Yal Tơlik 1:4 - Sră Goh 2018

⁴ Jang pơyoa poh nơm Hìu Jum Goh in tòm kơnhwàl Asia: Dan oh mi in geh bơta nđàc mơ bơta lơngap lơngai tus bơh Bơtau Gam Gơs, Neh Gơs mơ Rơp Tus; mơ bơh poh Hwềng ơm di đap sơbàn Kơnràñ dê,

Yal Tơlik 1:4 Mawu Ofanana

Đơs Crih 90:2

Lài mơ tŭ ală mơnơm òhềt gơs, Mơ Kơnràñ òhềt crơng gơs ù mơ lơgar dunnia, Bơh sơnròp jơl sùm sùm Yàng la Yàng Tom Trồ.

Lik Ejiptơ 3:14

Yàng Tom Trồ đơs mơ Môise lah: “AÑ LA BƠTAU GƠS IS GAM GƠS SÙM SÙM.” Kơnràñ đơs tai lah: “Yal tĕ làng bol Israel in be do: ‘BƠTAU GƠS IS neh sồr añ lòt tus hơ bol mê.’”

Esai 11:2

Hwềng Yàng Jehôwa dê rơp ơm hơđang Kơnràñ, hơ̆ la Hwềng jak chài mơ git jak, Hwềng jak bơyai mơ gơnoar pràn, Hwềng git wă mơ duh rngòt di Yàng Jehôwa.

Esai 41:4

Ñcau neh lơh gơs mơ lơh sir ală bơta do, hòi ală rài bơh tŭ sơnròp taih? Añ, la Yàng Jehôwa, Añ Bơtau Sơnròp mơ Lồi Dut.

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Mice 5:2

Mơya mê, ơ Betlehem Ephrata, mê la dềt tòm mpồl hìu nhă Juda dê, mơya bơh di mê rơp tơnggơs añ in dô bơtau at bồ Israel, tòm ryas Kơnràñ dê la bơh tòm rài yau, bơh ală tŭ tơngai rài yau òr.

Sacari 3:9

Bơh hơđang pơnai lŭ mơ Añ neh ơn di đap Jôsua, hơđang dô nơm lŭ hơ̆ gơs poh nơm gar mat, mơ Añ rơp pac jơnau hơđang gơ, mơ Añ rơp tă tơlik bơta tồi glài bơh di lơgar do tòm dô ngai,” Yàng Jehôwa Gơnap Gơnoar Dờng Làm Jơh đơs behơ̆.

Sacari 4:10

Ñcau sền òsơp di ngai ală bơta dềt rhền taih? Cau rơp chò hòp sền gŏ che rnoas bơt hìu tòm tê Jerubabel. Poh nơm ồs đèng la gar mat Yàng Jehôwa sền sơwì làm jơh plai ù.”

Sacari 6:5

Cau gơnrơh ho wơl mơ añ lah: “Hơ̆ la poan nơm hwềng hơđang trồ dê, lik bơh di tiah bol gơ ơm ntào di đap mat Yàng jơh ală trồ tiah dê.

Jang 1:1

Bơh sơnròp gơs Bơtau Jơnau, Bơtau Jơnau ơm mơ Yàng Tom Trồ, mơ Bơtau Jơnau la Yàng Tom Trồ.

Broă 19:10

Broă hơ̆ lơh sùm tòm bàr nam, tian gơs jơh tơl nă cau Juda mơ cau Grek ơm tòm lơgar Asi làm kơno jơnau Yàng dê.

Broă 2:9

Cau Pathe, Medi, Elamit, cau ơm tòm Mesôpôtami, Jude, Kapadôs, Pontus, Asi,

Rôma 1:7

Behơ̆, añ pơyoa jơh tơl nă cau kòñ gơboh Yàng Tom Trồ dê tòm ƀòn Rôma, neh geh hòi sac nàng gơlik gơs cau ơn is Kơnràñ dê. Dan Yàng Tom Trồ la Bèp bol he dê mơ bơh Yàng Jesu Krist ai bơta nđàc mơ bơta lơngap lơngai oh mi in.

I Kôrintô 1:3

Dan oh mi in geh bơta nđàc mơ bơta lơngap lơngai bơh Yàng Tom Trồ la Bèp bol he dê mơ bơh Yàng Jesu Krist.

II Kôrintô 1:2

Dan oh mi in geh bơta nđàc mơ bơta lơngap lơngai bơh Yàng Tom Trồ la Bèp bol he dê, mơ bơh Yàng Jesu Krist.

Hebrơ 13:8

Yàng Jesu Krist ngai òr, ngai do mơ jơl tus sùm sùm ò tŭ lơi tòmgơl.

Jakơ 1:17

Jơh ală bơta nđàc niam mơ bơta ai gòi wil tơl tus bơh đang jòng, gơ mù bơh di Yàng bèp la bơta àng; tòm Kơnràñ ò gơs bơta tòmgơl, kung ò gơs mƀur bơta pơrlac lơi ò.

Yal Tơlik 1:1

Bơta yal tơlik jơnau ndơp Yàng Jesu Krist dê, mơ Yàng Tom Trồ neh ai Kơnràñ in nàng yal tơlik ală dĭ gơna Kơnràñ in ală bơta rơp gơlik tus gòñ. Kơnràñ neh sồr cau gơnrơh Kơnràñ dê lòt tus yal tơlik ală bơta hơ̆ Jang in la dĭ gơna Kơnràñ dê,

Yal Tơlik 1:11

“Cih tĕ bơta mê gŏ tòm dô dap sră mơ pơyoa poh nơm Hìu Jum Goh in: Hìu Jum Goh Ephesô, Simirnơ, Pergam, Thiatirơ, Sardis, Philadelphi, mơ Laodise.”

