Sră Pơyoa Pol Dê Pơyoa Tit In 2:2 - Sră Goh 2018

² Tơngkah tĕ ală cau kra pal git kơrhia, kràñ cê, jak chài, ơm kơ̆ tòm bơta dòn, bơta kòñ gơboh mơ bơta ơt ơl.

Sră Pơyoa Pol Dê Pơyoa Tit In 2:2 Mawu Ofanana

Sră Jop 12:12

Bơta jak chài ơm mơ cau kra, Mơ bơta git wă ò di ơm mơ cau kis jŏ ò ơ?

Đơs Crih 92:14

Bulah să kra sơnam jòng, bol khai gam gơlik plai, Gam bềng dà bơsơt mơ tơlir sùm.

Jơnau Pơnđik 16:31

Sŏ kò la sơgơn bơtau bơta gơklŏ, Gơ dòp geh bơh gùng dà song ring.

Esai 65:20

Tềng hơ̆ rơp ò tŭ lơi gơs dô nă kòn kis mìng dô êt ngai, hala dô nă cau kra ò kis tơl jơh ală nam khai dê; cau lơi chơt tòm tŭ neh gơs dô rhiang nam rơp kòp la chơt gam pơnu; mơ cau ò kis tus di dô rhiang nam rơp kòp la cau kong srat rma.

Lebi 19:32

Ñă ntào tĕ di đap mat cau jòng sơnam, ki ngàm tĕ di ală cau kra mơ duh rngòt tĕ di Yàng Tom Trồ. Añ la Yàng Jehôwa.

Jơnau Niam Jat Mak 5:15

Tòm tŭ bol khai tus hơ Yàng Jesu, gŏ cau neh gơkòl mpồl cà lơh hơ̆ ơm nggui, soh ồi ào, dơngoh jak niam be òs, gen bol khai rngòt rngơt ngan.

Luka 8:35

Làng bol lik lòt nàng sền bơta pa gơlik gơs hơ̆. Dơ̆ bol khai lòt tus hơ Yàng Jesu, gŏ cau gơs ală cà pa lik hơ̆, ơm nggui di jơng Yàng Jesu, soh ồi ào, dơngoh jak niam be òs, gen rngòt rngơt ngan.

Broă 24:25

Mơya tòm tŭ Pol bơto bơyai bơh bơta song ring, bơta git kơrhia mơ bơta cahrña rài tơnơ̆, gen Phelik rơm să rngòt, mơ đơs lah: “Tŭ do mê lòi ing, gơn tŭ lơi añ ru gen añ rơp hòi wơl mê.”

Rôma 12:3

Behơ̆, kơnòm di bơta nđàc neh ai añ in, añ đơs mơ kòp nă cau tòm oh mi, bañ sền să he jòng rlau ir, mơya pal sền tĕ să he tòm toh be rnoas bơta dòn mơ Yàng Tom Trồ neh pà kòp nă cau in.

I Kôrintô 15:34

Kơlôi kah tĕ, mơ lơh lòt dô bă di pal, bañ tìs glài tai, bơh gơs cau ƀà ò git bơh Yàng Tom Trồ dô êt lơi; añ đơs bơta hơ̆ tồ oh mi in ƀàssìl.

I Kôrintô 9:25

Jơh ală cau pơrlòng pràn tòm bơta pơrlòng, bơtê git kơrmap bơta boh lam kràñ cê tòm jơh ală bơta. Bol khai lơh behơ̆ mìng dòp sơgơn ồm lề, mơya bol he lơh behơ̆ nàng dòp sơgơn ò ồm lề.

II Kôrintô 5:13

Mơ tai, dilah bol hi sơnrang, hơ̆ la tài bơh Yàng Tom Trồ; hala dilah bol hi ngac ngar, hơ̆ la tài bơh oh mi.

Galati 5:23

niam lơnhơn, git kơrhia. Ò gơs bơta boh lam lơi bơkơŭ ală bơta hơ̆.

Philip 4:8

Lồi tơnơ̆, ơ oh mi, dilah bơta lơi song ngan, bơta lơi màng ryŭ; bơta lơi song ring, bơta lơi sàng goh, bơta lơi pal kòñ gơboh, bơta lơi gơs pơnro niam, dilah gơs bơta kơ̆ dơn lơi, dilah gơs bơta lơi pal jòng ro, gen oh mi pal kơlôi sơnơng tĕ di ală bơta hơ̆.

I Tesalônika 5:6

Behơ̆, bol he bañ bic be cau ndai, mơya pal drơng kơp mơ ngac mat.

