Sră Pơyoa Pol Dê Pơyoa Tit In 2:12 - Sră Goh 2018

¹² Bơta nđàc hơ̆ bơto bol he pơndang sang tĕ bơta ò duh rngòt mơ nùs hàm kòñ is dunnia dê, mơ pal kis dô bă git kơrhia, song ring mơ duh rngòt tòm rài do,

Sră Pơyoa Pol Dê Pơyoa Tit In 2:12 Mawu Ofanana

Đơs Crih 105:45

Tồ bol khai in prap gàr ală jơnau sồr Kơnràñ dê, Mơ lơh jat ală bơta boh lam Kơnràñ dê. Jòng ro Yàng Jehôwa!

Đơs Crih 4:3

Mơya pal git lah Yàng Jehôwa neh lòi is cau duh rngòt Kơnràñ in, tòm tŭ añ hòi dan, Yàng Jehôwa iat jơnau añ.

Ejekiel 36:27

Añ rơp ơn Hwềng Añ tòm bol mê, mơ lơh bol mê in lòt jat bơta sồr lam Añ jê, mơ kơrhia prap gàr ală bơta boh lam Añ jê.

Mathiơ 12:32

Dilah cau lơi đơs tòmdră mơ Kòn mơnus gen rơp geh toh, mơya cau lơi đơs tòmdră mơ Yàng Hwềng Goh gen ò geh toh bulah tòm rài do hala tòm rài tơnơ̆.”

Mathiơ 16:24

Chòp Yàng Jesu đơs mơ ală cau bơtê lah: “Dilah cau lơi kòñ jat Añ, gen pơndang sang tĕ să he, tui chi pơng he mơ jat Añ.

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”

Luka 1:6

Bàr nă bol khai la song ring di đap Yàng Tom Trồ, lơh jat ală bơta sồr lam mơ jơnau gơnoar sồr Yàng dê ò gơs tiah geh lah pơrhơng.

Luka 1:75

Tòm bơta sàng goh mơ song ring di đap Kơnràñ jơl jơh rài bol he.

Jang 14:30

Añ rơp ò tai đơs oă mơ bol mê, bơh bơtau dunnia do rơp tus; khai ò gơs bơta lơi di Añ.

Jang 6:25

Tòm tŭ bol khai bàn Kơnràñ di gah đah ne dàlềng, gen đơs lah: “Ơ Rabi, tŭ lơi ồng lòt tus tềng do taih?”

Broă 24:16

Behơ̆ tàng añ kư̆ jơh nùs rcang sùm, nùs tồr sàng goh di đap Yàng Tom Trồ mơ di đap cau sơl.

Broă 24:25

Mơya tòm tŭ Pol bơto bơyai bơh bơta song ring, bơta git kơrhia mơ bơta cahrña rài tơnơ̆, gen Phelik rơm să rngòt, mơ đơs lah: “Tŭ do mê lòi ing, gơn tŭ lơi añ ru gen añ rơp hòi wơl mê.”

Rôma 12:2

Bañ đòm jat rài do, mơya lòi tĕ Yàng Tom Trồ pơrgơl pa nùs kơlôi oh mi dê, gen oh mi rgơi git nùs kòñ Yàng Tom Trồ dê, niam nùs mơ wil tơl Yàng Tom Trồ dê la mbe lơi.

Rôma 6:12

Behơ̆ bañ lòi tồi glài in at bồ tòm să jan òs chơt oh mi dê, mơ lơh oh mi in jat bơta hàm kòñ is gơ dê,

Rôma 6:19

Añ đơs jat be kòn mơnus đơs, bơh đah poac să oh mi dê la lơbơn lơño. Be oh mi neh ơn să jan he lơh gơs dĭ gơna bơta ngkòr ngkàc mơ bơta tồi glài iơh bơsak be lơi, gen tŭ do ơn tĕ să jan he lơh gơs dĭ gơna bơta song ring in, nàng lơh gơs bơta gơlik gơs sàng goh kung behơ̆ sơl.

Rôma 8:13

Bơh dilah oh mi kis jat poac să gen pal chơt; mơya dilah oh mi kơnòm di Yàng Hwềng tơnchơt ală broă să jan dê gen oh mi rơp geh kis.

II Kôrintô 1:12

Bơh bơta hừh nùs bol hi dê la be do: Nùs tồr bol hi lơh cơng lah bol hi ai bơta sàng goh mơ bơta song ngan Yàng Tom Trồ dê mơ lơh lòt tòm dunnia do, sơnròp ngan la gơwèt mơ oh mi, ò kơnòm di bơta jak chài jat poac să dê, mơya kơnòm di bơta nđàc Yàng Tom Trồ dê.

II Kôrintô 7:1

Ơ oh mi kòñ gơboh, bơh bol he neh gơs jơnau ho pơgon behơ̆, gen lơh goh tĕ jơh ală bơta ƀơ̆ ƀơl đah poac să mơ đah hwềng, ai bơta duh rngòt di Yàng Tom Trồ nàng lơh wil tơl bơta sàng goh.

Galati 1:4

la Bơtau neh phi să bơh tồi glài bol he dê, nàng dong tă bol he klàs bơh rài iơh do, jat be nùs kòñ Yàng Tom Trồ la Bèp bol he dê.

Galati 5:24

Mơ tai, ală cau gơrê bal mơ Yàng Jesu Krist neh tơnchơt nùs nhơm poac să dê bal mơ nùs kòñ tìs mơ hàm kòñ is gơ dê hơđang chi pơng rau.

Ephesô 1:4

Lài mơ tŭ crơng gơs trồ tiah Kơnràñ neh sac rwah bol he tòm Bơtau Krist, nàng bol he in geh sàng goh, ò gơs tiah geh lah pơrhơng di đap Yàng Tom Trồ.

