Sră Pơyoa Pol Dê Pơyoa Tit In 3:6 - Sră Goh 2018

⁶ Yàng Tom Trồ neh tuh Yàng Hwềng Goh hơđang bol he dô bă bềng lìu bơh Yàng Jesu Krist la Yàng Dong Klàs bol he dê,

Sră Pơyoa Pol Dê Pơyoa Tit In 3:6 Mawu Ofanana

Jơnau Pơnđik 1:23

Iat tĕ jơnau añ lah pơrhơng; Añ rơp tuh bơta kơlôi sơnơng añ jê bol mê in; Añ rơp lơh bol mê in git ală jơnau đơs añ jê.

Esai 32:15

Jơl tus di tŭ Hwềng bơh tiah jơnhoa tuh hơđang bol he, mơ ƀlàng ngềt ngơt gơlik gơs sre bềng plai, mơ sre bềng plai gơlik gơs be dơr brê.

Esai 44:3

Bơh Añ rơp tuh dà hơđang ù rañ rsơh, ai ală croh dà tòm tiah ro rañ. Añ rơp tuh Hwềng Añ hơđang jơi bơtiàn mê dê, mơ bơta lơngai lơngò hơđang ală kòn sau mê dê.

Ejekiel 36:25

Añ rơp rsìh dà sàng goh hơđang bol mê; mơ bol mê rơp geh sàng goh; Añ rơp lơh bol mê in goh jơh bơh di ală bơta ƀơ̆ ƀơl bol mê dê mơ bơh di jơh ală rùp ràk bol mê dê.

Jôel 2:28

Tơnơ̆ mơ hơ̆, Añ rơp tuh Hwềng Añ hơđang jơh ală poac să. Kòn klau mơ kòn ùr bol mê dê rơp đơs hwơr, Ală cau kra bol mê dê rơp gŏ bơta mpau, ală cau pơnu bol mê rơp gŏ bơta gơtơnggŏ.

Jang 1:16

Bơh tòm bơta lìu làc Kơnràñ dê, jơh ală bol he neh dòp geh bơta nđàc bơtơl hơđang bơta nđàc.

Jang 16:7

Bulah behơ̆, Añ đơs song ngan mơ bol mê: Añ lòt la kwơ ngan bol mê in bơh dilah Añ ò lòt gen Bơtau Pơndòm pơniang ò tus hơ bol mê: Mơya dilah Añ lòt, gen Añ rơp sồr Kơnràñ tus hơ bol mê.

Jang 4:10

Yàng Jesu ho lah: “Dilah ai git bơta pà gòi Yàng Tom Trồ dê, mơ git cau đơs mơ ai lah: ‘Ai Añ in ƀà hùc’ la ñcau, gen ngan ai rơp dan mơ Khai, mơ Khai rơp pà ai in dà kis.”

Jang 7:37

Ngai lồi dut, la ngai dờng màng tòm ală ngai pơjum sa, Yàng Jesu ntào, hòi dờng lah: “Dilah cau lơi tơhìr, tus tĕ hơ Añ mơ hùc.

Broă 10:45

Ală cau dòn Yàng neh siat gơltau la ală cau neh lòt bal mơ Pier, gen ai lơh krơi lơm tài bơh bơta ai gòi la Yàng Hwềng Goh kung tuh hơđang ală cau làng bol bơdìh in sơl,

Broă 2:33

Behơ̆, tơnơ̆ mơ tŭ Kơnràñ neh geh yò tơngguh đah ma Yàng Tom Trồ, mơ neh dòp geh jơnau ho ai Yàng Hwềng Goh bơh di Bèp, gen Kơnràñ tuh tơlik Yàng Hwềng Goh be ală oh mi gŏ mơ kơno.

Rôma 2:4

Hala mê sền òsơp nùs lơbơn niam, jak toh glài mơ kong ơt Kơnràñ dê ơ? Mơ mê ò git nùs lơbơn niam Yàng Tom Trồ dê lam mê lòt tus hơ bơta gơjrañ sang glài ò ơ?

Rôma 5:5

Mơ bơta gơn kơnòm ò lơh ƀàssìl, bơh bơta kòñ gơboh Yàng Tom Trồ dê neh tuh tòm nùs bol he la bơh Yàng Hwềng Goh la Bơtau mơ Yàng Tom Trồ neh ai gòi bol he in.

Rôma 8:2

Bơh bơta boh lam Yàng Hwềng bơta kis dê tòm Yàng Krist Jesu neh hồ toh añ lik klàs bơh bơta boh lam tồi glài dê mơ bơta chơt.

Ephesô 3:8

Añ la cau dềt rlau jơh tòm ală cau sàng goh; bulah behơ̆ Kơnràñ neh ai añ in bơta nđàc hơ̆, nàng añ bơto yal làng bol bơdìh in bơta pas gơs ò git lơh Bơtau Krist dê,

Ephesô 4:2

Tòm ală bơta pal pơndêt să, niam lơnhơn, ơt ơl, ai nùs kòñ gơboh mơ kong ơt bal mơ gơp.

I Timôthe 6:17

Bơto tĕ kràñ cê cau pas gơs ơm tòm dunnia do bañ pơnhừ să mơ bañ ơn nùs gơn kơnòm di phan mơna ò kơ̆ nền, mơya pal ơn tĕ nùs gơn kơnòm di Yàng Tom Trồ, la Bơtau ai gòi jơh ală phan lìu làc bol he in dòp geh dô bă hòn chò.

Sră Pơyoa Pol Dê Pơyoa Tit In 1:4

Añ pơyoa Tit in, la kòn tòm añ jê tòm bơta dòn bal: Dan mê in geh bơta nđàc mơ bơta lơngap lơngai bơh Yàng Tom Trồ la Bèp, mơ bơh Yàng Krist Jesu la Yàng Dong Klàs bol he dê.