I Tesalônika 5:8

Mơya bol he la cau neh bal mơ trồ ngai, gen tàng ngac mat tĕ, dòp soh bơta dòn mơ nùs kòñ gơboh kung be ào lòs, ai bơta gơn kơnòm bơh bơta dong klàs lơh gơs kung be sơgơn lòs.

I Timôthe 1:10

cau rềs àr bơrnàn, cau dri tơlàr cau klau mơ cau klau, cau kơñau kòn mơnus, cau đơs blac, cau srat blac in, hala bơta lơi ndai tìs mơ bơta bơto sồr song ngan,

I Timôthe 1:14

Mơ bơta nđàc Yàng bol he dê neh tơngkah tơngkañ oă ngan bal mơ bơta dòn mơ bơta kòñ gơboh tòm Yàng Krist Jesu.

I Timôthe 1:2

pơyoa Timôthe in la kòn tòm añ jê tòm bơta dòn: Dan mê in geh bơta nđàc, bơta nđàc sơngit mơ bơta lơngap lơngai bơh Yàng Tom Trồ la Bèp, mơ bơh Yàng Krist Jesu la Yàng bol he dê!

I Timôthe 1:5

Tơnggume bơta bơto kràñ cê hơ̆ la bơta kòñ gơboh bơh nùs sàng goh, nùs tồr niam mơ bơta dòn song ngan.

I Timôthe 3:11

Cau ùr kung behơ̆ sơl, pal kràñ cê, ò di đơs iơh, pal git kơrhia mơ dòn song tòm jơh ală bơta.

I Timôthe 3:2

Behơ̆ cau gơnoar bơto pal ngan ò gơs tiah geh lah pơrhơng, la cau klau gơs mìng dô nă bau ùr lơm, git kơrhia, ngac ngar, geh ki ngàm, git wă rò nac, mơ git bơto sồr niam.

I Timôthe 3:4

pal git at bồ niam hìu nhă he, kơrmap gàr kòn sau he dòn duh dô bă kràñ cê tòm jơh ală bơta;

I Timôthe 3:8

Ală cau dong gàr hìu jum kung pal kràñ cê, ò đơs bàr jơnau, ò jròk ñô tơrnòm alak, ò hàm hà cồng nha ƀơ̆ ƀơl,

I Timôthe 5:1

Bañ lah pơrhơng kơnjơ̆ cau kra, mơya bơto tơngkah tĕ khai be bèp; ai cau pơnu gen be oh mi;

Sră Pơyoa Pol Dê Pơyoa Tit In 1:13

Jơnau lơh cơng hơ̆ la song ngan. Behơ̆ pal lah pơrhơng kơnjơ̆ bol khai tồ bol khai in gơs bơta dòn pràn kơldang,

Sră Pơyoa Pol Dê Pơyoa Tit In 1:8

mơya pal git wă rò nac, gơboh di bơta niam, kràñ cê, song ring, sàng goh, git kơrhia.

Sră Pơyoa Pol Dê Pơyoa Tit In 2:7

Tòm jơh ală bơta ai tĕ să tòm mê nàng lơh krơh bol khai in bơh broă niam, tòm bơta bơto sồr mê dê pal gơs sàng goh song ring, kràñ cê,

Philemôn 1:9

mơya tài bơh nùs kòñ gơboh chan añ rac dan la niam rlau. Mơ añ la Pol cau gơnoar ala mat Bơtau Krist dê, mơ tŭ do tài bơh Yàng Krist Jesu mơ kong ơm jàm.

I Pier 1:13

Behơ̆, oh mi gơs tĕ nùs kơlôi be cau kơt but lơh broă, drơng kơp, gơn kơnòm wil tơl di bơta nđàc rơp ai oh mi in tòm tŭ Yàng Jesu Krist tơlik mat.

I Pier 4:7

Bơta lồi dut jơh ală phan neh rềp rau, behơ̆ ngac mat tĕ, mơ drơng kơp tòm bơta hòi dan.

I Pier 5:8

Kơrmap gàr mơ drơng kơp tĕ. Cau sò tơm oh mi dê la cà ràk be klìu triă ơluh lòt gơrwàng gùt dar, jòi jat cau ƀà nàng sa loan.

II Pier 1:6

bơtơl bơta git kơrhia hơđang bơta git jak, bơtơl bơta ơt ơl hơđang bơta git kơrhia, bơtơl bơta duh rngòt hơđang bơta ơt ơl,