Ephesô 2:2

la ală bơta lài òr oh mi lơh jat bơta òs mòng dunnia do, jat bơtau gơnoar at bồ dê tòm pah gòi, hơ̆ la cà tŭ do at bồ tòm ală cau ò dòn bơr Yàng.

Kôlôse 1:22

Mơya tŭ do Yàng Tom Trồ neh kơnòm di bơta chơt să jan poac să Kơnràñ dê, mơ lơh oh mi in gơs gơtòmsòr wơl, nàng tơlik mat oh mi di đap Kơnràñ dô bă sàng goh, ò sồt rmàñ, ò gơs tiah geh lah pơrhơng.

I Tesalônika 4:7

Bơh Yàng Tom Trồ ò di hòi bol he tus hơ bơta ngkòr ngkàc ò, mơya tus hơ bơta gơlik gơs sàng goh.

I Tesalônika 4:9

Bơh bơta kòñ gơboh bal oh mi dê, gen ò càng cau lơi cih oh mi in, bơh să tòm oh mi neh geh Yàng Tom Trồ bơto lah pal kòñ gơboh bal mơ gơp;

I Timôthe 4:12

Bañ lòi cau lơi dơñŏ tơnhial di mê tài bơh mê gam kơnòm să, mơya pal ai tĕ jơnau đơs, bơta lơh lòt, bơta kòñ gơboh, bơta dòn mơ bơta sàng goh nàng lơh krơh ală cau dòn in.

I Timôthe 6:17

Bơto tĕ kràñ cê cau pas gơs ơm tòm dunnia do bañ pơnhừ să mơ bañ ơn nùs gơn kơnòm di phan mơna ò kơ̆ nền, mơya pal ơn tĕ nùs gơn kơnòm di Yàng Tom Trồ, la Bơtau ai gòi jơh ală phan lìu làc bol he in dòp geh dô bă hòn chò.

I Timôthe 6:9

Mơya cau kòñ bơta pas sơm gen gơtơmut tòm bơta ơniai, gơkòl yar dă, gơdùh tòm oă bơta hàm kòñ is, bơrngơl gơla sơbơng roh, la bơta lơh cau in gơtơnkram tòm bơta roh lơm mơ roh rui.

II Timôthe 3:12

Ngan, jơh tơl nă cau kòñ kis dô bă duh rngòt tòm Yàng Krist Jesu, gen rơp gơkòl kup kơryan.

II Timôthe 4:10

tài bơh Demas hàm kòñ rài do gen tàng neh sang lòi añ rau mơ neh lòt hơ Tesalônika. Kretsen lòt hơ Galati, ai Tit gen lòt hơ Dalmati.

Sră Pơyoa Pol Dê Pơyoa Tit In 3:3

Bơh lài òr bol he kung tùl gơla, ò dòn bơr, gơkòl cau pơrlồm, lơh gơs dĭ gơna ală bơta hàm kòñ is mơ ală bơta iơh bơsak mơ bơta tòmlah tòmring, kong cau gơjrañ kơuềng mơ kung gơjrañ kơuềng bal mơ gơp sơl.

Hebrơ 8:11

Bol khai ò càng bơto cau gơp ƀòn he dê. Mơ bơto kòp nă oh mi he lah: ‘Dòp git tĕ Yàng,’ jơh tơl nă bol khai rơp git Añ, Bơh cau dềt jơl tus di cau dờng, rơp dòp git Añ.

Jakơ 1:27

Bơta dòn jơnau song sàng goh ò ƀơ̆ ƀơl di đap Yàng Tom Trồ la Bèp, hơ̆ la còp ală cau kòn đòi mơ ală cau ùr bơnrau tòm bơta dồn sa rƀah bol khai dê, mơ kơrmap gàr să he klàs bơh bơta roh rui dunnia dê.

II Pier 2:9

Gen Yàng git mbe dong tă ală cau duh rngòt klàs bơh ală bơta gơlòng bòl glar, mơ git mbe krơ̆ jàm ală cau ò song ring tòm bơta lơh glài jàm jơl tus di ngai cahrña,

II Pier 3:11

Bơh jơh ală phan hơ̆ rơp kong ồs sa lề jơh behơ̆, gen bơta lơh lòt oh mi dê pal gơs sàng goh mơ duh rngòt ò git nđò,

I Jang 2:27

Bơta bong mơñà mơ bol mê neh geh bơh Bơtau Krist gơ ơm sùm tòm bol mê, gen ò càng cau lơi bơto sồr bol mê; bơh bơta bong mơñà Kơnràñ dê bơto sồr bol mê tơl ală bơta, mơ bơta hơ̆ la ngan ò di la blac; jat be bơta oh mi neh geh bơto sồr gen ơm tĕ sùm tòm Kơnràñ.

I Jang 2:6

Cau lơi đơs lah he ơm sùm tòm Yàng Jesu, gen cau hơ̆ kung pal lơh lòt be Kơnràñ neh lơh lòt sơl.

I Jang 5:19

Bol he git lah he bal mơ Yàng Tom Trồ, ai jơh dunnia ơm hơđơm gơnoar cà ràk.

Jude 1:18

Bol khai đơs mơ oh mi lah: “Tòm tŭ lồi dut rơp gŏ ală cau jak dơñŏ tơnhial lơh lòt jat bơta hàm kòñ is ò duh rngòt Yàng Tom Trồ bol khai dê.”

Yal Tơlik 14:12

Tài bơh hơ̆ tàng ală cau sàng goh pal gơs bơta kong ơt, la ală cau prap gàr ală bơta sồr lam Yàng Tom Trồ dê mơ bơta dòn di Yàng Jesu.