Sră Pơyoa Pol Dê Pơyoa Tit In 1:6 - Sră Goh 2018

⁶ Cau kwang kra pal la cau ò gơs tiah geh lah pơrhơng, la cau klau gơs mìng dô nă bau ùr lơm, kòn sau kung pal dòn Yàng mơ ò gơkòl cau yă bơh bung jang hala ò dòn bơr.

Sră Pơyoa Pol Dê Pơyoa Tit In 1:6 Mawu Ofanana

Sơnròp Gơlik Gơs 18:19

Añ neh sac rwah khai nàng khai bơto sồr ală kòn mơ hìu nhă khai dê jat gùng Yàng Jehôwa dê, lơh ală bơta song ngan mơ song ring, gen behơ̆, Yàng Jehôwa rơp lơh gơlik di ngan be ală jơnau Kơnràñ neh ho mơ Abraham.”

Jơnau Pơnđik 28:7

Cau lơi prap gàr bơta boh lam la kòn klau jak chài; ai cau lơh yô mơ cau gơlềng gơlàng lơh ƀàssìl bèp he in.

Ejekiel 44:22

Bol khai ò di bau mơ cau ùr bơnrau hala cau ùr neh bau sang lòi; bol khai mìng bau mơ cau ơruh kòn sau Israel dê lơm hala mơ cau ùr bơnrau cau gơnoar ơn phan duh khoai dê.

Lebi 21:14

Khai ò di bau mơ dô nă cau ùr bơnrau, mơ dô nă cau ùr neh lòi bau, hala mơ dô nă cau ùr neh gơlik ƀơ̆ ƀơl bơh neh lơh dri, mơya mìng bau mơ dô nă cau ơruh dềt òhềt tòmbau bơh tòm làng bol khai dê,

Lebi 21:7

Bol khai ò di bau mơ ală cau ùr neh gơlik ƀơ̆ ƀơl tài bơh neh lơh dri hala neh gơkòl bau klau sang lòi, tài bơh ală cau gơnoar ơn phan duh khoai pal gơs sàng goh Yàng Tom Trồ bol khai in.

Malaci 2:15

Ò di Yàng Tom Trồ neh lơh bol khai in gơlik gơs mìng dô nă lơm ò ơ? Tòm poac să mơ hwềng nùs bol khai gơrê bal mơ Kơnràñ. Mơ ñchi bơh tài lơh gơlik gơs mìng dô nă lơm taih? Hơ̆ la tài bơh Kơnràñ jòi dô jơi bơtiàn sàng goh. Behơ̆ kơrhia tĕ tòm hwềng nùs bol mê dê; bañ ơm ò dòn song mơ bau ùr mơ mê neh bau bơh tŭ mê gam pơnu.

Luka 1:5

Tòm rài Herôt, bơtau Jude, gơs dô nă cau gơnoar ơn phan duh khoai, mpồl Abija dê, sơnđan la Sacari; bau ùr khai la Elisabet, kòn sau Arôn.

Ephesô 5:18

Bañ bơñul ñô, bơh bơta hơ̆ la bung jang, mơya bềng lìu tĕ Yàng Hwềng.

I Tesalônika 5:14

Bol hi jơh nùs dan oh mi lah, bơto tơngkah tĕ ală cau ală alai, chồl bơtrut ală cau ò khin cha, dong kòl ală cau lơbơn lơño, kong ơt gơwèt mơ tơl nă cau.

I Timôthe 1:9

kung git bơta boh lam ò di geh bơtào cau song ring in, mơya geh bơtào ală cau ò jat bơta boh lam mơ cau tòmdră in, cau ò duh rngòt mơ cau glài, cau ò sàng goh mơ cau jat dunnia, cau tơnchơt mè bèp mơ cau tơnchơt cau in,

I Timôthe 3:12

Cau dong gàr hìu jum pal la cau klau gơs mìng dô nă bau ùr lơm, pal git at bồ niam kòn sau mơ hìu nhă tòm he dê.

Sră Pơyoa Pol Dê Pơyoa Tit In 1:10

Bơh gơs oă cau ò dòn duh, lài ngan la mpồl cau kòñ prap gàr bơta siat gơltau, bol khai jak đơs gơlềng gơlàng mơ la cau blac pơrlồm;

I Samuel 2:11

Gen Elkana rê hìu tòm Rama, mơya cau kơnòm dềt ơm duh broă Yàng Jehôwa, di đap mat Heli la cau gơnoar ơn phan duh khoai.

I Samuel 2:22

Tŭ hơ̆ Heli neh kra ngan, khai neh kơno jơh ală bơta ală kòn klau khai dê lơh di jơh làng bol Israel, mơ mbe bol khai bic mơ ală cau ùr duh broă di mpồng mut hơ Sàl Tòm Mat.