Sră Pơyoa Pol Dê Pơyoa Tit In 2:11 - Sră Goh 2018

¹¹ Bơh bơta nđàc Yàng Tom Trồ dê ai bơta dong klàs jơh tơl nă cau in neh geh yal tơlik rau.

Sră Pơyoa Pol Dê Pơyoa Tit In 2:11 Mawu Ofanana

Đơs Crih 67:2

Nàng cau dunnia in rgơi git gùng dà Kơnràñ dê, Mơ ală làng bol rgơi git gơnap gơnoar bơta dong klàs Kơnràñ dê.

Đơs Crih 84:11

Bơh Jehôwa Yàng Tom Trồ la mattơngai mơ khèl; Kơnràñ ai bơta nđàc mơ bơta ryŭ ryơm; Yàng Jehôwa ò pơlai bơta niam lơi mơ ò ai cau lơi in lơh lòt dô bă song.

Đơs Crih 96:10

Đơs tĕ digùl ală lơgar lah: “Yàng Jehôwa at bồ! Ngan, dunnia geh bơtào kơ̆, ò gơs tŭ lơi wañ lơnggơh. Kơnràñ rơp cahrña ală làng bol dô bă ring bal.”

Esai 45:22

Ơ jơh ală cau ơm tòm jơh ală tiah lồi dut plai ù dê, rê wơl tĕ mơ Añ rơp geh dong klàs! Bơh Añ la Yàng Tom Trồ, ò gơs yàng lơi ndai tai.

Esai 49:6

Kơnràñ đơs lah: “Hơ̆ la dô nơm broă dềt rhền mơ mê geh lơh gơs cau duh broă Añ jê nàng bơtào wơl ală jơi bơtiàn Jakôp dê, mơ cèng brê wơl ală cau Israel gam kis. Añ rơp lơh mê in gơs dô bơta àng ală làng bol in, tồ mê in cèng bơta dong klàs Añ jê tus hơ ală tiah lồi dut plai ù.”

Esai 52:10

Yàng Jehôwa rơp ràng tơlik tơwòr tê sàng goh Kơnràñ dê di đap mat jơh ală lơgar; mơ jơh ală tiah lồi dut plai ù rơp gŏ bơta dong klàs Yàng Tom Trồ bol he dê.

Sacari 12:10

“Mơ Añ rơp tuh tơlik Hwềng bơta nđàc mơ bơta rac dan hơđang hìu Dabit mơ hơđang làng bol Jerusalem. Bol khai rơp sền gŏ Bơtau mơ bol khai neh srơp, mơ bol khai rơp ñìm rac bơh Kơnràñ kung be cau ñìm rac bơh dô nă kòn dùl, mơ ñìm rac sràt bơtang bơh Kơnràñ, kung be cau moat jrùng jê sồt bơh dô nă kòn klau tơnhoa he dê.

Sacari 4:7

Ơ mơnơm dờng ne, mê la ñcau taih? Ơm di đap Jerubabel mê gơlik gơs ƀlàng ring, mơ khai rơp cèng tơlik lŭ bồ digùl ală jơnau driau dờng lah: ‘Kòñ nđàc! Kòñ nđàc gơ in!’”

Mathiơ 28:19

Behơ̆, lòt tĕ lơh jơh ală làng bol in gơlik gơs cau bơtê Añ jê, ai sơnđan tĕ Yàng Bèp, Yàng Kòn mơ Yàng Hwềng Goh, lơh ƀaptem bol khai in.

Jơnau Niam Jat Mak 16:15

Kơnràñ đơs mơ bol khai lah: “Lòt tĕ làm jơh dunnia, bơto yal Jơnau Niam jơh ală làng bol in.

Luka 24:47

mơ cau pal ai sơnđan Kơnràñ mơ bơto yal bơta gơjrañ sang glài mơ bơta toh glài jơh ală làng bol in, rơp sơntòm bơh Jerusalem.

Luka 3:6

Mơ kòp jơi kòn mơnus rơp gŏ bơta dong klàs Yàng Tom Trồ dê.”

Jang 1:14

Bơtau Jơnau neh gơlik gơs poac să, ơm digùl bol he, bềng bơta nđàc mơ jơnau song. Bol he neh sền gŏ bơta gơklŏ Kơnràñ dê, kung be bơta gơklŏ Kòn Dùl dê tus bơh Bèp.

Jang 1:9

Hơ̆ la bơta àng ngan, neh tus tòm dunnia nàng pơnđàng tơl nă cau in.

Broă 11:23

Tòm tŭ tus tềng hơ̆ mơ gŏ bơta nđàc Yàng Tom Trồ dê gen khai hòn chò, mơ bơto tơngkah jơh tơl nă cau hơ̆ kư̆ kơ̆ nùs dòn song mơ Yàng;

Broă 13:43

Tòm tŭ bơta pơjum neh sir, gơs oă cau Juda mơ cau bơdìh neh jat gùng duh khoai cau Juda lòt jat Pol mơ Banaba; bàr nă bol khai tòmbơhbơr mơ bơto pơndòm bol khai kư̆ ntào kơ̆ sùm tòm bơta nđàc Yàng Tom Trồ dê.

Broă 13:47

Bơh Yàng neh đơs mơ bol hi lah: ‘Añ neh bơtào mê lơh gơs bơta àng ală làng bol in, tồ mê in cèng bơta dong klàs làm jơh plai ù.’”

