Sră Pơyoa Pol Dê Pơyoa Tit In 3:9 - Sră Goh 2018

⁹ Mơya pal pleh di ală bơta tòm pơndang tùl gơla, ală jơnau jòi yau jat jơi, ală bơta pơndang mơ tòm pơndang bal bơh bơta boh lam, bơh ală bơta hơ̆ la ò kwơ mơ roh lơm.

Sră Pơyoa Pol Dê Pơyoa Tit In 3:9 Mawu Ofanana

Sră Jop 15:3

Khai rơp ai jơnau tò să ò kwơ, Hala tòm ală jơnau mơ bol khai rgơi lơh bơta ò niam sơl?

I Kôrintô 13:2

Bulah añ geh bơta ai gòi đơs hwơr mơ git jơh ală bơta ndơp ndơr mơ jơh ală bơta git jak, bulah añ gơs bơta dòn dờng tian gơs sồr mơnơm ntruñ kung di sơl, mơ dilah ò gơs bơta kòñ gơboh gen añ gơlik ò kwơ.

I Kôrintô 8:1

Gơwèt hơ phan ơn duh khoai rùp ràk, ngan behơ̆ be cau òs đơs: “kòp nă bol he gơs bơta git jak.” Bơta git jak lơh he in jòng is să he, ai bơta kòñ gơboh gen bơt bơtào.

I Timôthe 4:7

Sang tĕ ală jơnau gơlềng gơlàng jat dunnia mơ jơnau bơceh is ală mò kra dê, mơya bơtê is tĕ bơh bơta duh rngòt.

II Timôthe 2:14

Hơ̆ la bơta mê pal tơngkah bol khai in mơ bơto kràñ cê bol khai in di đap Yàng lah bañ tòm pơndang bơh jơnau đơs, bơh bơta hơ̆ la ò kwơ, mìng gơlơh iơh di cau iat.

II Timôthe 2:16

Mơya pal pleh tĕ di ală jơnau gơlềng gơlàng ƀơ̆ ƀơl jat dunnia, bơh ală cau đơs jơnau hơ̆ sơlo gơtơntìs tai tòm bơta ò duh rngòt,

II Timôthe 2:23

Tòmdră tĕ mơ ală jơnau tòm pơndang bơrngơl gơla ò kwơ bơh git lah ală bơta hơ̆ mìng gơlik gơs bơta tòmpìt tòmhà lơm.

Sră Pơyoa Pol Dê Pơyoa Tit In 1:14

ò di iat jơnau gơlềng gơlàng cau Juda dê, mơ bơta sồr lam kòn mơnus la cau pơrlac sang jơnau song.

Jakơ 4:1

Mbơh tus ală bơta kơlìn mơ bơta tòmlơh tòm oh mi taih? Hơ̆ ò di la bơh nùs hàm kòñ is òs tòmlơh tòm ală pơnah să jan oh mi dê ò ơ?