amen.

Yal Tơlik 1:8

Yàng la Yàng Tom Trồ, Bơtau Gam Gơs, Neh Gơs mơ Rơp Tus, la Bơtau Gơnoar Dờng Làm Jơh đơs lah: “Añ la Alpha mơ Ômega.”