Broă 17:30

Yàng Tom Trồ ò kòp ală rài cau òhềt git Kơnràñ ò, mơya tŭ do Kơnràñ sồr jơh ală cau tòm kòp bă tiah pal gơjrañ sang glài,

Broă 20:24

Mơya añ ò kòp bơta kis añ la kwơ, mìng kòñ lơh sir bơta ntoat pơrlòng añ jê mơ gơnoar broă añ neh dòp leng bơh di Yàng Jesu, nàng lơh cơng bơh Jơnau Niam bơta nđàc Yàng Tom Trồ dê.

Rôma 10:18

Mơya añ lùp lah: Bol khai òhềt kơno ơ? Ngan neh kơno rau, “Jơnau ntas bol khai dê neh pơnro làm ù, Mơ jơnau bol khai dê neh gơyal tơlik làm jơh dunnia.”

Rôma 5:15

Mơya tồi glài ò di be bơta ai gòi bơh đang jòng. Mơ dilah bơh dô nă cau tìs glài mơ gơs oă cau chơt, gen bơta nđàc Yàng Tom Trồ dê, mơ bơta ai gòi tòm bơta nđàc Kơnràñ dê bơh dô nă cau la Yàng Jesu Krist, sơlo geh tơngkah tơngkañ oă cau in.

Rôma 5:2

Kung kơnòm di bơta dòn Kơnràñ lơh bol he in geh mut tòm bơta nđàc Yàng Tom Trồ dê, bol he gam ơm ntào tòm bơta nđàc hơ̆, mơ hòn chò tòm bơta gơn kơnòm geh dòp bơta gơklŏ Yàng Tom Trồ dê.

II Kôrintô 6:1

Bơh bol hi lơh broă bal mơ Yàng Tom Trồ, gen dan oh mi bañ dòp leng bơta nđàc Yàng Tom Trồ dê dô bă ò kwơ.

Galati 2:21

Añ ò lơh bơta nđàc Yàng Tom Trồ dê gơlik gơs ò kwơ; bơh dilah bơta song ring tus bơh bơta boh lam, gen Bơtau Krist kong chơt la ò kwơ.

Ephesô 2:5

tian gơs tòm tŭ he chơt tòm ală bơta tìs glài he dê, gen Kơnràñ neh lơh bol he in kis bal mơ Bơtau Krist hơ̆ la kơnòm di bơta nđàc mơ oh mi geh dong klàs.

Ephesô 2:8

Oh mi geh dong klàs kơnòm di bơta nđàc mơ bơh bơta dòn, bơta hơ̆ ò di bơh oh mi ò, mơya la bơta ai gòi Yàng Tom Trồ dê;

Kôlôse 1:23

Mìng la oh mi kư̆ ơm tòm bơta dòn, kơ̆ cê, ò gơlơnggac lơnggơr, ò gơtơrđeh bơh bơta gơn kơnòm tòm Jơnau Niam mơ oh mi neh kơno, gơ neh geh bơto yal digùl jơh ală làng bol hơđơm trồ; să tòm añ la Pol kung neh geh lơh gơs cau gơnoar duh broă Jơnau Niam hơ̆ dê.

Kôlôse 1:6

Jơnau Niam hơ̆ neh tus hơ oh mi, kung be neh tus tòm làm jơh dunnia, gơlik plai mơ gơbơtơl kung be tòm oh mi, bơh ngai oh mi neh kơno mơ git wă bơta nđàc Yàng Tom Trồ dê jat be jơnau song,

II Tesalônika 2:16

Dan să tòm Yàng Jesu Krist mơ Yàng Tom Trồ la Bèp bol he dê, la Bơtau neh kòñ gơboh di bol he mơ bơh bơta nđàc Kơnràñ dê neh ai gòi bol he in bơta pơndòm pơniang gam sùm sùm, mơ bơta gơn kơnòm kơ̆ nền,

I Timôthe 1:14

Mơ bơta nđàc Yàng bol he dê neh tơngkah tơngkañ oă ngan bal mơ bơta dòn mơ bơta kòñ gơboh tòm Yàng Krist Jesu.

I Timôthe 2:4

Kơnràñ kòñ jơh tơl nă cau geh dong klàs mơ tus hơ bơta git wă jơnau song.

II Timôthe 1:10

tŭ do geh ràng tơlik bơh bơta tơlik să Yàng Krist Jesu, la Yàng Dong Klàs bol he dê, Bơtau neh tơnroh bơta chơt, ngui Jơnau Niam ràng tơlik loh làng bơta kis mơ bơta ò ồm lề.

II Timôthe 4:17

Mơya Yàng neh ơm dô đah bal mơ añ mơ bơtơl pràn añ in, tồ bơh añ mơ Jơnau Niam geh bơto yal wil tơl, nàng jơh ală cau làng bol bơdìh geh kơno; behơ̆ añ neh geh dong tă bơh di bơr klìu triă.

Hebrơ 12:15

Kơrhia tĕ, rngòt gơs cau lơi tòm oh mi ò tus dòp bơta nđàc Yàng Tom Trồ dê, mơ bơta sràt bơtang gơhòn be ryas mơ lơh nggồr nggàc tòm oh mi, mơ bơh hơ̆ lơh oă cau ndai gơlik gơs ngkòr ngkàc;

Hebrơ 2:9

Mơya bol he gŏ Yàng Jesu, la Bơtau kong tơnliah hơđơm cau gơnrơh dô êt jŏ, bơh bơta nđàc Yàng Tom Trồ dê mơ Kơnràñ kong chơt tơl nă cau in. Tŭ do bol hi sền gŏ Kơnràñ geh tơndau sơgơn bơtau gơklŏ mơ ryŭ ryơm, tài bơh neh kong bòl glar bơh bơta chơt.