Yal Tơlik 10:3 - Sră Goh 2018

³ Khai hòi driau dờng be dô nơm klìu triă ơluh ơhùm, dơ̆ khai hòi driau gen poh nơm kơnàs ntơr.

Yal Tơlik 10:3 Mawu Ofanana

Đơs Crih 29:3

Sap đơs Yàng Jehôwa dê gơs hơđang ală dà; Yàng Tom Trồ bơta gơklŏ dê lơh gơs ntơr kơnàs, Yàng Jehôwa gơs hơđang ală dà dờng.

Jơnau Pơnđik 19:12

Bơtau gơhào khuh ò gơkrơi be klìu triă ơluh ơhùm; ai bơta nđàc khai be dà tŭ dùh hơđang ƀlàng ñhơt.

Esai 31:4

Yàng Jehôwa neh đơs mơ añ be do: “Kung be dô nơm klìu triă hala dô nơm kòn klìu triă ơluh ơhùm tòm tŭ kup geh phan sa, bulah dô mpồl cau ê belàt pơjum bal nàng tòmdră mơ gơ, gơ ò rngòt bơh jơnau driau dờng bol khai dê, hala bơta pơhìn bơta lơh nggồr nggàc bol khai dê. Behơ̆ Yàng Jehôwa Gơnap Gơnoar Dờng rơp mù nàng tòmlơh hơđang mơnơm Siôn mơ hơđang ală dòr gơ dê.

Esai 42:13

Yàng Jehôwa rơp lik lòt hơđap be cau ling pràn kơldang, be dô nă cau ling jak chồl bơtrut nùs ngac ngar Kơnràñ dê, Kơnràñ driau dờng tòmlơh; mơ rơp pha lin rlau mơ ală cau sò tơm Kơnràñ dê.

Esai 5:29

Bol khai ơluh ơhùm be klìu triă, bol khai ơluh ơhùm kung be klìu triă brồ dam, bol khai ơluh ơhùm tòm tŭ kup geh phan mòc mơ cèng lòt, ò gơs dô nă cau lơi rgơi dong tă.

Jeremi 25:30

“Gen tàng mê ai tĕ ală jơnau do đơs hwơr tòmdră mơ bol khai, mơ đơs lah: ‘Yàng Jehôwa rơp rơnđơh bơh hơđang; Bơh tiah ơm sàng goh Kơnràñ tơlik sap đơs; Kơnràñ rơp rơnđơh pràn ngan tòmdră mơ mpồl belàt; Ai jơnau driau kung be ală cau pat plai ño, Tòmdră mơ jơh ală làng bol tòm plai ù.

Ejekiel 10:5

Ntas ală pơnđar ceruƀim dê geh kơno mpong tus di rơng hìu đah bơdìh, gơlơh kung be sap Yàng Tom Trồ Gơnap Gơnoar Dờng dê tòm tŭ Kơnràñ đơs.

Sră Ôse 11:10

Bol khai rơp lòt jat Yàng Jehôwa, Kơnràñ rơp ơluh ơhùm be klìu triă: tòm tŭ Kơnràñ ơluh, ală kòn sau Kơnràñ dê rơp bơh đah mattơngai mut rơm să rngòt mơ tus.

Jôel 3:16

Yàng Jehôwa rơp ơluh ơhùm bơh Siôn; mơ lơh gơlik ntas sap Kơnràñ dê bơh Jerusalem; plai ù mơ ală tap trồ gơlơnggơr. Mơya Yàng Jehôwa la tiah kìng crŭ làng bol Kơnràñ dê, la theng kơ̆ cê làng bol Israel in.

Amôs 1:2

Khai đơs lah: “Yàng Jehôwa ơluh bơh di Siôn. Kơnràñ lơh nggồr ntas bơh Jerusalem. Ală ƀlàng ñhơt cau ê belàt dê rơp ro rañ, bồ mơnơm Karmel rơp ñòp ro.”

Amôs 3:8

Tòm tŭ klìu triă ơluh ơhùm gen ñcau rơp ò rngòt taih? Tòm tŭ Jehôwa Yàng Tom Trồ neh đơs gen ñcau rgơi ò đơs hwơr taih?

Yal Tơlik 14:2

Añ kơno bơh đang trồ dô jơnau ntas be ntas oă dà nggồr, be ntơr kơnàs dờng; jơnau añ kơno hơ̆ gơlơh be jơnau kơñi mơ cau ơm pĕ.

Yal Tơlik 15:1

Gen añ neh gŏ dô nơm tềl is tai hơđang trồ, tềl is hơ̆ dờng mơ krơi is, hơ̆ la poh nă cau gơnrơh at poh bơta rung rài lồi dut; mơ bơh ală bơta rung rài hơ̆ gen sồng bơta gơjrañ dờng Yàng Tom Trồ dê ò gam tai.

Yal Tơlik 15:7

Dô nơm tòm poan nơm phan wìn kis tong poh nă cau gơnrơh in poh nơm mơngàn mơ màh ơn bềng bơta gơjrañ dờng Yàng Tom Trồ dê, la Bơtau kis sùm sùm ò lồi.

Yal Tơlik 4:5

Bơh dê sơbàn hơ̆ gơlik ală puhlèp, jơnau ntas mơ ntơr kơnàs; mơ di đap sơbàn gơs poh nơm sơmpòl ồs, hơ̆ la poh Hwềng Yàng Tom Trồ dê.

Yal Tơlik 8:5

Cau gơnrơh ai gri kơlhô, ai ồs bơh cơnòng duh khoai mơ ơn bềng tòm hơ̆, mơ sơrbì gơtòm ù; gen gơs ală ntơr kơnàs, jơnau ntas dờng, puhlèp mơ lơnggơr ù.