Sră Pơyoa Pol Dê Pơyoa Tit In 1:9 - Sră Goh 2018

⁹ Khai prap kơ̆ jơnau pal dòn be neh kơno bơto sồr, tồ khai rgơi bơto tơngkah bơh gùng jơnau song mơ bơto tơnggit cau tòmdră in.

Sră Pơyoa Pol Dê Pơyoa Tit In 1:9 Mawu Ofanana

Sră Jop 2:3

Yàng Jehôwa lùp Satan lah: “Mbe mê sền gŏ Jop la cau duh broă Añ jê taih? Hơđang plai ù ò gơs dô nă cau lơi be khai, wil tơl mơ song ring, la cau duh rngòt di Yàng Tom Trồ, mơ pleh ngài di bơta iơh bơsak. Khai ơm kơ̆ tòm bơta song ring khai dê, bulah mê neh bơchồt Añ tòmdră mơ khai ò bồ.”

Sră Jop 27:6

Añ rơp sơmbat kơ̆ bơta song ring añ jê, mơ ò lòi gơ in lòt; nùs añ rơp ò lah pơrhơng añ tòm ală ngai rài kis añ.

Jơnau Pơnđik 23:23

Blơi tĕ jơnau song, bơta jak chài, bơta bơto pơndòm, mơ bơta àng jak; bañ tŭ lơi tac gơ.

Broă 18:28

Bơh khai pràn kơldang bơto tòmdră mơ cau Juda di đap ƀòn lơgar, mơ khai ai Sră Goh lơh cơng lah Yàng Jesu la Bơtau Krist.

I Kôrintô 14:24

Mơya dilah jơh ală cau đơs hwơr, mơ gơs cau ò dòn hala cau bơdìh mut pơjum, gen bol khai rơp dòp git tồi glài bol khai dê. Bol khai rơp kong cahrña bơh jơh ală bơta bol khai kơno.

I Tesalônika 5:21

Lòng tĕ jơh ală broă, bơta lơi niam gen prap gàr tĕ.

II Tesalônika 2:15

Behơ̆ tàng, ơ oh mi, ơm kơ̆ tĕ, prap gàr kơ̆ tĕ ală jơnau bol hi neh bơto sồr oh mi in, ƀà mơ jơnau đơs, ƀà mơ sră pơyoa bol hi dê.

I Timôthe 1:10

cau rềs àr bơrnàn, cau dri tơlàr cau klau mơ cau klau, cau kơñau kòn mơnus, cau đơs blac, cau srat blac in, hala bơta lơi ndai tìs mơ bơta bơto sồr song ngan,

I Timôthe 1:15

Yàng Krist Jesu neh tus tòm dunnia nàng dong klàs cau glài, hơ̆ la jơnau nền cê ngan pal dòn dòp wil tơl; tòm ală cau glài hơ̆ añ la cau glài kơnjơ̆ rlau jơh.

I Timôthe 1:19

prap kơ̆ bơta dòn mơ nùs tồr niam. Gơs dô êt cau tài bơh neh sang lòi nùs tồr hơ̆, gen tàng bơta dòn bol khai dê neh gơkram rau;

I Timôthe 4:9

Hơ̆ la jơnau nền cê ngan, pal dòn dòp wil tơl.

I Timôthe 6:3

Dilah gơs cau lơi bơto gùng duh khoai ndai, ò jat gùng duh khoai song Yàng Jesu Krist bol he dê, mơ jơnau bơto sồr jat bơta duh rngòt,

II Timôthe 1:13

Ai tĕ bơta dòn mơ bơta kòñ gơboh tòm Yàng Krist Jesu nàng kơrmap gàr kơr sơnoa gùng duh khoai song ngan mơ mê neh bơtê bơh di añ.

II Timôthe 2:2

Ală bơta mê neh kơno bơh añ di đap oă cau lơh cơng, jào tĕ ală cau di pal gơn kơnòm in, la ală cau chài rgơi bơto sồr cau ndai.

II Timôthe 2:25

ai bơta niam lơnhơn nàng bơto pơniam wơl ală cau jak pơrlơ̆ dră. Kơp kòñ Yàng Tom Trồ rơp ai bol khai in bơta gơjrañ sang glài nàng git wă jơnau song,

II Timôthe 3:14

Mơya mê kư̆ ơm tĕ tòm ală bơta mê neh bơtê mơ neh dòn nền, bơh git mê neh bơtê ală bơta hơ̆ mơ ñcau,

II Timôthe 4:3

Bơh tŭ tơngai rơp tus mơ cau ò bài iat bơta bơto sồr jơnau song; mơya bơh bol khai kòñ iat jơnau bơkah tồr, gen rơp jat nùs hàm kòñ is he dê mơ pơjum ală cau bơto ơm gùt dar he,

Sră Pơyoa Pol Dê Pơyoa Tit In 1:11

mê pal lơh bơr bol khai in ơm mŏ mŏ; bơh cồng nha ƀơ̆ ƀơl mơ bol khai bơto bơta ò di pal bơto, mơ lơh gơprah jơh hìu nhă cau ƀà dê.

Sră Pơyoa Pol Dê Pơyoa Tit In 2:1

Mơya mê pal bơto ală bơta tòmpal mơ gùng duh khoai song.

Jude 1:3

Ơ ală oh mi kòñ gơboh, tòm tŭ añ jơh nùs kòñ cih oh mi in bơh bơta dong klàs bal bol he dê, gen añ kơlôi la pal càng cih nàng bơto tơngkah oh mi lah pal jơh nùs tòmlơh tài bơh bơta dòn, la bơta neh jào ală cau sàng goh in dô dơ̆ tơl rau.

Yal Tơlik 2:25

mìng bol mê kơrmap kơ̆ ală bơta bol mê neh gơs jơl tus dê tŭ Añ tus.

Yal Tơlik 3:11

Añ rơp tus mhar; kơrmap kơ̆ tĕ bơta mê neh gơs, tồ ò gơs cau lơi tă sơgơn bơtau mê dê.

Yal Tơlik 3:3

Behơ̆ kah wơl tĕ ală jơnau mê neh dòp mơ neh iat; prap gàr tĕ ală jơnau hơ̆ mơ gơjrañ sang glài tĕ. Dilah mê ò kah rngal, Añ rơp tus be cau kơñau, mơ mê ò git jơ lơi Añ rơp lòt tus hơ mê.