Sră Pơyoa Pol Dê Pơyoa Tit In 3:7 - Sră Goh 2018

⁷ tồ bol he in kơnòm di bơta nđàc Kơnràñ dê mơ geh kòp la song ring, bol he gơlik gơs cau pơrdòn mơ gơn kơnòm bơta kis gam sùm sùm.

Sră Pơyoa Pol Dê Pơyoa Tit In 3:7 Mawu Ofanana

Mathiơ 25:34

Tŭ hơ̆ Bơtau rơp đơs mơ ală cau ơm đah ma lah: ‘Ơ ală cau geh lơngai bơh di Bèp añ jê, tus tĕ pơrdòn lơgar neh rcang sir bol mê in bơh tŭ crơng gơs trồ tiah.

Jơnau Niam Jat Mak 10:17

Dơ̆ Yàng Jesu sơntòm lik lòt, gơs dô nă cau ntoat tus, cùn gơltang di đap Kơnràñ mơ đơs lah: “Ơ Cau Bơto lơbơn niam, ñchi bơta añ pal lơh nàng geh pơrdòn bơta kis gam sùm sùm taih?”

Rôma 11:6

Mơya dilah bơh bơta nđàc gen ò di bơh broă lơh tai; dilah ò behơ̆ gen bơta nđàc ò tai la bơta nđàc.

Rôma 3:24

mơ bol khai kơnòm di bơta nđàc ai gòi Yàng Tom Trồ dê, bơh bơta tơwài glài tòm Yàng Krist Jesu, tàng geh kòp la song ring.

Rôma 3:28

Bơh bol he dòn lah cau geh kòp la song ring bơh bơta dòn, ò di bơh broă lơh jat bơta boh lam,

Rôma 4:16

Behơ̆ tàng, bơh bơta dòn mơ jơnau ho pơgon bơh bơta nđàc, geh kơ̆ nền jơh jơi bơtiàn Abraham in, ò di ai mìng jơi bơtiàn ơm hơđơm gơnoar bơta boh lam lơm, mơ kung ai jơi bơtiàn gơs bơta dòn Abraham in sơl, la ồng pàng đah hwềng jơh ală bol he dê,

Rôma 4:4

Gơwèt hơ cau lơh broă, gen jền tơngai ò kòp la phan ai gòi, mơya kòp la dồs,

Rôma 8:17

Dilah bol he la kòn sau, gen kung la cau pơrdòn: Cau pơrdòn Yàng Tom Trồ dê mơ la cau pơrdòn bal mơ Bơtau Krist sơl, mìng la bol he kong jê sồt bal mơ Kơnràñ, tồ kung geh bơta gơklŏ bal mơ Kơnràñ sơl.

I Kôrintô 6:11

Mơ tòm oh mi neh gơs cau behơ̆ sơl. Mơya tòm sơnđan Yàng Jesu Krist mơ Hwềng Yàng Tom Trồ bol he dê, gen oh mi neh geh rào goh bơh tồi glài, mơ oh mi neh geh ơn Yàng Tom Trồ in, mơ neh geh kòp la song ring hơ Yàng Tom Trồ.

Galati 2:16

Bulah behơ̆, bol hi kung neh git lah cau geh kòp la song ring, ò di bơh ală broă jat bơta boh lam dê, mơya kơnòm di bơta dòn tòm Yàng Jesu Krist, gen tàng să tòm bol hi neh dòn tòm Krist Jesu, nàng geh kòp la song ring bơh bơta dòn tòm Bơtau Krist, ò di bơh ală broă bơta boh lam dê, bơh ò gơs cau lơi geh kòp la song ring bơh ală broă bơta boh lam dê.

Galati 3:29

Dilah oh mi neh bal mơ Bơtau Krist, gen oh mi la jơi bơtiàn Abraham dê, hơ̆ la cau pơrdòn jat jơnau ho pơgon Yàng Tom Trồ dê.

Galati 4:7

Behơ̆ gen mê ò di la dĭ gơna tai, mơya la kòn klau kòn ùr, gen kung la cau pơrdòn bơh Yàng Tom Trồ sơl.

II Tesalônika 2:16

Dan să tòm Yàng Jesu Krist mơ Yàng Tom Trồ la Bèp bol he dê, la Bơtau neh kòñ gơboh di bol he mơ bơh bơta nđàc Kơnràñ dê neh ai gòi bol he in bơta pơndòm pơniang gam sùm sùm, mơ bơta gơn kơnòm kơ̆ nền,

Sră Pơyoa Pol Dê Pơyoa Tit In 1:2

tòm bơta gơn kơnòm bơh bơta kis gam sùm sùm. Hơ̆ la bơta kis mơ Yàng Tom Trồ, la Bơtau ò tŭ lơi đơs blac, neh ho pơgon bơh lài mơ tŭ òhềt gơs trồ tiah,

Sră Pơyoa Pol Dê Pơyoa Tit In 2:11

Bơh bơta nđàc Yàng Tom Trồ dê ai bơta dong klàs jơh tơl nă cau in neh geh yal tơlik rau.

Sră Pơyoa Pol Dê Pơyoa Tit In 2:13

tòm tŭ kơp gơn bơta gơn kơnòm lơngai lơngò, la bơta tơlik mat dô bă gơklŏ Yàng Tom Trồ dờng dê mơ Yàng Dong Klàs bol he dê la Yàng Jesu Krist,

Hebrơ 1:14

Jơh ală cau gơnrơh hơ̆ ò di la ală hwềng òs duh broă, kong sồr lòt nàng dong broă ală cau rơp pơrdòn bơta dong klàs ò ơ?

Hebrơ 11:7

Bơh bơta dòn Nôe geh Yàng yal lài bơh ală bơta òhềt gŏ, khai gơs nùs duh rngòt mơ lơh gơs dô nơm ơhò nàng dong klàs hìu nhă khai dê; bơh bơta dòn hơ̆ khai lơh nền glài dunnia, mơ khai gơlik gơs cau pơrdòn bơta song ring bơh bơta dòn.

Hebrơ 11:9

Bơh bơta dòn khai ơm ing tòm lơgar neh ho ai khai in kung be ơm tòm lơgar ndai, ơm tòm sàl bal mơ Isak mơ Jakôp la ală cau geh pơrdòn dô jơnau ho pơgon bal mơ khai.

Hebrơ 6:17

Gơwèt mơ ală cau neh dòp jơnau ho Kơnràñ dê, Yàng Tom Trồ kòñ lơh loh làng lah Kơnràñ ò tŭ lơi tòmgơl tơnggume broă Kơnràñ dê, gen tàng Kơnràñ bơtơl jơnau srat să, mơ jơnau ho,

Jakơ 2:5

Ơ oh mi kòñ gơboh añ jê, iat tĕ do: Yàng Tom Trồ ò di neh sac cau rƀah tòm rài do nàng dòp geh bơta pas sơm tòm bơta dòn, mơ pơrdòn lơgar Kơnràñ neh ho pơgon mơ cau kòñ gơboh di Kơnràñ ò ơ?

I Pier 3:7

Kung behơ̆ sơl, ơ ală cau la bau klau, ơm tĕ dô bă di pal mơ bau ùr he, ki ngàm di khai la cau lơbơn rlau mơ he, bơh khai bal mơ oh mi rơp pơrdòn bơta nđàc bơta kis dê, behơ̆ ò gơs bơta lơi kơryan bơta hòi dan oh mi dê.