Yal Tơlik 1:17

Dơ̆ añ gŏ Kơnràñ, añ gơcup blup di jơng Kơnràñ be cau chơt. Mơya Kơnràñ ai tê ma ƀư di să añ, mơ đơs lah: “Bañ rngòt, Añ la Bơtau Sơnròp mơ Bơtau Lồi Dut,

Yal Tơlik 1:20

Ai bơta ndơp ndơr bơh poh nơm sơmañ mơ mê neh gŏ tòm tê ma Añ, mơ bơh poh nơm jơng ồs đèng mơ màh, gen poh nơm sơmañ la ală cau gơnrơh poh nơm Hìu Jum Goh dê, mơ poh nơm jơng ồs đèng la poh nơm Hìu Jum Goh.”

Yal Tơlik 1:8

Yàng la Yàng Tom Trồ, Bơtau Gam Gơs, Neh Gơs mơ Rơp Tus, la Bơtau Gơnoar Dờng Làm Jơh đơs lah: “Añ la Alpha mơ Ômega.”

Yal Tơlik 1:9

Añ la Jang, la bi oh mi dê, gơs pơnah bal mơ oh mi tòm bơta rung rài, lơgar Yàng Tom Trồ, mơ tòm bơta kong ơt tòm Yàng Jesu. Añ neh ơm tòm bồt pơlào sơnđan la Patmôs, tài bơh jơnau Yàng Tom Trồ mơ jơnau lơh cơng bơh Yàng Jesu.

Yal Tơlik 16:5

Añ kơno cau gơnrơh gơs gơnoar hơđang ală dà đơs lah: “Ơ Bơtau gam gơs mơ neh gơs, la Bơtau sàng goh, Kơnràñ la song ring tài bơh Kơnràñ neh cahrña be do.

Yal Tơlik 2:12

“Cih tĕ cau gơnrơh Hìu Jum Goh Pergam in lah: Do la ală jơnau đơs Bơtau gơs đào sồt bàr đah mat:

Yal Tơlik 2:18

“Cih tĕ cau gơnrơh Hìu Jum Goh Thiatirơ in lah: Do la ală jơnau đơs Kòn Yàng Tom Trồ dê, la Bơtau gơs gar mat be lơmpiat ồs, mơ jơng Kơnràñ gơlơh be kòng àng goh:

Yal Tơlik 2:8

“Cih tĕ cau gơnrơh Hìu Jum Goh Simirnơ in lah: Do la ală jơnau đơs Bơtau sơnròp mơ Bơtau lồi dut, Bơtau neh chơt mơ neh kis wơl:

Yal Tơlik 22:16

“Añ la Jesu neh sồr cau gơnrơh añ jê lòt tus hơ bol mê nàng cèng jơnau lơh cơng do ală Hìu Jum Goh in sơl. Añ la tòm ryas mơ la kòn sau Dabit dê, la sơmañ bìng gơcrà àng drim.”

Yal Tơlik 22:8

Să tòm añ la Jang neh gŏ mơ kơno ală bơta hơ̆. Dơ̆ neh kơno mơ gŏ rau, añ tơmbic să di jơng nàng duh khoai cau gơnrơh neh yal ală bơta do añ in.

Yal Tơlik 3:1

“Cih tĕ cau gơnrơh Hìu Jum Goh Sardis in lah: Do la ală jơnau đơs Bơtau gơs poh Hwềng Yàng Tom Trồ dê mơ poh nơm sơmañ: ‘Añ git ală broă mê dê, mê gơs sơnđan la kis mơya la chơt.

Yal Tơlik 3:14

“Cih tĕ cau gơnrơh Hìu Jum Goh Laodise in lah: Do la ală jơnau đơs Bơtau Amen dê, la Bơtau lơh cơng dòn song mơ song ngan, la tòm ryas bơta crơng gơs Yàng Tom Trồ dê:

Yal Tơlik 3:7

“Cih tĕ cau gơnrơh Hìu Jum Goh Philadelphi in lah: Do la ală jơnau đơs Bơtau sàng goh dê, Bơtau song ngan, la Bơtau gơs kai mpồng Dabit dê, la Bơtau pò gen ò gơs cau lơi rgơi til, til gen ò gơs cau lơi rgơi pò:

Yal Tơlik 4:5

Bơh dê sơbàn hơ̆ gơlik ală puhlèp, jơnau ntas mơ ntơr kơnàs; mơ di đap sơbàn gơs poh nơm sơmpòl ồs, hơ̆ la poh Hwềng Yàng Tom Trồ dê.

Yal Tơlik 4:8

Poan nơm phan wìn kis hơ̆, kòp nơm gơs prau nơm đar, đah dơlam mơ đah bơdìh ală đar hơ̆ gơs bềng gar mat; ngai mơ mang bol gơ đơs sùm ò dơh lah: “Sàng goh, sàng goh, sàng goh Yàng la Yàng Tom Trồ, Bơtau Gơnap Gơnoar Dờng Làm Jơh, la Bơtau Neh Gơs, Gam Gơs mơ Rơp Tus.”

Yal Tơlik 5:6

Digùl sơbàn mơ poan nơm phan wìn kis, mơ digùl ală cau kwang kra, añ gŏ dô nơm Belàt Kòn ntào gơlơh be neh kong sreh chơt, gơs poh nơm ngke mơ poh nơm gar mat, la poh Hwềng Yàng Tom Trồ dê kong sồr lòt tus làm jơh plai ù.

Yal Tơlik 8:2

Gen añ gŏ poh nă cau gơnrơh ntào di đap Yàng Tom Trồ, mơ neh ai bol khai in poh nơm kơlwòk.